الى اين ستوصلنا الوقاحة وقلة الحياء؟؟؟

ouissamak · 2014-12-17, 20:29

السلام عليكم
لاول مرة اتشرف بالكتابة في هذا القسم
الحكاية حدثت هاذ ه الامسية وانا في السيارة مع زوجي اذ بفتاتن متحجبتان تقطعان الطريق
عند قطعهما بدان في النظر يمين شمال ويضحكن مع اصحاب السيارات
واحداهن وبكل وقاحة وقلة حياء تنظر لزوجي وتضحك له

هذه عينة فقط من ما يحدث في مجتمعنا
في زمن بعيد كانت المراة تسمح صوت راجل تتخبى حتى لا يراها يفعلون كل هاذا وذاك تحت اسم التقدم ومواكبة التغيرات لكن للاسف
عندنا مثل بالقبائلية يقول جات الجاجة تعاند مشية الحمامة تلفتلها مشيتها يقلدون الغرب في اللباس والتصرفات لكن للاسف هاذا ليس من صفات المجتمع الاسلامي
والله عييب وعار على الفتاة الجزائرية المسلمة

ولكن السؤال لي يجيني في بالي هل هاذا من نقص التربية من الابوين او الفتاة لم تعد تعر والديها ادنى احترام؟؟؟؟؟؟؟؟

staifia · 2014-12-17, 20:33

لوكان هبطتي مرمدتيها و نتفتيها نتف هههههههههههه
كاين بنات بزاف هكدا ماشي متربيين و خارجينها عيني عينك
ربي يسترنا وخلاص
وشكرا

مريم الصابرة · 2014-12-17, 20:34

السلام عليكم اختي
اهلا وسهلا والله اختي في الماضي كيما قلت كانت المرا تسمع بكلمة راجل تحكمها الرهبة والخوف الآن ديركت الراجل يمشي والمرا تتبلى لكن ما نقولوش كامل الله غالب فسدوها علينا
اما لو انا كنت في بلاصتك نقولو قاري لادروات وتفرج برك خاطيك تحرم تزيد تشوف راجل في حياتها هذي كان نخليلها باه تشوف وقاحة مع بعدها وقاحة الراجل مع مرتو سبحان الله فعلا لا حياء ولا شي ونفس الامر صدقيني مرات تكون مرا مع راجلها ويتبلاوها الرجال تحيري تقولي واقيل ما راهش يبان قدامك هههههههههه
الله يهديهم مجتمع مهبول

سوار سارة · 2014-12-17, 20:42

إذا لم تستح فافعل ما شئت

ouissamak · 2014-12-17, 20:44

والله كانت سيركولاسيون انا وجدت روحي باش نحبط راجلي ليماخلانيش
والله لدوكا مازالها تغلي في قلبي يعني لوكان ماكنتش تما كانت قادرة تفتح البتب وتركب عادي

مريم الصابرة · 2014-12-17, 20:58

اخطيك منها يا اختي وقاحة ما عندك ما ديري
قولي مزيا كنت معاه لو ما كنتيش كارثة الراجل لوما يكون شاد في ربي ويحب مرتو والله يضعف امام إغرائاتهم الحمد لله كنت ثم وراجلك رزين
الله يهديهم

متمنية · 2014-12-17, 21:09

الله يهديهم انتى ماشتى والو لوكان تشوفى ما خفيا كان اعضم

ouissamak · 2014-12-17, 21:12

الله يهدي عباده ان شاء الله وان شاء الله نشدو في الدين وطاعة الوالدين

لحن الحياة. · 2014-12-17, 21:17

هاذي لوكان شبعتي ضحك في وجها لوكان قتلتيها بالبارد ....................بصراحة لوكان أنا في بلاصتك نموت بالضحك ونتشوق باش نعرف وش تخمم في راسها

sidra2014 · 2014-12-17, 21:29

ياخي حالة يخي والله سمتولنا الخرجة وين نروحو نلقاو بقرات إبليس بعيد شر
هايجين هايجين أنا نقوللكم أصح خواتاتي أناعندي بنات كيما هادو موتهوم خير من حياتهوم

ouissamak · 2014-12-17, 21:30

اقتباس:

المشاركة الأصلية كتبت بواسطة jill

هاذي لوكان شبعتي ضحك في وجها لوكان قتلتيها بالبارد ....................بصراحة لوكان أنا في بلاصتك نموت بالضحك ونتشوق باش نعرف وش تخمم في راسها

هاداك اوقت

هاكدا كانو عينيا يلعبو زوج جوايه نشوف قليلة الحياء ونشوف ردة فعل الزعيم مع اني عمدي ثقة تاااااامة في زوجي بصح الشيطان الله ينعلو ويخزيه هادي هي خدمتو

لحن الحياة. · 2014-12-17, 21:50

اقتباس:

المشاركة الأصلية كتبت بواسطة ouissamak

هاداك اوقت

هاكدا كانو عينيا يلعبو زوج جوايه نشوف قليلة الحياء ونشوف ردة فعل الزعيم مع اني عمدي ثقة تاااااامة في زوجي بصح الشيطان الله ينعلو ويخزيه هادي هي خدمتو

ربي يبعد عليك البلا كل واحد تسلكو نيتو.....وديري ثقة في ربي يبعد عليك وجوه الميزيرية كيما هاذون

ouissamak · 2014-12-21, 15:55

ربي يبعد البلا على ججميع ولاد وبنتا الحلال

first first · 2014-12-21, 16:30

ماتخافيش اختي...............تجي دالتها ويخرج قلبها.......علابالهم هما برك بنات؟؟؟؟؟؟؟؟؟؟؟؟؟؟؟؟؟؟؟؟
ربي يهديهم....................لي مايرضاش حاجة على نفسو مكان لاه يضوقها لغيرو.................قصدي كما تدين تدان...خليهم يلبزو ويخبزو......السلاك اوكاين وكما يقال: من حفر حفرة لاخيه وقع فيها.

ouissamak · 2014-12-21, 17:19

للاسف الشديد يشمتو في تربية والديهم بهذه السلوك