خطيبي و علا3

[مشكلتي]

سلام عليكم و رحمة الله وبركاته عيدكم مبارك
اعتذر اظنني لم اكثر لكم الحقائق ودخلت دون تمهيدات لذا بدا لكم الامر بهكذا وانا لا اود ذكر بعض للتفاصيل لانني انا درستها واستخرت في ذلك ولقيت جواب الحسن والحمد لله واردت ان اقول لاخي مؤاد سابقا لا يا اخي لا تعمم بقولك نعرف واش تخموا ماذا ساخمم انا من صغري وانا انسانة واقغية لا ابالي بالاحلام وردية ويهمني معدن شخص لا شكله ولا ماله


لذا انا خطبني في سن 20 وهو يفوتني ب 3 اشهر والان مدة خطبة مع عقد طويلة لذا انا بت اعرفه دون تدخل قلبي فانا افكر بعقلي وادرس خطواتي لامام ..وبخصوص اني عندما اصريت ان يقول ماصيه فهذا لان ابنة خالته قالت وعندما واجهته قال صحيح كانت تدرس معي فتاة وهي جارتهم وهي تكيره بعام قال لكن لم اتجاووز معها حد او عملت معها شيىء سيىء كل ما في امر حديث عن احوال وايام وبعدها منذ ان تمت خطبتها وهي صغيرة اتت لعندي و رخست بكرامتي وقالت انا مع سيدك لانوا كبير وعندوا مال ( قال ادركت انها كانت هي تعقب بيا وقت وانا ناويها ) فقالي منذ ذاك وقت كرررهت و اشعلت نار غضب داخلي ووليت نهدر مع لبنات ونخليهم وساعات يهدروا معايا هوما ومنطولش معاهم يا ربي شهر و وحدة 16 يوم مهم و قالي استمريت على ذاك حاال و( انا درتها بيدي وندمت لانوا دمرت وقتها لانوا كنت نية و مفصليش طبيعة علاقات قالي كلام فقط وبخصوص زنا قتلوا يسما تزني قالي لا وانما كلام مش صور ولا غيرها ولا ذيك اشياء قالي مانيش ولد حرام لذيك درجة وانما شيطان عما بصيرتي وانا وقتها مكانش عاجبني حال وكثرت عليا لمشاكل في صغري و قالي كان خويا ف كتافي ويما وعاونوني وانا تاني عدت منرقدش ليل وبكيت لنشفوا دموعي ومكنتش حاب نكمل في ذيك الوضعية و كنت نجاهد مع نفسي ونقوي ايماني و نتسقم ونبعد والحمد لله ) قالي انا مش كيما بكري ودوك اني بعقلي و حاب لحلال و خايف على خاوتي وبنتي وحتى لحتكون مرتي قالي صح غلطت واسمحييلي اسمحيلي بصح الله غالب كون وقتها قاالولي عليك كون راني صبرت وخطبتك فقالي انا مانيش رح نتخلى عليك بساهل و حاب نكون زوج صالح ليك و نحس بلي عندي امراة ونص ....



اامهم وردي على اخ محمد انا مانيش نشكر في روحي ونقولك راني وانما بشاهدة ناس و مهمها شكروني ناس الا اني في قرارة نفسي انا ومش راضية على روحي و راني نطور في روحي



وانما انا لطرحي مشكلتي دققت على نقققطة هي لي قاتلتني
كوني انا عندي مشكلة مانيش مبينتلها للجميع الا عايلتي وهي عدم ثقة بنفسي حتى مثلا كي نطبخ ميعجبنيش طبخي او كي نلبس حاجة منتقنعش بيها. للالا ليس لاني لست قنوعة قنوعة والحمد لله لكن شكلي و هكا معنديش ثقة في نفسي وهذا راجع لانوا تعرضت لمشاكل عائلية بزاااف ولقيت روحي وحدي لانوا معنديش اخت وكنت نكتم اموري و كنت نقرى مليح ومشكل بدا من بيام فلما مديتش معدل كيما مااف مع انوا جيد لا اعلم منذ ذاك وقت ذهبت ثقتي بنفسي و مع ايام ديك دخل طرف وفسد في عايلتنا وبلاما نفصل


يعني قلتلكم عن سبب عدم ثقة


وانيواني متخوفة من خطيبي يرجع يغلط مع انوا اكيد انا مش حنخليه ونكافح و نعرف كيفاه نجبدوا ليا بعد زواج
وقبل زواج قتلوا على مواقع تواصل اجتماعي قالي محيت كلشي قدم وداير تع خدامة و لي يقربولي ووممكن نحيه خلاص )


يعني هو لحد الان لما نشرط عليه يقبل لكن يقولي نتي مزلتي ماكيش حابتني كزوج فانا نقولوا وبكل جدية انا نخوس على راجل نحسلوا بامان و ندير عايلة مبنية على ترببة مليحة مش انا نربي وبعدها يشوفوا بيهم مش مليح في ذيك امور لي نكرها ويقلدوه )
هكا وانما خطيبي دوك هو يبانلي لاباس عليه ومتوافق معايا وشفت فيه جوانب ملليحة بزااف وجوانبوا مش مليحة عادي تحكمت فيها ويلزملها رزانة وطول بال وهو يعرف غلطوا





اما تععلاقاتوا تع ماضي هاذي خلقتلي هاجس لخوف من انوا يرجع و يرضني وقتها ويغضب ربي اولا


وبخصوص لي قالولي علاه متقبلبش باخر جاو وشفت فلقيت هذا لي فيه حوايج لي تساعدني وكاين تفاهم بيناتنا برغم من انا مختلفين لكن اكيد اي رابطة فيها اختلافات





لذا واكرر خايفة ما قببل زواج اكيد انا مش حنقصر و نخلي فراغ اعلم انوا وقت مراهقتوا كان وقت طيش وفراغ اما دوكا راه مدرك وكيما يقول لمثل ما يحس بالجمرة غي لي كواتوا فهو مدرك عما مر بيه لما دار دوك افعال و ربي وقتها ابتلاه بضغوكات وعدم راااحة




وديما انا نببنلوا انا ردة فعلي جد قوية من هذا جانب



بعيد عن انوا نتاثر بعصبتوا او ساعات فطفتوا



وانا ديما مانيش نكثر معاه هدرة فمعنديش فيس نحكوا فيه انا وياه غي برقم هاتف

لذا دوما انا على عفويتي وهو كذلك و هو انسان يعني ماهوش يكذب بزااف لاني سقسينا عليه وانا متحنتوا تانيك بطرق ذكية بلاما يفيق او تمون طريقة مش مليبخة



واكرر انا واقعية ونخمم بعقلي مليخ وسبب تخوفي هو مانيس حابة نكون اسرة كاسرتي كان ناقصها معنى ام والاب ومشاكل عائلية فانا حابة نفيتي داك جو وانوا يكون زوجي يحبني بعيوبي ولشخصي ماشي شيى اخر ويكون لي سند وانا نكون ليه سند نعقبوا مليحة وحايرة


لذا نتحمل عصبية فقر بصح انوا خيانة بعيد شر لا هاته اقوى مني حتى وان زوج ثانية بالحلال
صخ ! رح تقولوا لحرام مقبلتيهش عندك حق بصح لحلال وشرع هاذي زودتيها


نقلكم انا مش ضد شرع ربي ولو شفت انوا بعض اقول بعض رجال هذا وقت يعدلوا لما كثر للذي نحن فيه

وتاني من باب عندي غيرة نحب نكون عندي راجل لنفسي ليست انانية......ولكن يعني من بين جميع نساء ممكن تصرالي انا


يعني هاذي كااامل تخممات لي نفكر فيها وخطوات لقدام ولي ماشي حابتها كوني كل واحد وش تأصل فيه من مبادىء من صغروا جاوه من معاناتوا او شاف ناس هكا اتمنى انكم فهمتوني


وانا كاي فتاة الحمد لله تربيت تربية اشكر الله ثم والدي على نعم وصفات لي فيا لي وصلوني انوا نكون انسانة حالها مش
كحاا ل بعض لبنات لي غلطوا او ممعرف كيفاه مش نشكر في روحي
وانما دوما لاحظت انوا فتاة طيبة ولي تكون بنت فاميلبة ديما تكون امور عكسها وتصدم بواقع




اتمنى وصلت مشكلتي

واطلب منكم دعاء لي ان يتمم لي هذا ويكون لي زوجا حلالا يتقي الله وان يبعد علينا كل ااالاشخاص الذين يريدون افساد بيننا
فهناك كثيرين

[محمد محمد.]

السلام عليكم ورحمة الله وبركاته

نفس نصيحتي أختي عليكما بالتوبة إلى الله والإقبال على حياتكما ونسيان ما مررت به من مشاكل عائلية وغير ذلك فذلك الوقت مضى وإنتهى ، والآن عليك أن تتطلع لمستقبلك

وأنا ما قتلكش أنك راكي تشكري في روحك ولم أقصدك أنت أصلا ، أنا تكلمت بالعموم يعني ليس بمجرد أن الشخص لا تكون له علاقات غير شرعية يعني أنه عفيف ، فهناك الكثير من مظاهر الإنحراف : الكذب ، الغيبة ، النميمة ، هذه كلها من الكبائر ومن مدمرات الأسرة والمجتمع

وكان أيضا ردي على من تقول بما أن الرجال لا يقبلون فتاة لديها ماض سيئ فأنا أيضا لا أقبل رجل لديه ماض سيئ كعناد فقط وليس كمبدأ ، لأن المرأة عادة لا تتأثر بماض زوجها و هي التي تحمل عرض زوجها وليس العكس ، رغم أنّ مشكلتك و مشكلة أي إمرأة في الغالب هو تخوفك من المستقبل وليس محاسبة على الماضي وهذه النقطة قد لا يفقهها البعض .

وهناك نقطة بخصوص التعدد : كان بمقدورك أن تكتف بقول أنا لا أقدر على قبول التعدد فهذا أهون من التحجج بعدم وجود العدل لأنه حتى لو أتاك رجل بعدل عمر إبن الخطاب رضي الله عنه فإن رأيك في التعدد لن يتغيّر


المهم أنت مادمت متحقّقة أن هذا الشخص صادق فعليك بالتوكّل على الله وتفويض أمورك إليه سبحانه ولا تتعلّق بالأسباب .

ربي يوفقك

[غصن البآن]

واضح من كلامك انو عندك ثقة فالرجل و زيد تعرفي طباعو او تعرفيه احسن من الكل.. وهذا يكفي باش تكوني الوحيدة القادرة على اخذ قرارك بلا ما يبداو كل واحد يحكيلي على تجارب معينة لانو كل راجل وطباعو وعادتو و اخلاقو ... توكلي على ربي وصلي على النبي واستخيري وربي يتمملك بخير اذا فيه خير ليك وفيك خير ليه

[حورية تو]

إذن يا أختي إتكلي على الله وثقي فيه وفي خطيبك واغلقي عنك هذا الباب ...
ربي يكملك

[بشرئ عاشقة العلم]

ارجو ان ترجعو* مشاركتي لاني لم اكن اعرف انه يمنع الاقتباس فقد اردت ان ارد على الاخ و افهمه قصدي*

[ايمان4]

شوفي اختي اصلا انت ممت عندكش مشكلة من اصلو ... انت السيد حبيتيه يكون زوجك و تكملي معاه حياتك و سالتو عليه و عرفتيه و عجبوك طبايعه و زينه و كلشي فيه .. و الراجل هذا الشي لي يهم فيه تدينو و اخلاقو و خدمتو و قدرتو على اعالة عايلة و التزامو و زينو يعني مش مهم لتلك الدرجة لكن اقل شي بالنسبة ليك لي يخلي تنجذبي ليه كزوج يعني باش تكون هناك حياة زوجية انت في عينيك الراجل هذا فيه كامل هاد الصفات اذن هو الزوج المثالي بالنسبة ليك كما نقولو عمرلك عينك ... و هذا ما نرجوه من الزوجين باش يقعدو يعيشو عمر مع بعض و يجيبو دراري و يكونو عايلة ... ربي يسخرلكم ان شا الله .. انت مشكلتك ثقتك بنفسك واحد ما يقدر ينميهالك الا انت ... اتفرجي علماء النفس و الاطباء النفسيون ف اليوتوب و اقراي كتبهم خصوصا الاجانب منهم متكمنين من العلوم ... اقراي و ديري ثقة في نفسك و في ي خلقك انو خلقك انسان كامل مكمول نفخ فيك من روحه تعالى عز و جل .. و ثقفي نفسك في علم النفس مش تنمية بشرية هديك اصلا ممنوعة في بلاد الغرب نظرا لتحايلهم على الناس ....و راح تتطوري مع العمر تطوري ثقتك بنفسك الدعوة مش ع الزين ...انت الحمد لله زينة لكن الزين زين الافعال يعني تكوني نعم الزوجة و التفاهم و المودة + زينك و تدينك واش يطلب اكثر تعيشو سعداء باذن الله ربي معاك

[toulay]

السلام عليكم
موضوعك طويل بزاف وصراحة مقريتوش كامل ماعدا الجزء الاول وعلى حساب الشوفة انت مقتنعة بيه وحاسمة امرك من زمان
اعيد واكرر كل شيء يعتمد عليك وعلى قناعتك
بالتوفيق

[ع.عيسى]

صلي صلاة استخارة واتكلي على ربي.. ربي يقدملك لي فيه الخير... ربي يسجي الاحوال ان شاء الله*