~ ~ ~طلباتكم مجابة بإذن الله ~ ~ ~

[zoubidaas]

السلام عليكم

اريد الاستفسار منكم عن احسن ماركة كما في السؤال four encastrable / plaque chauffante / la haute

و بخصوص الفور يوجد اريده بالمروحة و لكن لا ادري ايهما الاحسن :

اللي فيه بالغاز من الاسفل و الفوق غاز
او اللي فيه من الاعلى و الاسفل غاز


و كم الاسعار لو امكن

[ام احبتي]

مرحبازينب كيف حالك حبيت نسالك على الماشينة تاعك تاع السبور شحال تخدمي مرة فاليوم وشحال المدة حتان دخلت كرشك جاوبيني الله يجازيك

[**أمة الرحمن **]

طلبي هو
أن أعرف كيف تنجح وصفاتكم ؟؟؟

أحاااااااااول مرارا و تكرارا مسكين زوجي يأكل كل ما أطبخه و هو لذته كالورق أو شكله كالتراب
فقدت الأمل
جربت الوصفات و لم تنجح معي أبدا أصبحت عند دخولي للمطبخ أخاااااااااف أن أطبخ فشلت في المطبخ
ماذا أفعل ؟
الحمد لله

[سالوني]

المشاركة الأصلية كتبت بواسطة **أمة الرحمن **

طلبي هو
أن أعرف كيف تنجح وصفاتكم ؟؟؟

أحاااااااااول مرارا و تكرارا مسكين زوجي يأكل كل ما أطبخه و هو لذته كالورق أو شكله كالتراب
فقدت الأمل
جربت الوصفات و لم تنجح معي أبدا أصبحت عند دخولي للمطبخ أخاااااااااف أن أطبخ فشلت في المطبخ
ماذا أفعل ؟
الحمد لله

السلام عليكم أخت "أمة الرحمن"

أنت تقلقين دون داع، عليك أن تحبي ما تفعلين لأن خوفك من الفشل سيمنعك من تحقيق النجاح في الحياة عامة وفي المطبخ خاصة
ربما أنت تملين بسرعة وترغبين بحصول النتائج بسرعة
يجب أن تصبري قد تأتي المرة الأولى ليس كا تبدو عليها الوصفة
وربما المرة الثانية كذلك والثالثة والرابعة والخامسة ... حتى تتحسني
وأنا من تجربتي أقول لك ذلك

أعطيك أمثلة فقط عن نفسي
- قداش حبيت ندير البيتزا كيما الناس كانت ديما دجيني لا علاقة وعييت عييت باه دجيني قدقد وبالممارسة الدايمة حتى قدرت نديرها كيما نحب،
- وثاني اشتهيت ندير لكرواسون والملفاي وهذوما يجيو بالعجينة المورقة وهي صعيبة في الخدمة مي تقدر تنعمل بالمواظبة عليها، أما كي درت لكرواسون مصلحليش في لول فسدلي ومحبش يصلح، واش درتلو قلبت لعجينة نتاعو بيتزا وصلحتلي
كي مصلحليش قلت منزيدش ندير مي بعد مدة داني لحماس وقلت أكيد كاينة غلطة وقعدت نعاود حتى خرجت عليه

وخلي وخلي حوايج ياسر
آخر مرة بركة معندهاش سمانة تعلمت ندير كيفاه نفتل البركوكس وانا جامي درتو
بصح كي عاد عندي إرادة قدرتلو وخرج مليح

* راهو كلشي يتم بالرغبة والإرادة نتاعنا إذا حبيناها تصلح وإذا كرهناها ودقوتينا منها ما تنجحش وأنت خير مثال
راهي مكانش حاجة متصلحش إذا ماشي المرة لولى تكون الثنية وذا ماشي الثانية تكون الثالثة وهكذا

*ما لازمش تفشلي لازم تكوني قوي وقادرة على نفسك اللي تمل لهليه
*لازملك تسقسي وتشوفي كيفاه تندار خاصة لفيديو في الأنترنت أو في التلفاز ظرك تلقاي كيفاش يطيبو وطبقي المقادير بالضبط
وانا واثقة أنك راح تنجحي ودقوليلي راني نجحت

* نتمى تكوني فهمت عليّا وتاخذي بنصايحي

بالتوفيييييييييييييييييييييييييييق

[**أمة الرحمن **]

المشاركة الأصلية كتبت بواسطة سالوني

السلام عليكم أخت "أمة الرحمن"

أنت تقلقين دون داع، عليك أن تحبي ما تفعلين لأن خوفك من الفشل سيمنعك من تحقيق النجاح في الحياة عامة وفي المطبخ خاصة
ربما أنت تملين بسرعة وترغبين بحصول النتائج بسرعة
يجب أن تصبري قد تأتي المرة الأولى ليس كا تبدو عليها الوصفة
وربما المرة الثانية كذلك والثالثة والرابعة والخامسة ... حتى تتحسني
وأنا من تجربتي أقول لك ذلك

أعطيك أمثلة فقط عن نفسي
- قداش حبيت ندير البيتزا كيما الناس كانت ديما دجيني لا علاقة وعييت عييت باه دجيني قدقد وبالممارسة الدايمة حتى قدرت نديرها كيما نحب،
- وثاني اشتهيت ندير لكرواسون والملفاي وهذوما يجيو بالعجينة المورقة وهي صعيبة في الخدمة مي تقدر تنعمل بالمواظبة عليها، أما كي درت لكرواسون مصلحليش في لول فسدلي ومحبش يصلح، واش درتلو قلبت لعجينة نتاعو بيتزا وصلحتلي
كي مصلحليش قلت منزيدش ندير مي بعد مدة داني لحماس وقلت أكيد كاينة غلطة وقعدت نعاود حتى خرجت عليه

وخلي وخلي حوايج ياسر
آخر مرة بركة معندهاش سمانة تعلمت ندير كيفاه نفتل البركوكس وانا جامي درتو
بصح كي عاد عندي إرادة قدرتلو وخرج مليح

* راهو كلشي يتم بالرغبة والإرادة نتاعنا إذا حبيناها تصلح وإذا كرهناها ودقوتينا منها ما تنجحش وأنت خير مثال
راهي مكانش حاجة متصلحش إذا ماشي المرة لولى تكون الثنية وذا ماشي الثانية تكون الثالثة وهكذا

*ما لازمش تفشلي لازم تكوني قوي وقادرة على نفسك اللي تمل لهليه
*لازملك تسقسي وتشوفي كيفاه تندار خاصة لفيديو في الأنترنت أو في التلفاز ظرك تلقاي كيفاش يطيبو وطبقي المقادير بالضبط
وانا واثقة أنك راح تنجحي ودقوليلي راني نجحت

* نتمى تكوني فهمت عليّا وتاخذي بنصايحي

بالتوفيييييييييييييييييييييييييييق

شكرا لك كثيييييييييييييييييييييييييييرااااااااا على الرد الرائع شكراااااااااااااا

[فراشات العمر]

شكرا لكن هايل

[عبير الزهور]

السلام عليكم
عندى فور تع تريسيتي وار بول لعندها كيفو
تقولي كفاه نطيب فيه يعني درجة الحرارة تاعو في الطياب
القاطو و البيتزا و هو يشعل من فوق و تحت مع بعض ما يشعلش تحت وحده

[ام انفال الاء لجين]

عبير مستحيل الفور ما يشعلش من التحت فقط
فيه اوبسيون سالي صاحب الدكان و لا اقرئي كتب الارشادات لي جا معاه من شريتيه
هدا تاكدي منه اختي
الاخت لي تسال على الطبخ نقولك
التجربة ثم التجربة ثم التجربة
جربي اليوم تفسد و المرة الجاية نصف نصف و المرة الاخيرة تنجحي فيها
و لازم تكوني تحبي الطبخ بقلبك
انا تزوجت 17 سنة من الثانوية لبيت زوجي لا اعرف شيئا سوى قلييييييييل القليل
بقيت نشوف في النت ونجرب و الحمد لله بقيت نطيب مليح و من بعد بقيت نصنع الحلويات حتى اصبحت الان و لله الحمد و الشكر
معروفة عند الاهل و الاقارب و الجيران بالطبخ مع الديكور و صنع الحلويات في المناسبات و صنع لي تارت و الباتيسري و نطيب في المناسبات الكبرى للعائلة و لله الحمد و انا عمري الان 27 سنة.
فلا تياسي اختي و جربي من صميم قلبك و اي شئ ات تعرفينه اسالي و يجاوبوك الاخوات
بالتوفيق اختي اسال الله لك التسير و ان يجعل لك كل صعب سهلا .

[ام انفال الاء لجين]

الاخت الحامل لي تسال على التغدية نقولك
ثبت الله حملك و بارك لك في صحتك
ننصحك بحاجة هي الحليب كونديا و التمر هو جد مغدي و يعالج فقر الدم و يزيدك الجهد تحسي بالراحة على مداومته
و كدلك العدس مرة على مرة طيبيه و تغدي بيه
و تاني كاين وصفة نفعتني بزاف في حملي بادن الله هي
نبشر(نرابي) 2 حبات بيطراف +2 حبات جزر+1حبة تفاح ديريهم في اناء و فرغي عليهم 2لتر عصير اي نوع تفضلينه (انا كنت نستعمل عصير رامي)
خلطي ثم فري الخليط في قارورة و كل ما تعطشي شربي منه او اشربي 3 كؤوس في اليوم او اشربيه مت تتغدي و لا تتعشي سمي الله و اشربي
البيطراف و الجزر يكون نيئ يعني اخضر ماشي طايب
و صدقيني رح تكون نتيجة جد مبهرة بادن الرحمن .

[عبير الزهور]

السلام عليكم
لا لا اختي أم انفال آلاء لجين راني متأكدة يشعل من لفوق و من تحت و لا من فوق برك هذا واش فيه في الازرار تاعو و حتى في الدليل
كي ندير قاطو نزيدلو يحمار بزاف ، نقصلو ييبس
بالصح مليح بزاف في المخبوزات كي نشعلو المروحة

[khansaa]

من فضلكن عندي عرضة هاد الاسبوع و حابة ندير رشتة كطبق رئيسي
لهذا اريد افكار عما يمكن تقديمه معها و شكرا

[melissat]

السلام عليكم ورحمة الله وبركاته
وصفة صابلي المورانغ هداك اللي يديرولو معجون أحمر فالوسط
تكون مجربة وناجحة
انتظركم
شكرا

[lilii7179]

سلام
حبيت نسقسيكم اذا كانت هناك طريقة لحفظ الكريم فريش لمدة طويلة. انا نشري باطة نتاع hopla ندير بيها كاش عفسة و مبعد تبقالي ( كيعاد نطبخ ل 2 اشخاص) . في الثلاجة عمبالي ما طولش بزاف , هل تصلح اني نجمدها؟؟؟؟؟

[*فاتن*]

المشاركة الأصلية كتبت بواسطة lilii7179

سلام
حبيت نسقسيكم اذا كانت هناك طريقة لحفظ الكريم فريش لمدة طويلة. انا نشري باطة نتاع hopla ندير بيها كاش عفسة و مبعد تبقالي ( كيعاد نطبخ ل 2 اشخاص) . في الثلاجة عمبالي ما طولش بزاف , هل تصلح اني نجمدها؟؟؟؟؟

اختي مكلاه تكونجليها .انا كيفك نشري hopla و ديما تبقالي لانو عايلتي صغيرة كونجليتها مرة وكي جيت نستعملها لقيتها متصلحش وليت نشري كريم فريش العلب الصغيرة

[zahoo123]

أنا الكاوكاو نرحيه في رحاية القهوة ونضيف السكر ويترحى جيدا