تابع للموضوع انا حائر

[مشكلتي]

ان صاحب موضوع https://www.djelfa.info/vb/showthread.php?t=1770753

بسم الله ابدا
اشكر كل شخص على وقته و الرد لي
فقط ملاحظة انا انسان اخطا و اصيب و اعرف الحلال من الحرام و نعرف بعضنا
يعني الكلمات الزائدة من الاخوة تخليوها عندهم
سؤالي كان واضح و نية كانت واضحة و انا لا اناقشكم في عاهرة حتى تتهمو الاشخاص
المفيد
الطفلة صارحتني انها شافت فيا وليد فاميليا و انسان عاقل و و و و
لكنها لا تريد الدخول في علاقة
حاولت معاها لا كن دون جدوى و لم تعد تكلمني لا فايسبوك لا هاتف
تركتها لمدة حوالي 20 يوم و لما التقيها في العمل يعني عادي صباح خير كيف الحال
المفيد انا نويت نصارحها و نقولها اني حاب نجي لدار
لكن تشاجرت معها و قالت انها اخطات في حقي و لا تريد التكلم معي
يعني و الله انا حائر و خطائ من الاول لكن اريد اصلاح الغلطة و خايف من عدم قبولها اصلا

[الصديق قروف]

علاه تخاف ياخي ماكش راح دير لحرام
ان مفهمتش منواش راك خايف
كاين ناس خطبو لعشرات مقبلوش ولا بطلو
اسمحلي جاوبتك قبل على حساب كلامك
اذا كان عندك اختك ترضالها واش راه دير هاد اطفلة
اوزيد لكان تتحكم ان وياها قادر توصل الامور الى حد القتل على جال الهدرا برك

[سيرين 5]

يا أخي أكيد ما راهيش فاهمة مليح قصدك ؟ من ردها لما قاتلك لا تريد الدخول في علاقة ؟ راهي فاهمة بلي تريد التعرف عليها حتى و إن كان بنية الزواج يعني تكون صحبها تخرجو و تتحدثو في الهاتف و تتهاداو في عيد الحب وووو.... طبعا بلا ما يعرفو دارهم حتى تقرر خطبتها و المدة غير معروفة شهر شهرين عام عامين... كاين لي يقعدو حتى لعشر سنين أو أكثر (يعني تكون صاحبها كيما يقولو بعض البنات عندي صاحبي ، يعني راجلها بلا ما علابالهم دارهم و صدقني في وقتنا هذا كاين لي دارهم علابالهم و أمهاتهم يدفعوهم باش يشطارو زعما و يصيدو كيما يقولو ؟؟؟)
طبعا أنت راك تقول تعرف الحلال و الحرام و مام هي شافت فيك وليد فاميليا .... يعني ما راحش تخرجهالك طاي طاي و تقولك لاااا لا لازم تجي تخطبني من دارنا علاجال إذا قالتها تبان راهي تلوح في روحها عليك ؟ مع أنها ما تقبل غير بالحلال ألي هو دق الباب ، ممكن غلطت و مدتلك الفايسبوك تاعها و هدرت معاك منبعد تكاكات بلي حرام ؟ فجبدت روحها و ما قدرتش تغضب ربي سبحانو ؟ و ماشي غير هادي بالاك في الخدمة خافت التيكيات بلي فلانة راهي مع فلان و الناس ما ترحمش ؟
المهم يا أخي أنت ما راح تخسر والو ، دير القلب و أهدر معاها قللها راني حاب نجيب يما نخطبك بالحلال خممي و رجعيلي بالخبر ؟ (علاجال راني متأكدة بلي تقولك خليني نخمم و نقولك ؟) و إذا رفضت تعرف و تنحيها من بالك و تشوف بالاك ربي يعوضك خير منها ؟ خير ما تبقى طلع و تهبط بدون فائدة ؟
كي تهدر بصريح العبارة خير من المعاني و في كلتا الحالتين راح تكون أنت الرابح يعني إذا قالت لك إيه راني قابلة بالبركة عليكم و إذا قاتلك لالا راح تتهنا و تنحيها من بالك و تقدر تشوف انسانة وحدوخرا تستاهلك ؟

[سيرين 5]

ما تخافش الرفض ؟ إذا رفضاتك ماشي معنتها أنت إنسان ماشي مليح أو قليل قيمة ؟ بالعكس أنت انسان طيب و قصدت الحلال و ربي يسهلك ان شاء الله
إذا رفضاتك الله يسهل عليها، معنتها ماشي مكتوبك هذا ماكان ؟ و ما تزعفش علاجال ربي سبحانو قال و لسوف يعطيك ربك فترضى . راح ربي يعطيك على حساب قلبك و نيتك.
في الأخير ان شاء تعاود تطرح موضوع و تبشرنا فيه بلي قبلت و خطبتها و ان شاء الله ربي يسهلك و يسرلك أمورك

[mrmilano1984]

اخي شوف والله هنا مهابل شوف البنت الا ماهاش حباتك خلاص اجبد روحك منها فهمت الا حابة تتزوجك اتقدم ليها علاه ىتكسر راسك راها حرة بلاك حابة راجل اخر تتزوج به يااخي المراة ان ارادت راجل تتزوج به ان لا لاتريده اوك
ربي يعطك احسن ان شاء الله ومن حقك تخمم تتزوج راها مستقبلك

[زبدة ذايبة]

المشكل فيك انت وليس في البنت

هي عارفة واش راهي حابة وانت واش محلك من الإعراب عندها

هي ماداهاش فكرة أنك ممكن تتقدم لخطبتها

أنا الشي اللي نعرفوا على الموظفات الجزائريات غير المتزوجات كل أمنيتهم الاستقرار في بيت الزوجية.

يعني مستحيل أنها تفكر بأنك تريدها في علاقة عابرة.

يعني اللي يتقرب ليها تقول جاي يخطبني

وهي كيفاش زعما مازال مافهمتش !!!!!!!!!!!!!!!!!!!!!!!!!!!!!!!!!!!!!

هي -والله أعلم- دايرتك ( bouche trou)

إذا ماصدقش زيد يجي بوزيد

وأنت قاعد تبع وزيد دوخاتك.

لوكان تكون استخرت نقولك هذا جواب الاستخارة اجبد روحك

وقالو ناس زمان اللي عندهم الحكمة الزواج كي يبدا فيه المشاكل في الأول غير أطلقو لأنه سيقضي على أحد الطرفين لامحالة

نتمنالك راحة البال والهداية

[tahar_baron]

المشاركة الأصلية كتبت بواسطة زبدة ذايبة

المشكل فيك انت وليس في البنت

هي عارفة واش راهي حابة وانت واش محلك من الإعراب عندها

هي ماداهاش فكرة أنك ممكن تتقدم لخطبتها

أنا الشي اللي نعرفوا على الموظفات الجزائريات غير المتزوجات كل أمنيتهم الاستقرار في بيت الزوجية.

يعني مستحيل أنها تفكر بأنك تريدها في علاقة عابرة.

يعني اللي يتقرب ليها تقول جاي يخطبني

وهي كيفاش زعما مازال مافهمتش !!!!!!!!!!!!!!!!!!!!!!!!!!!!!!!!!!!!!

هي -والله أعلم- دايرتك ( bouche trou)

إذا ماصدقش زيد يجي بوزيد

وأنت قاعد تبع وزيد دوخاتك.

لوكان تكون استخرت نقولك هذا جواب الاستخارة اجبد روحك

وقالو ناس زمان اللي عندهم الحكمة الزواج كي يبدا فيه المشاكل في الأول غير أطلقو لأنه سيقضي على أحد الطرفين لامحالة

نتمنالك راحة البال والهداية

نوافقك في كلامك
يعني شئ يؤسف القلوب و يفسد النيات
حبذا لو تشرحيلنا لماذا امثال هذه الفتاة مايحبوش االانسان العاقل و الخلوق
اللي نيتو باينا مثل ما راهو يقول الاخ انو كانت مليحة معاه من الاول بعد ذلك خلاتو
لماذا من الاول لم ترفضه و تنتهي القصة
و المشكل انو مادام يريد الارتباط به
يعني عسها في كل حركاتها و كلامها
هذا شئ معروف عند الرجل خاصة في اختيار شريكة حياتو
انا تغيدني كي نشوف بنات في الاول يبانو بنات فاميليا و في الاخير نسمع هاد الحكايات
لكن هناك ردود من النساء اللي تقول اقصد الدار لانو لم يكلمها في الزواج ربما هذا ما دفعها عن التراجع
و عدم الدخول في علاقة

[محمد جديدي التبسي]

ابعثلها وسيط (صديقتها أو زميلتها) يفهم منها كلش واطلب رد واضح منها اذا لم يأتك رد واضح اغسل يدك منها
ربي يفتح عليك

[رندة نهاد]

نقولك الصح حنا البنات نحبو نسيطرو بعض الشئ ههههههههه نتع ليا وما نبينش انا هكا رايي اطلبها رسمي وبعد عليك وجع الراس اذا فيها خير ان شاء الله تكون مكتوبك

[ماريـام]

روح تخطب ربي يسهلك