فلان باريسي

نهر التسنيم · 2016-04-27, 08:38

خدمت فلان باريسي خرجلي روعة تعلمتو من صديقة لي وان شاء الله يعجبكم و تجربوه لانه حقيقة بزاف بنين مانطولش عليكم المقادير دياولو :
العجينة :
175 غ مارغرين
كيلة فرينة
نص كيلة سكر ناعم
صفار بيضة
و شوية ماء بارد
ملاحظة :الكيلة اللي كيلت بيها هي بول تاع الشربة .
ونلم العجينة مانعجنهاش و نديرها في كيس بلاستيكي و نخليها فالثلاجة حتى نخدم الكريم باتيسيير .
مقادير الكريم باتيسير :
ناخذ كاسرونة نحط فيها 1 لتر حليب ،زوج حبات بيض 7 ملاعق كبار يزينة ،عشر ملاعق كبار سكر عادي ،ملعقة صغيرة فانيلا و نضع الخليط على النار مع التحريك المستمر حتى تخثر الكريمة .بعد ذلك نضع 50 غ مارغرين للكريم و نحرك حتى تذوب المارغرين
من جهة اخرى تخرجي العجينة من الثلاجة و تحليها على سطح مرشوش بالفرينة حسب نوع الصينية ديالك انا درت مربعة الشكل،نرفد العجينة بالحلال باه نسهل المهمة ديالي بعد ذلك نثقبها بالشوكة جيدا بعد ذلك نفرغ الكريمة فوق العجينة و ندخلها للفرن مع العلم اني شعلت الفور قبل مانبدأ التحضير ،نشعل الفرن من التحت كي نشوف الجوانب تحمرو نطفي و نشعل من الفوق كي نشوفو الكريمة تحمرت مليح نخرجها و ندهنها بلاجولي و نخليه يرتاح على الاقل 6 سوايع و بعد ذلك بالصحة و الهنا

أم محمد تاج · 2016-04-27, 09:26

خرجلك هايل هايل الله يعطيك الصحة وعندي سؤالين لو سمحتي
اولا شحال ترفد الغرفية تاع الشربة على خاطر كل غرفية والحجم تاعها
ثانيا قياس السنيوة لي درتي فيها
بارك الله فيك

نهر التسنيم · 2016-04-27, 09:35

الغرفية تاع الشربة ترفد 125 غ و السنيوة قياسها 15 سم ×20 سم

ام معاذ وسلمى · 2016-04-27, 12:35

هايل و متشهيتوا وكان يبالي وااعر باه نخدموا ولكن اختي مع الوصفة نتاعك مااااااشاء الله
نجربوا انشاء الله ونحطو ا في قسم التطبيقات بببببببببببببببارك الله فيك