مرحباً بكم في درس جديد من دروس مدرسة الفنون
درسنا اليوم حول البيتزا ، في اول الامر كنت راح نحط انواع البيتزا حول العالم ، لكن لقيت انو فيها مكونات كثيرة و أجبان ممكن تكون غالية على البعض
وليت فكرت اني نحط عدة اشكال للبيتزا جميلة و لذيذة كلها بنفس المكونات البسيطة و لي متعودين عليها
و ان شاء الله تعجبكم غالياتي
نبدأ مع المكونات الاساسية
العجينة
كاس حليب دافئ
ملعقة سكر
ملعقة خميرة خبز
ملعقة قهوة ملح
نصف ملعقة زبدة
ملعقة زيت زيتون او عادي
نطلعو الخميرة مع الحليب و السكر حتى دير فقاعات ، نزيدو الفرينة تدريجيا و نعجنو حتى نرجع عندنا عجينة ملساء طرية و تلصق في اليد ، لازم تلصق ، في الاخير نزيدو الزبدة و الزيت و الملح
نغطيوها و نخليوها حتى تضاعف الحجم
صلصة الطماطم
نقصو طماطم بصل و ثوم و نزيدو عليهم شوي ماء حتى نغطيوهم و نخليوهم يطيبو شوي ، نرحيوهم في خلاط العصير يرحيها فوور ، و مباعد نزيدولها بهارات فلفل ابيض ،بودرة الثوم ، ريشة رند ، ملح ملعقة زيت زيتون و ملعقة صغيرة سكر و ملعق صغيرة طماطم مصبرة و نحطوها فوق النار حتى تنشف من الماء
صوص الجبن
نسخنو 5ملاعق حليب نزيدولهم 6جبن مثلثات و و اذا حبينا شوي جبن مبشور ،نرحيوهم بخلاص العصير ، و نحطوها فوق نار قلييييلة حتى تعقد شوي نزيدولها ثوم و فلفل ابيض و زعيترة
صراحة هايلة و تعطي طعم رائع للبيتزا
بقية الحشو
جبن مبشور ، انا نستعمل الجبن الاحمر
فطر مقطع
فلفل اخضر مقطع
زيتون اخضر و اسود مقطع
لحم مفروم
تونة
و الحشو يتنوع كل واحدة و إمكانياتها طبعا
لنجاح البيتزا الفرن لازم يكون سخوووووون بزاف انا نشعلو ساعة قبل على اقصى درجة و نحطها في الوسط و لي عندها مروحة تشغلها لانها رائعة المعجنات
نبدأ بسم الله
بيتزا كرواسون
شكل جميل و لذيذ جدا
نطرحو العجينة رقيقة ، و نقصوها مثلثات و نوزعو عليهم صوص الطماطم و الجبن ، تونة ،و زيتون اسود ، و نحطو في القاعدة شوي صلصة جبن و نلفوها على شكل حبة كرواسون ندهنوها بالحليب و نرشو فوقها زعيترة
نخلوها تخمر شوي و الى الفرن
URL=https://www.m5zn.com/out.php?code=16194115]
[/URL]
ميني بيتزا محشية
نطرحو العجينة و نقصوها دوائر، و نحطو الحشو ، انا حطيت صلصة طماطم و زيتون و تونة و صلصة جبن
نغلقو القرص و نعاودو نطرحوه بكف يدنا بشوي ، نزيدو نحطو نف الحشو من جديد و نرشو الجبن و زعيترة
نخليوه يخم شوي و الى الفرن
بيتزا كورني
هاذي البيتزا راااائعة و بنييييينة
نطرحو العجينة رقيقة دوائر صغار و نلفوها على الكورني لي كنا خدمناه بورق الالمنيوم
نخلوها تخمر شوي و ندخلوه للفرن يطيب ، نحطوه واقف بعد ما يطيب نخرجوه نحيوه من الكورني و نحطو الحشو قطعة جبن في القاعدة ثة صوص الطماطم ، ثم صلصة الجبن ثم شوي لحم مفروم زيتون ، فلفل مقطع و نكملو هكذا حتى يعتمر الكورني ، نرشو من فوق بصلصة جبن و جبن مبشور و نحطوه في علبة طماطم و ندخلوه للفرن نشعلو غير من فوق حتى يذوب الجبن
انا حيتو في كيسان صغار لكن راهو عندو ليسيبور سبيسيال يتباعو
قلوب البيتزا
نشكلو العجينة على شكل حربوش ، نقصوه في الوسط على 2 لكن ما نوصلوا للنهاية ، نحشيو الجيهتين بالجبن ، و نلفوها كما في الصورة نضغطو على القلب باه يتسطح شوي و نحطو الحشو السابق و نرشو الجبن و الزعيترة نخليوه يخمر شوي و الا الفرن
نخلة البيتزا
لذيذة و مناسبة مع الشوربات
نطرحو العجينة رقيقة ، نوزعو عليها صلصة طماطم ،زيتون ،فلفل ،جبن مبشور ، زعيترة ، و نلفوها كما في الصورة نقصو دوائر بواسطة مقص لكن ما نوصلوا للنهاية ، نشكلوها ، و ندهنوها بحليب نخليوها تخمر شوي و الى الفرن
تورساد البيتزا
هاذو خفاف و بناااان ياسر
نقسمو العجينة على 2 و نطرحوهم رقاق، نوزعو الخشو لي هو صوص الطماطم و جبن مبشور و زيتون اسود و زعيترة
نغطيوها بالنص الثاني من العجينة نضغطو شوي و نقصوها بالطول و نشكلوها على شكل تورساد ندهنوها بالحليب نخلوها تخمر و الى الفرن
بيتزا بكرات اللحم
هاذي البيتزا لذيذة و بريزانتابل
اولا نتبلو اللحم المفروم بثوم و توابل و نشكلوه كريات في كل كرية نحطو قطعة جبن و نقليوهم في مقلاة فيها ملعقة زيت حتى يأخذوا اللون الذهبي
نطرحو البيتزا رقيقة و نوزعو الكريات و نشكلو العجينة كما في الصورة و ندهنو بالبانسو شوي ماء باه تلصق
نوزعو الحشو صلصة طماطم ، فطر ، تونة ، فلفل ، زيتون ، صلصة جبن و جبن مبشور و زعيترة و نخليوها تخمر شوي ثم الى الفرن
يمكن استبدال كريات اللحم بكريات البطاطا
URL=https://www.m5zn.com/out.php?code=16194169]
[/URL]
مربعات البيتزا
نطرحو العجينة رقيقة و نقصوها مربعات و نحطوها في مول المافن مدهون ، و نحطو نفس الخشو ، صلصة طماطم و صلصة جبن و زيتون و شوي لحم مفروم مطهي و جبن مبشور و زعيترة ، فعلا لذييييذة
اعواد البيتزا
هاذي الفكرة رائعة للأطفال و راح تفرحهم
نطرحو العجينة رقيقة و نقصوها دوائر صغار و نحشيو أعود الشواء و تزينوها بالطريقة لي نخلوها نخلوها تخمر شوي و الى الفرن
بيتزا الكريات
هاذي مزيج بين الخبز و البيتزا
نقصو البيتزا دوائر بعد ماطرحناها رقيقة نحطو الحشو لي حبينا في وسط كل قرص نغلقوه و نشكلوها كريات ، نحطوها في مول مدهون و نخلو فراغات بيناتهم و نحطو قطع جبن همبورغر او كاشير
نلفوها تخمر شوي و ندخلوها الفرن ، بعد ماطيب مليح من تحت و من فوق ، نخرجوها و نوزعو فوقها صلصة الطماطم و صوص الجبن زيتون ، جبن مبشور و زعتر و ندخلوها و نشعلو من فوق حتى تأخذ لون جميل
و بالصحة و الهناء
و العجينة لي بقاتلي درت بيها هاذي المقبلة السهلة و اللذيذة
طرحت العجينة بالطول رقيقة ، و قصيتها أشرطة
طيبت المرغاز حتى خرج منو كمال الزيت ، دخلت فيه اعواد الشواء و لفيت على كل واحدة شريط دهنتهم بالحليب ، خليتهم خمرو و الى الفرن
ممكن في مكن المرغاز ديرو طريقة ام عبدو و ملاك رائعة و صحية اكثر
( تقرير عن مشاركة سيئة )، و الموجودة أسفل كل مشاركة .
2016-02-14, 13:47
الدرس الثالث من مدرسة فنون الطبخ &معجنات البيتزا&
الدرس الثالث من مدرسة فنون الطبخ &معجنات البيتزا&
العرض العادي
