ورشة الصدر ((كوكتال الألوان))

الدر المكنون 7 · 2012-12-08, 07:52

السلام عليكم ورحمة الله تعالى وبركاته
بسم الله الرحمن الرحيم :
مرحبا وأهلا وسهلا بالأخوات الكريمات،على الود والمحبة نلتقي،وبالجد والاتقان نرتقي
هذي أول مرة ندير ورشة صدر ،ان شاء الله يكون شرحي واضح وعند حسن ظنكم بي

نبدا على بركة الله:
اللوازم :10كبات خيط مسلك اما بنفس اللون أوبألوان متعددة ،في هذا الصدر استعملت 2كبب لون أزرق ،3بلون أصفر ،و5بلون وردي ، والزينة حسب الذوق
السطر الأول:نعمل سلسلة من8وحدات ونغلق

السطر الثاني:نصعد ب3 سلسلة ونعمل20عمودونغلق بمنزلقة

السطر الثالث:نعمل 30سلسلةونغلق بمنزلقة

بعد ترك عمود واحد بينهما وهكذا حتى الانتهاء من السطر ،فيصبح لدينا 10 بتلات فارغة

،نملا كل بتلة ب30غرزة حشو،

ونستمر في الدوران حتى نتم 10أسطر،وهكذا نكمل أول وردة ،
[I

أنا صنعت 10وردات ،كل وحدة تزيد أوتنقص العدد حسب لا طاي نتاعها.

لما نكمل كل الوردات نجو للمرحلة الثانية:
نشبك الخيط في احدى الوردات كما هو موضح في الصورة ونعمل سلسلة ب9 وحدات

ونثبت في الجهة المقابلة للبتلة من الخلف

ي السطر الثاني نصنع 6 أعمدة بلفتين في وسط السلسلة أي في العين الخامسةمن السطر لي قبلو ،ثم 6سلسلة وهكذا...

السطر الثالث نصنع 6أعمدة +3سلسلة ثم منزلقة(غرزة حشو)+ 3سلسلة وبعدها 6أعمدة وهكذا...

السطر الرابع نفس الشيء
السطر الخامس 6أعمدة+4سلسلة+منزلقة +4سلسلة،،

في الوردة الثانية ندير أربعة أسطر وفي السطر الخامس نبدا نشبك مع الوردة الأولى لي خدمناها بالطريقة التالية:
ندير 3أعمدة ونشبك بمنزلقةفي منتصف 6أعمدة من الوردة الاخرى ونكمل 3أعمدةالباقيين،، بعدها ندير 4سلسلة ونشبك بمنزلقة في الوردة الأولى وبعدهاعمود ب3لفات في الوردة الثانية لي راني نخدم فيها+ 4سلسلة ،،نكرر العملية مرتين
وبنفس الطريقة نكمل باقي الوردات
حتى نتحصل على هذا الشكل

في الجهة السفليةللصدرنديرو سطرين: -6أعمدة+4سلسلة +1غرزة حشو+4سلسلة+6أعمدة .....الخ

وفي الجهة العلويةنديروأربعة أسطر :في السطر الأول:6أعمدة+6سلسلة+6أعمدة ،وعند التقاء الوردتين،بعد ال6أعمدة نديرو3سلسلة+عمود بثلاث لفات+3سلسلة+6أعمدة،والصورة توضح ذلك

السطر الثاني: 6أعمدة+5سلسلة+6أعمدة

السطر الثالث:6أعمدة+4سلسلة+6أعمدة
السطر الرابع:6أعمدة+3سلسلة+6أعمدة

وهكذا يكون الصدر واجد للتزيين

وهذا هو واجد

نجو للأكمام :نديرو سلسلة طويلة(كل وحدة حسب قياسها )
قياس السلسلة هو الارتفاع من الكتف الى أسفل الابط مرتين
أنا درت 240سلسلة

نصعد ب3سلسلة ونعملو أعمدة على طول السلسلة

،وفي السطر الموالي نديرو 7سلسلة-منزلقة-7سلسلة-منزلقة

ونلف نلف حتى النهاية

،مرة على مرة نعمل هكذا

نقدرو نديرو لي بول ماجيك في وسط الأكمام

في الأخير نديرو 6أعمدة+1سلسلة عدد ولون الأسطر اختياري،في آخر سطر نديرو 8سلسلة +غ1غرزة حشو

والسلام ختام
في أمان الله ،
ما تنساوش تدعولي بحسن الخاتمة

amira79 · 2012-12-08, 09:20

يعطيك الصحة على الورشة و ربي ينولك واش في بالك

الدر المكنون 7 · 2012-12-08, 09:27

شكرا حبيبتي نورتي الورشة بطلتك البهية
واش رايك في تلميذتك؟؟؟

amira79 · 2012-12-08, 09:51

الله يبارك .................راكي حصلت على ترقية ..................مساعدة تاعي تقبلي ؟؟؟

ادا قبلتي شمري على يديك باه تكون استمرارية في العمل نشبعوهم صدور تاع الكروشي هههههههههه

janino · 2012-12-08, 10:01

صباح النور على الكل مبروك الاقتتاح ورشة رائعة و الوان اروع مشكورة اختى على هدا الشرح المبسط المفهوم نشرى الخيط بادن الله و نطبق جزاك الله كل الخير

loudjeine2000 · 2012-12-08, 10:29

بارك الله فيك و انشاء الله سوف اشتري اليوم الخيط و نبدا فيه غدا و مشكورة ومأجورة اختي

فرحة العمر · 2012-12-08, 11:05

نفرز حوايجي اليوم ونبدأ التطبيق بإذن الله
ونتمنى متزعف الأستاذة أميرة وتقولي علاه مكملتيش تمرينك

amira79 · 2012-12-08, 11:22

اقتباس:

المشاركة الأصلية كتبت بواسطة عذاب العمر

نفرز حوايجي اليوم ونبدأ التطبيق بإذن الله
ونتمنى متزعف الأستاذة أميرة وتقولي علاه مكملتيش تمرينك

ما نزعفش تاعي راهو ماشي كامل هههههههههه ما تبيعيش

crono · 2012-12-08, 11:31

يعطيك الصحة على الورشة و الوان اروع مشكورة

janino · 2012-12-08, 11:32

اختى من فضلك الكبة شحال دير من وردة و هدا الصدر مولاتو سمينةا و متوسطة

didahe · 2012-12-08, 11:52

الدر المكنون 7 · 2012-12-08, 11:58

اقتباس:

المشاركة الأصلية كتبت بواسطة amira79

الله يبارك .................راكي حصلت على ترقية ..................مساعدة تاعي تقبلي ؟؟؟

ادا قبلتي شمري على يديك باه تكون استمرارية في العمل نشبعوهم صدور تاع الكروشي هههههههههه

مرة على مرة ok مي نتبرونشا معاك ماشكيتش حبيبتي ظروفي ماتسمحش ،ولوليدات صغار
تمنيت نكون مساعدة تاعك يشرفني مي الله غالب