~ ~ ~طلباتكم مجابة بإذن الله ~ ~ ~

[fleur de lili]

benti zineb raki vreaiment fort rabi ya3tik sahtek ouikhalik thour lil el mountada m3 oum khoutere in challah rabi jazikoume koul khir amin..

[ام هاديل وياسين]

المشاركة الأصلية كتبت بواسطة زينب 83

انا مانزيدلها والو بصح كي نطرحها نفرشلها النشاء او السكر غلاسي و مباعد كي تشكيلها راهي تيبس وحدها

شكرا على الرد اختي زينب حتى انا خدمتها مرة كما راكي تقولي بصح ولات تتفتت وحدها محكمتش روحها

معرفتش وين المشكل

[زينب 83]

المشاركة الأصلية كتبت بواسطة om hadil

شكرا على الرد اختي زينب حتى انا خدمتها مرة كما راكي تقولي بصح ولات تتفتت وحدها محكمتش روحها

معرفتش وين المشكل

ممكن تكون هي بالذات غير صالحة يعني فاسدة لانو العلبة كي يدخلها الهواء تيبس و تفسد

[زينب 83]

المشاركة الأصلية كتبت بواسطة fleur de lili

benti zineb raki vreaiment fort rabi ya3tik sahtek ouikhalik thour lil el mountada m3 oum khoutere in challah rabi jazikoume koul khir amin..

شكرًا يا غالية ربي يجازيك كل خير أمت ايضا على ردودك المشجعة

[ام هاديل وياسين]

المشاركة الأصلية كتبت بواسطة almazalina22

اولا نشكر بزاف الاخت زينب على المبادرة ربي يجعلها في ميزان حسناتك


اختي لابات داموند كي تشريها ديريها في كسرونة قيس واش تسحقي وسخنيها شوية برك ثم حطيها على طاولة العمل وابداي زيديلها النشا او بما يعرف بالمايزينة وزيدي ملون ابيض نتاع الميزان احسن باش كي ديري اي لون يخرش شباب وما يخرجش كي شغل موسخ خخخخخخخخخ يعني حتى تولي عجينة سهلة الاستعمال وتزيني بيها وحتى لوكان تكونجلي القاطو نتاعك وهو مقلاسي ومزين كي تجبديه ما تسيحش لابات ان شاء الله نكون افدتك ولو قليلا

شكرا ليك اختي ان شاء الله نجربها بطريقتك يعطيك الصحة

[ام هاديل وياسين]

المشاركة الأصلية كتبت بواسطة زينب 83

ممكن تكون هي بالذات غير صالحة يعني فاسدة لانو العلبة كي يدخلها الهواء تيبس و تفسد

ولله كي شريتها كانت مغلوقة مليح رايحة نجرب تاع الاخت الي قالتلي ونشوف الله يوفقك

اختي زينب

[ناريمان2004]

مساء الخير اخواتي راني مرة شفت دولمة بالخضار لام رامي وحاية الطريقة من فضلكم

[ام خالد اسلام]

المشاركة الأصلية كتبت بواسطة lila z

زينب حبيبتي شكرا ع المواضيع التحفة ديالك في ميزان حسناتك ان شاء الله

انا مرة شريت فور و كنت نحوس على تع المروحة بصح ما لقيتش قالولي مكاش فونتيلي و هو gaz
سؤالي ادا صح كاين فور فونتيلي و هو gaz
و شحال سومة ديالو

مساء الخير اختي انا عندي فور gaz وبالمروحة electrolux عندي عام من لي شريتو باربع ملاين وستمئة
هايييييييييييييييل

[lila z]

شكرا أختاي الحبيبتان زينب و أم خالد
للأسف كنت شريت اريستون ف الحميز اللي نسقسيه يقولي مكاش
ان شاء الله ادا كتب ربي و كانو الدراهم نشريه بالمروحة

ربي يحفظكن حبيبتاي

[ام فراس اصيل]

زينب يا صديقتي في حفظ القران ربي يقدرنا ونواصلوا الحفظ راكي درت حاجة مليحة هاك نستفادوا كامل الي ما تعرفش حاجة تسقسي عليها

[ام خالد اسلام]

المشاركة الأصلية كتبت بواسطة أم ياسين الزهراء

حبيت نصايح على الفريتوز حابة نستعمل انتاعي وقالولي الفريت مانملحوش ياريت اللي تستعمل الفريتوز تنصحنا وهدي اللي راهي عندي

مساء الخير ام ياسو يا عسل المنتدى انا عندي فريتوز seb
نقطع البطاطا ونملحها ونحطها تطيب نديرها على180 درجة وكي تسخن الزيت نلوح البطاطا ونبروقرامي الوقت حوالي10 دقائق ثم نهزها بالصفاية نتاعها تقطر مليح ثم نحطها في صحن
المشكل في الفريتوز تستهلك الزيت بزاف انا نتاعي 4 ليترات نقلي بيها حوالي 8 مرات هكذا مكتوب في الكاتالوج
اي سؤال ام ياسو راني هنا

[*امة الرحمن*]

يعطيك الصحة اختي

سؤالي حول الكيلات لانه احيانا نقراو في كتب الطبخ 30سل ،50غ، ..........الخ

نحب نعرف باش تقيسو و اشمن كيلات تستعملو و جزاكم الله كل خير

[زبدة ذايبة]

المشاركة الأصلية كتبت بواسطة زبدة ذايبة

السلام عليكم

تشهيت الخبز اللي يتباع في الدزاير 20 دينار (ألفين) هو جاي كي المطلوع

الأخوات اللي عندهم الوصفة يعطوهالي

راني خارج الجزائر ولكن جميعا جزيل الشكر

هذا المطلوع يجي خفيف ويطيب في الفور

في العاصمة الجزائرية كاين محلات خاصة يبيعوه مكتوب عليهم "مطلوع تقليدي"

يجي مسمسر بالسميد الرقيق ماعرفتش كيفاش يجي

اللي تعرف الوصفة جزاها الله كل خير تعطيني الطريقة

[النرجووسة]

الموضوع غير ليوم شفتو بارك الله فيكي ان شاء الله الجميع يستفيد

[أم ياسين الزهراء]

زبدة شوفي هدا راهو هايل كيما مطلوع الجزاير وجربناه الكل وجانا هايل


https://www.djelfa.info/vb/showthread...hlight=ibrahim