عرسك قرب واحترتي واش توجدي ادخلي تشوفي

[ميسم جوري]

اليوم جبتلكم قاطو هايل اسمو les jardins الحصة التانية عملتو مع قلوب الجنجلانية خرج روعة نخليكم مع المقادير

مقادير العجينة
3 كيلات فرينة على حسب المناسبة احنا كيلنا بالكاس
نصف كيلة زائد ملعقتين زيبدة التوريق دائبة
ملعقة لافاني
ملون ابيض واخر احمر
بودرة ماء زهر وماء دافئ
الحشو

3 كيلات لوز ابيض مرحي
كيلة ناقص 2 اصابع سكر عادي
بشور ليمونتين
لافاني صفارين وبيضة كاملة للم
الطريقة

نخلطو النواشف مع بعض فرينة لافاني ملعقة صغيرة زبدة تحبي تنحي تقسمي باه تضيفي الملون او من بعد احنا قسمنا جزء اضفيله ملون ابيض تخلطي بودرة ماء زهر فالماء الدافئ وتلمي العجينة البيضاء وتخلطي الملون الاحمر مع الماء للجزء التاني من العجينة نخلوها ترتاح نصف ساعة على الاقل في بلاستيك
نحضرو العقدة لوز مرحي وسكر عادي وبشور الليمون والفاني ونلمو بالبيض ونعجنو ملييح باه يدوب السكر ونخلوها في بلاستيك احنا في الوقت هدا درنا قلوب الجنجلانية
بعد ما ترتاح نحلو العيجة يالحلال في رقم 7 عدة مرات تم 3 تم رقم 1 على التوالي مرة وااحدة فقط نستعملو القطاعات رقم 50 مرتين بالعجينة البيضاء ثم 40 ثم 30
بالفرشاة ندهنو ببياض البيض دائره البيضاء ثم نضع الحشو ونكونو قطعناها برقم 50 تم عجينة اخرى بيضاء تم حمراء وكل مرة نلصقو ببياض البيض تم نصنعو ورود 2 بيضاء و2 حمراء برقم 30 نوضعو 4 ثقوب وندهنو ببياض البيض ةنلصقوهم نوضعوهم في بلا ونخلوهم يباتو ليلة كاملة نطيبوهم في درجة 180 وكي طيب نعسلوهم وهما سخونين بعسل بارد اسفة لاني ماصورتش كل المراحل المرة الجاية راح نوضع الصور بالتفصيل
g




هنا بعد ماطاب وتعسل



هدا الصابلي اللي خدمناه مع وسادة العروس

[
هادي جنجلانية

وهادو واش تعلمت يوم الجمعة والسبت

نتمنى يعجبوكم واللي ما فهمتش راني جاهزة نرد على سؤالها اسمحولي ادا كان ماعرفتش نقدم الوصفة بشكل انيق لاني جديدة واول مرة نحمل صور فرجاء اعذروني

[روضة من رياض الجنة]

يعطيك الصحة هايلين

[ميسم جوري]

يعيشك اختي ربي يخليك

[om inas]

الله يباااااارك

[ميسم جوري]

يبارك فيك اختي ربي يخليك

[tong2]

بــــــارك الله فيـــك روعــــــــة

[ميسم جوري]

وفيك بركة انت الاروع

[lahna moka]

يعطيك الصحة حبوبة و سلمت يداك

[أم إناس]

يعطيك الصحه اختي

[ام جزائرية]

يعطيك الف صحة

[لميس اميرة]

يهبلو يهبلو كاااااااااااااااااااااامل

و شرحك رائع كروعتك شكرا لك اختي كانو يبانولي صعاب لكن بشرحك البسيط ولاو يبانو ولا اسهل


بارك الله فيك

[kosrah]

يعطيك ألف عافية حبيبتي ومرورك مشرف وحلوياتك رائعة وشرحك اروع سلمت يداك

[wafa wawa]

الله يبارك على يديك .ربي يحفظك حبيبتي

[رزان.]

يعطيك الصّحة

[هجيرة1]

الله يبارك جاك روعة الله يسلم هذوك اليدين ممكن نعمل مكان اللوز كوكاو
هل ننحصل علىقاطو هشش