القوارط اكلة مستغانمية اصيلة

الدنيا · 2012-03-18, 19:12

مساء الخير
بغيت نعرفكم على هذ الاكلة التقليدية المستغانمية الاصيلة و هي القوارط
كليتها و تعلمتها عند امي الثانية و ام حبيبتي و رفيقة دربي طاطا نورية
ربي ما يحرمنيش منها ومن نصائحها الدائمة لي
اترككم مع الصور الموضحة

المقادير:
كيلو سميد رقيق
ملح
ماء

التحضير:
نغربلو السميد

ثم نضيف الملح و الماء

و نعجن جيدا

حتى نتحصل على عجين يابس

نقسمه 4 كريات

و كل كرية نحلوها فوق طاولة بالوراق

و نقسمها الى قسمين

نعيد حله بالحلال او باليد قليلا

ثم بماكنة العجين في الرقم 2 ثم 4 ثم
7

حتى نتحصل على شريط رقيق و طويل نرشه بالدقيق الرطب او الفرينة و نقصه الى اجزاء و نترك الاشرطة تنشف فوق الطاولة و نعيد العملية
مع باقي العجين شرط ان لا تنشف الاشرطة لدرجة اليبسان بل قليلا فقط اي تذهب الرطوبة التي سببها الماء

و نعود لاول شريط ناشف نفوتوه في جهة السباقيتي

و اللي نتحصل عليه نذرذر عليه الفرينة حتى لا تلتصق ببعضها البعض و نحطوهم في قصعة و نعيد العملية مع باقي الاشرطة الناشفة

و لما تنشف السباغيتيقليلا نضعها في غربال ذو الفتحات الواسعة

و نحك باليد جيدا حتى نتحصل على مربعات صغيرة منفصلة عن بعضها البعض و هذا هو المصود بالقوارط

و عند الانتهاء من هذه العملية مع جميع السباقيتي ناخذ القوارط الى الشمس حيث ننشرها مثل الكسكس
ملاحظة : اذا كانت فيها الفرينة ننفضها او نتخلص منها بالغربال ذو الفتحات الضيقة

اتمنى ان تنال اعجابكن و ارجو ان يتم تثبيت الموضوع لما فيه من افادة كبيرة للاخوات