تطبيقي لميرانق و كريمة الزبدة لأم رامي و كريمة الزبدة لأم كوثر

إلهام07 · 2013-03-10, 14:17

درت تارت يوم الجمعة بمناسبة عيد المرأة ( قلت نقلش عمري ) و استغليت الفرصة باش نطبق كريمة الزبدة لأم رامي ونزين بيها التارت (مع أنني كنت اشتريت 200غ كريم شانتيي) ، لما ذقتها تفاجات، ألذ وأخف كريمة زبدة ذقتها في حياتي ، أنا أصلا نعاف كريمة الزبدة لأنها ثقيلة بصح هاذي لو ما تعرفوش تحسبوها كريم شانتيي روعة في المذاق ، درت نفس الوصفة وزدت فيها كاكاو :

الكمية نتاع الكريمة ماكفاتنيش قلت نزيد نستغل الفرصة ونطبق كريمة الزبدة نتاع أم كوثر ونقارن بيناتهم و الأحسن فيهم نعتمدها، صراحة :
* كريمة أم كوثر زاكية واقتصادية أكثر
* كريمة كل من أم كوثر وأم رامي خفيفة
* الفرق في الطعم : كريمة أم رامي ألذ بكثير ، من فضلك أم كوثر ما تزعفيش مني

هجمو علينا ضياف الغفلة ، طاحو فيها كي الجراد الأصفر و هذا ما بقى منها على الأقل بقات قطعة للذكرى:

بقالي من كريمة الزبدة لأم رامي 2 بياض بيض ، قلت نزيد نستغل الفرصة و نطبق الميرانق نتاع أم رامي ( أنا لونتو بالوردي ) ، في هاذي الصورة راني حكمت ماما بالجرم المشهود ذاقت حبة هههههه:

كل عام وأنتن بخير و فنانات ، قبلاتي

هاذي الروابط للأخوات اللي طلبوها :
* الكيكة وصفة نتاعي و فيها 6 بيضات و المقادير الأخرى درتها بميز عيني ، آسفة
* الميرانق ، هاهو الرابط نتاعو : https://www.djelfa.info/vb/showthread.php?t=1204476
* كريمة الزبدة نتاع ام رامي ، لاأذكر في أي وصفة حطتها ، لكن هاهي المقادير :
كريمة الزبدة
أخفقي صفار بيضتين جيدا ثم أضيفي نصف كاس سكر قلاسي واصلي الخفق ثم نصف علبة شكولاطة ذائبة واخفقي وأخيرا أضيفي نصف علبة مرغرين لابال نتاع 250 غ يعني 125 غ تكوني خفقتيها وحدها من قبل، تحبي تضيفي شوية كاكاو
ضعيها في كيس التزيين وزيني بها

faiçal 19200 · 2013-03-10, 14:32

تطبيقات موفقة وتزيين اجمل

amara30 · 2013-03-10, 15:12

والله ضحكتيني .......جرادكم فيه الرحمة خلالكم طرف ههههه.
تطبيق موفق ....بالصحة والهنا
ياريت تحطيلنا الروابط لو سمحتي
وكل ثانية والمراة المسلمة بالف خير

ساندي 28 · 2013-03-10, 15:16

يا اختي تليقي جوغناليست في صفحة سوق الكلام ههههه
كيكيه هايله انادرت واحدة وعملتها بكرم لام كوثر يعطيك الصحة تطبيق رائع
وقتاش يخف الجراد الاصفر راهو داير حاله عندكم ههه

أم شيماءْ · 2013-03-10, 15:33

قتلك فحلة ونص والله يا تارت تاعك روعة روعة طرف الي قعد ناكلو انا جرادة صفراههههههههه:d

ساندي 28 · 2013-03-10, 15:41

اقتباس:

المشاركة الأصلية كتبت بواسطة ouricia

قتلك فحلة ونص والله يا تارت تاعك روعة روعة طرف الي قعد ناكلو انا جرادة صفراههههههههه:d

هههههههههههههههههه قتلتيني بالضحك :d ربي يفرحك اختي اوغسيا

ام ضياءالدين · 2013-03-10, 15:52

تطبيقات رائعة وممتازة بصحتكم وبصحت الضياف لي جاوك على غفلة ولقاو حاجة تحمر الوجه ون يديك

aminabent · 2013-03-10, 15:53

تطبيق موفق جدا جدا يا ريت تحطينا رابط كريمة الزبدة لام رامي شجعتيني باش نجربها لاني صراحة ما نحبهاش تجيني ثقيلة لكن كي قلتي خفيفة باذن الله نجربها

أم شيماءْ · 2013-03-10, 15:56

اقتباس:

المشاركة الأصلية كتبت بواسطة omnadjem.10

هههههههههههههههههه قتلتيني بالضحك :d ربي يفرحك اختي اوغسيا

تعيشي ختي ام نجم تلقانا هنا الهام نشايخو تهبل ههههههههههه

ام ملاك. · 2013-03-10, 16:12

يعطيك الصحة خرجتلك روعة بصحتهم اللي كلاوها ههههه
تطبيق رائع
اعطيني كريمة الزبدة نتاع الاخت ام رامي

oum ibrahim · 2013-03-10, 16:16

رووووووووووووعة يا الهام يعطيك الصحة يا الفحلة راني معاكم يوم بيوم في واش طيبتي لكن للاسف ماكانش جديد مشكووووورة و بصحتك فتافيت التورتة ههههههههههههه

أم أنيس تاج · 2013-03-10, 16:37

يعطيك الصحة يا الفحلة كل يوم جديد يا سعد لي دارك في دارو .

kakinova · 2013-03-10, 16:48

الله يعطيك الصحة

أم محمد تاج · 2013-03-10, 16:51

شوفي أنا نقول الله يبارك الله يبارك عمبالي بيك مرا ونص بصح ماخرجوليش ليفوطو ماعليش بصح حابة نتوقب واش درتو فيها مع توجاد العرس؟ ياخي كلش ماشي مليح؟؟؟ ربي يهنيها ويهنيكم ويبارك فيكم وسالي على لميمة الغالية وربي يعاونكم رانا مجربين لعراس ورانا نستناو فلي قاطو وفي الحطة الي رايحة ديريها لأختك :d:d:d:d:d:d:d:d:d:d:d:d:d:d:d:d

ريتاج تيارتية · 2013-03-10, 16:56

روعة يعطيك الصحة