المادلان المنمر من مطبخي روووووعة

ام اماني77 · 2015-05-17, 16:13

بسم الله الرحمن الرحيم

السلام عليكم أخواتي ان شاء الله الكل في تمام الصحة والعافية

المادلان من المحببة من طرف الكبار والصغار لذلك حبيت نشاركم هذا الطريقة في تزيينه سهلة وسريعة كنوع من التغيير

بالنسبة للوصفة استعملت نفس الوصفة لي عملت بها الكيكة الرهيبة يجي خفيف كالقطن من دون اطالة اليكم الوصفة

المقادير:

بيضات4
180 غسكر عادي
120مل زيت
120 ملحليب
60غ نشاء
240غ فرينة
باكي خميرة
فاني

الطريقة

بواسطة الخلاط الكهربائي نخلط الببض مع السكروالفاني جيدا نضيف الزيت والحليب ونستمر في الخفق ثم نضيف الفرينة والنشاء والخميرة بعد مانغربلهم مرتين غير بالشوية ونحرك بالملعقة من فوق لتحت
ناخذ كمية قليلة من الخليط و نقسمها الى قسمين
القسم الاول نضيف له كمية قليلة ما الكاكاو اما القسم الثاني فنضيف له كمية اكثر من الكاكاو فنتحصل على لون بني قاتمويمكن اضافة قليل من الحليب اذا كان الخليط ثقيل
نحط العجين الابيض في ليمول الخاصة بالمادلان نضع الخليط الاول في كيس لابوش ادوي ونضع نقاط كما في الصورة

نضع الخليط الثاني في الكيس و نضعه حول النقاط كما في الصورة

ندخل للفرن مسخن مسبقا على 180 درجة وهاذا شكله النهائي بعد خروجه من الفرن

ان شاء الله ينال اعجابكم ولا تنسوني وعائلتي من صالح الدعاء خاصة اننا في فترة امتحانات ربي يوفق الجميع

في امان الله

oum ibrahim · 2015-05-17, 16:17

امممممممممممممممممو اممممممممممممممممممممممم ماشاء الله عليك يا ام الابداع كله يسلمووووووو حفظك الرحمن
ام اماني الفرينة تقصدي 240 غ ؟؟

anais lily · 2015-05-17, 16:17

يعطيك الصحة
كل وصفاتك في القمة

ام عبدو و ملاك · 2015-05-17, 16:18

يشرفني اني اكون اول وحدة ترد واش نقولك يا اختي ربي يزيدها في ميزان حسناتك و يعطيك الصحة و الله كل و صفاتك تشهي وتمدي فيها من قلبك ربي ينجحلك اولادك

ام اماني77 · 2015-05-17, 16:21

اقتباس:

المشاركة الأصلية كتبت بواسطة oum ibrahim

امممممممممممممممممو اممممممممممممممممممممممم ماشاء الله عليك يا ام الابداع كله يسلمووووووو حفظك الرحمن
ام اماني الفرينة تقصدي 240 غ ؟؟

اهلا بالغالية ام ابراهيم كيفك ياغالية توحشتتتتتك

الله يحفظك ويحميك انت وعائلتك

اكيد 240غ راني عدلت شكراااا على التنبيه

امونة الشاوية · 2015-05-17, 16:23

................روعة ام اماني كل اعمالك متقنة وجميلة ربي يبارك

ام اماني77 · 2015-05-17, 16:23

غالياتي ليلي والمعلمة الجديدة وامونة بارك الله فيكن على المرور الطيب نورتن الموضوع

امونة الشاوية · 2015-05-17, 16:32

العفو ام اماني تستاهلي كل التقدير
حبيت نقولك فقط تقدري
خليط واحد تديريلو نيسكافي وواحد الكاكاو لكي يكون التدرج في الالوان هاذا لمن يحب نكهة النيسكافي

فايزة44 · 2015-05-17, 16:34

رووووووووووووووووووعة كرووووووووعتك حبيبتي دمت معطاءة ربي يسر للاولاد بالتوفيق

koukizoo21 · 2015-05-17, 16:36

روعععععععععععععععععععععععة

ام اماني77 · 2015-05-17, 16:54

اقتباس:

المشاركة الأصلية كتبت بواسطة امونة الشاوية

العفو ام اماني تستاهلي كل التقدير

حبيت نقولك فقط تقدري
خليط واحد تديريلو نيسكافي وواحد الكاكاو لكي يكون التدرج في الالوان هاذا لمن يحب نكهة النيسكافي

اكيد غالتي كما نعمله القلاساج المنمر

شكراااا على المشاركة