شوفو واش خدمت

[barka61]

المشاركة الأصلية كتبت بواسطة الخروبية

السلام عليكم الله يسلمكم ويحفضكم من كل سوئ يااااااااااااارب اختى barka61 اسمحيلى منعرفش نحط رشمة نعرف غير صورة خاصتا هى فى النيلواضحكى عليا معليهش تحية من الخروبية للجميع سلام ياكرام

اختى يعطيك الف صحة وعافية بصح لو كان تحطيها معليش نموذج مصغر وباليد فقط ناخذ فكرة

[أمة الله 12]

يعطيك الصحة
الله يبارك
اختي تعيشي قوليلي وين يبيعو رشمات الفتلة في قسنطينة، جاوبني ف اقرب وقت راني يوم السبت رايحة لقسنطينة

[الخروبية]

السلام عليكم شكرا على الرد الجميل والذوق الاروع الاخت لى طلبت الرشمة غدوى انشاء الله نحطلك نموذج ولو مصغر حاضر اما الاخت الى جايا الى قسنطينة مرحبا بيك ملات الدار ماشى ضيفة قسنطينة جنان وانتى وردة فيه اما عن الرشمات يتباعو في كل المحلات الى تبيع لوازم الخياطة خيرى واش حبيتى بصح الحراجة الشاطرة هى لى تعرف كيفاه تخلى الرشمة اروع لماذا كاين حراجة كيما تلقى الرشمة ترشمها وتخدمها بصح كاينة الى ترشم وتخدم وتشارجيها بحوايج يقلولهم الحاجب وعوينة وشقالة ولعوينات حتى تحسى الرشمة تبدلت وكاين فى قسنطينة بعض المواهب انك تديلو لقماش يرشمهالك تم تم بلارشنة من راسو بصح هاذو يرشمو غالى نتمى انى عاونت ختى تحيىة من الخروبية للجميع سلام ياكرام

[barka61]

ربي يحفظك ويخليك رانا نستناو معليش و المستني خير من قاطع للياس كيما يقولو و شكرااااااااااااااااااااااااااااا

[أمة الله 12]

المشاركة الأصلية كتبت بواسطة الخروبية

السلام عليكم شكرا على الرد الجميل والذوق الاروع الاخت لى طلبت الرشمة غدوى انشاء الله نحطلك نموذج ولو مصغر حاضر اما الاخت الى جايا الى قسنطينة مرحبا بيك ملات الدار ماشى ضيفة قسنطينة جنان وانتى وردة فيه اما عن الرشمات يتباعو في كل المحلات الى تبيع لوازم الخياطة خيرى واش حبيتى بصح الحراجة الشاطرة هى لى تعرف كيفاه تخلى الرشمة اروع لماذا كاين حراجة كيما تلقى الرشمة ترشمها وتخدمها بصح كاينة الى ترشم وتخدم وتشارجيها بحوايج يقلولهم الحاجب وعوينة وشقالة ولعوينات حتى تحسى الرشمة تبدلت وكاين فى قسنطينة بعض المواهب انك تديلو لقماش يرشمهالك تم تم بلارشنة من راسو بصح هاذو يرشمو غالى نتمى انى عاونت ختى تحيىة من الخروبية للجميع سلام ياكرام

يرحم والديك اختي، ربي يعطيك ما تتمني

[الخروبية]

السلام عليكم ااخت الفاضلة رانى صورتها بحجمها الطبيعى هكا تقدرى تامبريميها وتبعى الخطوات التالية صدقينى ريحا نتجى انتى سنيتى الرشمة وانا نسنى الخدمة نقولك حجا الله يبارك عندك الزهر هاذى الرشمة وحدااخرى برك بقاو عندى بكل مديتهم لانى متوقف عن العمل لضروف صحية اطلبى ربى يشفينى اليوم الجمعة جمعة مباركة للجميع تحية من الخروبية للجميع سلام ياكرام

[halifa]

raby ya3tik matetmenay w raby ychafik nchalla
wlh hata fra7t kima lguitek diri hakda wana kount n7awess 3la 7araja tet9en lkhadma f khroub
t3ichi lakan ta9dri 3andi wa7d modele 7aba ndirou mais weyest kima malguitech wdoka kima cheft khademtek vraimm macha2 allah
https://www.4up.com/4v2h2knnvndy
https://www.4up.com/2ug8vz21gz3l

[halifa]

كيما هدا تاني
https://www.4up.com/0p2qe0krxgo4
تعيشي ردي عليا لاكان تقدري ديريلي ولا حبستي خلاص
ربي يهنيك انشاء الله

[الخروبية]

السلام عليكم اسمحيلى كاين حوايج منقدرش نبعتهملك لازم الدقة والفصيل الرشمةلى بعتلك تاعى وخدمتها نعرف ادق التفاصيل فيها زيد هى رشمة صغيرة وتمشيها على كامل الجلال بصح لى حطيتى لازم تكون مرشومة كاملة وتتحط على القماش وتترشم مايش كيف كيف والحرج ماشى كى لخياطة كى تطلبى بترون تاع مودال ونعرفو علاه نبخل ختى اسمحيلى اما الخدمة تانى اسمحيلى منقدرش الله اعلم وكتاه نبدى وكى نبدا يااما الحرج او الخياطة محال نديرهم فى زوج تقبلى اعتذاى و احترامى تحية من الخروبية للجميع سلام ياكرام

[موجو جوجو]

بارك الله فيك اختي الخروبية اعمالك تووووووووب

[halifa]

wlh ki le3ssel a le3ssel
raby nchallah ya3tik li f balek nchallah
t3ichi lakan ta3erfi khayata w dir 7arj tani pcq ana li nelgaha tgouli nkhayet w coufi win diri l7arj 7ata melit men enou nkhayet
baraka laho fik

[naima66]

شكرا اخة خروبة سؤلي هو .ماهو اسم الخيط الدى استعملته فى الجبة دورى ربي يعظيك الصحة

[الخروبية]

السلام عليكم ربى يعيشك متقوليش مايش حبا تعاونى اقسم بالله رانى نحكيلك حاجا صرات معندهاش بزاف والله على ما اقول شهيد جارتنا طفلة مخطوبةو ويتيمة غادتنى الخيطات يتمسخرو بيها عيطت لوحدة الخياطة قلتلها على وجه ربي عاونيها اناكنت نتيق فيها بزاف قاتلى كونى متهنية وحطت حوايج عندها وهى فرحانة جارتنا دايرا فيا التيقة المهم وصل العرس كى راحت تجيب لحوايج تصدمت وبكات بزاف النص خيطتو ونص قالتلها مقعتش اتصورى يااختى رانى ساهمت فى دموع لوليا لتيما منتم حلفت كى تعود حجا نديرها انا نديرها لوكان نموت بصح فناس اسمحيلى كاين ناس معندهمش كلمة تقبلى اعتذارى ارجوكى تحية من الخروبية للجميع سلام ياكرام

[الخروبية]

السلام عليكم اختى نعيمة اسمحيلى مفهمتش سؤالك بصح نحاول نكتبلك ونتى تلقاى انشاء الله علاواه تحوسى ورانى اهنا سقسي كما تحبى شوففى حطى بالك معيا مليح والا نجي عندك تعودى تقولى امشى تروحى طيب تعمرى الكنيطة بالخيط تاع لخياطة عادى ومن فوق تحطى خيط تاع الستارة سور تعرفيه كين كبات صغار تاع الفين وكاين لكبار تاع ربعطاش الف اما لكان قصدك على الفتلة تخليها مطلوقة تمشى بيدك وفى كل مرى نذكر اخواتى الخدمة راهى مليحة وناقسة شوية تعب على خدمت اليد بصح الخطر يكون فى لبرا الله لايقدر ضربتها واعرة نتمتى لقيتى الجواب كشما حاجا انشاء الله رانى هنا تحية من الخروبية للجميع سلام ياكرام

[kawtarz]

ماشاء الله ربي يشافيك ويرجع لك صحتك وعافيتك