المعمول بطريقة جديدة

anesthesia · 2014-05-12, 16:23

السلام عليكم ورحمة الله
هذي اول مشاركة ليا في قسم الماكولات ، نتمنى تعجبكم هذي الوصفة
نبداو بالمقادير
-- 500 غ مارغرين انا استعملت. La belle
-- 4 حبات بيض
-- كاس سكر
-- فانيليا
-- قشور الليمون
-- 2 خمارة
ونطمو العجينة بالفرينة و التشيشة ( سميد متوسط )
الحشو اختياري انا درت الكوكاو
و تاني نحتاجو العسيلة

نبداو درك
نخلطو الزبدة مع البيض و لافاني والسكر
ثم نزيدو الفرينة و السميد كيلة بكيلة
انا درت بنفس العلبة تاع الزبدة
يعني ديري وحدة فرينة مع وحده سميد حتى نتحصلو على عجينة طرية

هادا هو الحشو والطابع اللي استعملتو

ثم نخدمو بهاد الطريقة

كي يطيب عسليهم
والتزيين اختياري انا درت سكر ناعم

نتمني انو الوصفة عجبتكم و تجربوها
شهية طيبة

Maria dadi · 2014-05-12, 16:24

يعطيك الصحة