استفسار عاجل رحلة إلى تركيا

[fixe44]

انا اقيم في hotel grand markt في منطقة kumpaki السعر جيد و اوتال جميل

[aissa-mosta]

السلام عليكم جميعا أنا و زوجتي و أولادي الصغار نريد الذهاب إلى تركيا لمدة 06 أيام في شهر أوت ، و لا لكن أريد السؤال هل أذهب مع وكالة سياحة أو أحجز عبر الانترنت في فندق مع العلم انه ليس لدى بطاقة ائتمان الذي يطلبه الحجز و ماهو مبلغ تذكرة الطائرة للشخين + الاولاد و شكرا لكم

[sunshine2013]

المشاركة الأصلية كتبت بواسطة fixe44

انا داهب يوم 26 افريل ان شاء الله لو تحتاجين شئ انا موجود

يعطيك الصحة أخي عندي استفسار هناك فنادق جميلة لكن تطلب شروط مثلا الدفع تقول في أي وقت بعد الحجز يمكن الفندق أن يقتطع المبلغ في أي وقت لم أفهم
ما هي المعايير الي يجب اعتمادها عند اختيار الفندق حتى لا تكون هناك مشاكل

[sunshine2013]

المشاركة الأصلية كتبت بواسطة fixe44

انا اقيم في hotel grand markt في منطقة kumpaki السعر جيد و اوتال جميل

كنت مريت عليه عند البحث و عجبني لكن اخترت فندق آخر و هو pisa hotel لم يعجبني فعلا لكنه قريب من المواصلات و الرحلة كانت من المفروض الأسبوع المقبل لكن أخرتها شوية
واش رأيك في pisa hotel ؟؟؟
و أيضا ممكن مواقع للتسوق تكون السلع جيدة و الأسعار في المتناول في منطقة leli fatih و beyazit
شكرا
إقامة سعيدة

[sunshine2013]

المشاركة الأصلية كتبت بواسطة aissa-mosta

السلام عليكم جميعا أنا و زوجتي و أولادي الصغار نريد الذهاب إلى تركيا لمدة 06 أيام في شهر أوت ، و لا لكن أريد السؤال هل أذهب مع وكالة سياحة أو أحجز عبر الانترنت في فندق مع العلم انه ليس لدى بطاقة ائتمان الذي يطلبه الحجز و ماهو مبلغ تذكرة الطائرة للشخين + الاولاد و شكرا لكم

موفقين في الرحلة
ننصحك أخي ما تستناش حتى لأوت باش تشري billets أنا سقسيت الوكالة و قاتلي الأسعار ملتهبة في الصيف يعني 10 ملايين و روح و دك قاتلي 4 ملايين
من الأحسن تشري الآن و بالنسبة للحجز كاين فنادق ما تطلبش بطاقة الائتمان نتا كي تكون تبحث حوس مليح و إن شاء الله تلقا

[hamzahunter]

السلام عليكم
الاخ fixe44
بارك الله فيك أخي ارجو ان تطلعنا على سعره وخدماته ونظافته وكل معلومة تفيدنا أخي الكريم
هل يمكنك أن تدلنا على فنادق ملك لمسلمين هناك او عرب لا يستعملونالخمور لعائلة مسلمة ارجو ان تفيدنا اخي وبارك الله فيك

[mrmilano1984]

السلام يعني الاخت سان شاين اقوم بحدف الحجز الخاص بغرفة لي كنتي تحوسي عليها لاني حجزت لكما افتراضيا في بيازيت وبسعر 21500 دج يعني واحد ماكلاه يحجز ويحدف ويلغي الحجز

[sunshine2013]

شكرا أخي راني جاوبتك في موضوع آخر بلاك ما شفتشوش أعتذر منك
لقد قمت بالحجز في منطقة لالي ب200 أورو و لقيت أقل لكن ماعنديش بطاقة الائتمان للأسف
يعطيك الصحة

[mrmilano1984]

اوك وانا عندي بطاقة الائتمان

[sunshine2013]

شكرا أخي سأعلمك عند شراء التذاكر إن شاء الله
بارك الله فيك
ممكن أسعار التذاكر باش ما يكلخوليش

[mrmilano1984]

والله لااعلم ثمن التداكر اني مانخدمش التداكر الاخت نخدم واش قتلك لكن تقدري تروحي لمكاتب الطيران ويعطوك الاثمان طبعا احسن من تروحي للوكالة لانها اكثر من المكاتب

[sunshine2013]

يعطيك الصحة

[mrmilano1984]

العفو اي مسلعدة راني هنا

[oumnia]

المشاركة الأصلية كتبت بواسطة sunshine2013

السلام عليكم أخواتي
حابة نروح لتركيا و لأول مرة و هادا مع أمي ربي يحفظها يعني رحلة لشخصين لمدة 6 أيام و عندي بعض الاستفسارات العاجلة بما أنو حابين نروحو في شهر أفريل
هل هادا الشهر مناسب من حيث الأحوال الجوية
شحال الفيزا و شحال باش يمدوها و واش فيها
نصرف الأورو خير ولا الدولار؟؟؟
تذكرة الطائرة لشخصين شحال و إدا هادا وقت مناسب للتخفيضات و اي خطوط مليحة الجزائرية ولا التركية؟؟؟
شحال بالتقريب تستقامنا في زوج يعني الفندق و الأكل و الشرب و شراء حاجات خفيفة و كاش فندق مليح مش غالي المهم نظيف و قريب للنقل
الأماكن للتسوق تكون اسعارها في المتناول خاصة الألبسة لأني حابة نشري حجابات و خمارات ليا و لأمي و هدايا للعائلة
شحال لازم ندو معانا دراهم و نصرفوهم لهنا ولا تمة ؟؟؟
و أي معلومة نرحب بيها
بارك الله فيكم

[QUOTE=sunshine2013;3993038776]السلام عليكم أخواتي
حابة نروح لتركيا و لأول مرة و هادا مع أمي ربي يحفظها يعني رحلة لشخصين لمدة 6 أيام و عندي بعض الاستفسارات العاجلة بما أنو حابين نروحو في شهر أفريل

و عليكم السلم اختي الكريمة انا راني رايحة نجاوبك من خلال تجربتي الشخصية و نشاء الله نقدر نفيدك

هل هادا الشهر مناسب من حيث الأحوال الجوية

نعم اختي هذا الشهر كثير حلو و خصوصي اواخر افريل و بداية شهر ماي

شحال الفيزا و شحال باش يمدوها و واش فيها
نصرف الأورو خير ولا الدولار؟؟؟

اصرفي الاورو خير باسك الدولار راه طالع بزاف و كي توصلي صرفي كل نهار شوية و ما تصرفيش بزاف في المطار باسك رخيس و احسن منطقة للصرف بيازيد و لاليلي

تذكرة الطائرة لشخصين شحال و إدا هادا وقت مناسب للتخفيضات و اي خطوط مليحة الجزائرية ولا التركية؟؟؟

الخطوط الجوية الجزائرية ارخص من الخطوط التركية تقريبا ب 5000 دج و التذكرة على الخطوط الجزائرية راهي من الجزائر العاصمة ب 40400 دج و انا بفضل الخطوط الجزائرية لانه الباقاج كثر من الخطوط الاخرى و خصوصي اذا كنتي حابة تقضي و تجيبي معاك صوالح

شحال بالتقريب تستقامنا في زوج يعني الفندق و الأكل و الشرب و شراء حاجات خفيفة و كاش فندق مليح مش غالي المهم نظيف و قريب للنقل

شوفي ختى بالنسبة للفندق انا حجزت منا بكارت فيزا بصح كاين فنادق ملاح و رخاص في بيازيد و مليح تسكني في هديك المنطقة باسك قريبة لكلش و انا ممكن نساعدك و نعملك برنامج حلو و بدون مقابل طبعا لانه انا رحت العام الماضي مع امي و هاذ العام راني رايحة مع امي و قريباتي يوم 29 افريل و نقعد 10 ايام اذا حبيتي ابعثيلي على الخاص و نفهمك كثر

الأماكن للتسوق تكون اسعارها في المتناول خاصة الألبسة لأني حابة نشري حجابات و خمارات ليا و لأمي و هدايا للعائلة

اماكن تسوق رخيصة عندك سوق محمود باشا و يقع في بيازيد تحت الغراند بازار و امينونو السوق المصري و في الليل يبيعو في الطريق صوالح ملاح في بيازيد و لاليلي اما تقسيم كاين هناك صوالح ملاح مي غالي شوية و كاين الماركة و عندك ثانيك منطقة عصمان بيه ثاني مليحة

شحال لازم ندو معانا دراهم و نصرفوهم لهنا ولا تمة ؟؟؟

ختى شوفي على حسابكم نتوما اذا راكم حابين تقضو وين راكم حابين تروحو تحوسو و كما قوتلك حبيتي نعاونك نديرلك برنامج شباب و نقولك كل نهار شحال تصرفي بالقريب

و أي معلومة نرحب بيها
بارك الله فيكم[/QUOTE

[-رودينا-]

المشاركة الأصلية كتبت بواسطة hamzahunter

السلام عليكم
ارجو من الاخت رودينا ان تفيدنا باسم الفندق بارك الله فيك مسبقا واتمنى ان تعطينا لمحة عليه من جميع الجوانب سعرة نظافته خدماته ووو

المشاركة الأصلية كتبت بواسطة sunshine2013

بارك الله فيك أختي أكيد راكي أفدتيني
راني نحوس على فنادق أقل سعر
و بالنسبة للتذكرة قوليلي من الوكالة أفضل ولا من المطار؟؟؟

المشاركة الأصلية كتبت بواسطة الداعي الى الحق

الى العضورة رودينا
هل تستطعين ان تقولي لنا ماسم الفندق نتاع هاد الفلطسني

السلام عليكم ورحمة الله وبركاته
والله فندق هايل وصاحبه انسان محترم جدا وخدوم ويحب الجزائرين بزاف
موقعوه ممتاز قريب من المواقع التاريخية والاسواق ومن محطة النقل سواء ترام او الباصات
ومعظم الغرف فيها مطابخ حاجة مليحة لي يطيب وحدو خاصة فطور الصباح
تفضلو رابط الفندق اسمه Lika Apart
https://www.booking.com/hotel/tr/muhs...ighlight_room=

اما الخطوط سافرنا على خطوط اليتاليا خلاصنا 24000 دج للواحد من الجزائر -روما ومن روما لتركيا بصح في لي سكال شوية تعذبنا لان حراصة مشددة يخافون من الجزائرين *الحراقا*حجزونا في غرفة وزيد وقت الانتظار