استعجلوا الإنترنيت ستقطع يوم السبت

أم شفاء · 2013-07-30, 12:13

صباح النور اخواتي
إن شاء الله تكونوا بخير مع هذا الشهر الفضيل ان شاء الله تكونوا غمرتوه بالطاعات
انا اليوم و بما أن العيد قرب حبيت نستشير كل من جربت قاطو الجوزة اللي يطيب بالمول تاعو فوق الطابونة
انا جربتو مرات و لكن جاني يابس
حابة من كل من جرباتو تفيدني بالوصفة المثالية و صح فطوركمممم و استعجلوا في الرد الإنترنيت تروحلي نهار السبت يا أخواتي عيدكمممم مباركككككككككككككككك

اخواتي أنا وجدت مرة المقروط رولي الجديد فيمنتدى لكن نسيته أرجو وضع الرابط لي و لكن المقروط هذاك لي رولي بزاف الجديد

لميس اميرة · 2013-07-30, 12:30

اختي انا جربت مرة وصفة الاخت هنا فالمنتدى نظن كاكينوفا عملت وصفة قاطو الجوزة و تبعت الخطوات كيما قالت و خليتو غير خذا لون اصفر ماشي حتى حمار و الله جا يذوب فالفم على قد ما يطول يبقى طري و خلطلو الجوز فالحشو و الله الشكل شكل جوزة و الطعم طعم جوزة

انتي ممكن طولتيلو فالطياب

اختي لازم تسخني المول ملييييييييييييح اولا ثم تحطي كويراتك و تصغطي بسرعة و تحطي فوق النار حتى ينتفخ و يطهى بسرعة و يبقى طرش ما تحطيهش في مول بارد حتى طول فالطهي و يخرج كامل ليدام نتاعو و ييبس ان شاء الله تتوفقي فيه

عيدك مبارك اختي تعيدي بالصحة و لهنا