يريد العمل و هو عامل أصلا !!!!!!!!!

mahmoud04 · 2012-12-21, 11:18

السلام عليكم إخوتي

البارح كنت نهدر مع واحد صاحبي شارك في مسابقة توظيف خاصة بالمهندسين المعماريين هنا في ولاية أم البواقي.

سألته عن النتائج فكانت الإجابة محيرة ... فقد فاز بالمنتصبين شخصان هما عاملان أصلا في مناصب دائمة في أحد دوائر

الولاية !!!!!!!...حقا شيئ غريب ويدير الفشلة في الركايب...كيفاش عشرات الألاف من عمال عقود ما قبل التشغيل يشاركو

في المسابقات كانش ما ينوب عليهم ربي .. ويجي واحد عندو منصب يدخل في وسطهم و يفوز بالمنصب على أساس الخبرة

نتاعو !!!!!!!!!!!!!....عيييييييييييييب/

يا خاوتي قولولي واش رايكم.؟؟...هاذ الناس لكبار دارولنا التابعة في كلش

zinazina · 2012-12-21, 12:15

والله يا اخي غير عندك الحق بصح واش دير الله غالب

ياسين.تلمسان · 2012-12-21, 12:44

ماشي كامل نظام هذا نتاع على أساس الشهادة......الله يجيب الخير

نورسين.داية · 2012-12-21, 14:02

نعم فعلا و انا شخصيا قلتها لمتسابق ............بنفس الحالة و قلت له ....كان لك الإختيار في التحويل بدل المسابقة و الأكثر من دلك بقي له

4 سنوات على التقاعد ........
اجابني بكل فخر : أنا حر .............و حتى حد ما يسالني .....................

maram.espoir · 2012-12-21, 19:25

لا تتعجب اخي كل ما هو شاذ و غريب, عادي في جزائرنا، العامل الجزائري عشاق ملال عندما يمل من ادارته يضع ملف في مسابقة ما فينجح تعرف لماذا؟؟؟ اولا فيها المعرفة لانه اكيد يعرفونه بحكم الزمالة بين الادارات بالاضافة الى 10 او 15 سنة خبرة وين تبان معاه؟؟؟ القانون العاي تاعنا يسمح للعمال المرسمين بالدخول معنا في المسابقات و بهذا قاع ما نكحلوش نفوزو بالمنصب مادام لهم الحق مثلنا عندما يشطب العمال المرسمون من الحق في المسابقات يومها تفرج و تبطل التبيعة

mahmoud04 · 2012-12-21, 19:55

اقتباس:

المشاركة الأصلية كتبت بواسطة maram.espoir

لا تتعجب اخي كل ما هو شاذ و غريب, عادي في جزائرنا، العامل الجزائري عشاق ملال عندما يمل من ادارته يضع ملف في مسابقة ما فينجح تعرف لماذا؟؟؟ اولا فيها المعرفة لانه اكيد يعرفونه بحكم الزمالة بين الادارات بالاضافة الى 10 او 15 سنة خبرة وين تبان معاه؟؟؟ القانون العاي تاعنا يسمح للعمال المرسمين بالدخول معنا في المسابقات و بهذا قاع ما نكحلوش نفوزو بالمنصب مادام لهم الحق مثلنا عندما يشطب العمال المرسمون من الحق في المسابقات يومها تفرج و تبطل التبيعة

بارك الله فيكي الأخت ...و عجبتني الفكرة نتاع لوكان يديرو قانون يمنعو فيه العمال المرسمين من المشاركة في المسابقات

....في هاذيك الحالة حتى و لوكان الواحد ما حكمش المنصب ما يغيضوش الحال على خاطر داه واحد كيفو...

ربي يجيب الخير في هاذ لبلاد رغم اني نشوف غير في لخلا

آلاء جنى سديم · 2012-12-21, 20:18

يارب فوضت امري ليك حسبنا الله ونعم الوكيـــــــــــــــــــل

المارد الجنوبي · 2012-12-21, 23:30

للاسف يوجد هناك بعض الناس لاتقنع وترضى بما حباها الله فتجدها تلهث وراء المال وهذا نابع اصلا من الانانية

الجواهر · 2012-12-21, 23:39

اذا رغب العامل المرسم في تغيير مهنته فلانها لا تعجبه و مادام شارك في مسابقة و نجح فسيترك الوظيفة الاخرى و سيتوظف فيها عامل آخر مثلا انا معلمة في الابتدائي صنفي 11 اذا شاركت في مسابقة الثانوي يصعد صنفي الى 13 و تنخفض عدد ساعات العمل و العملين بنفس الشهادة فايهما افضل ؟؟ اجب بصراحة

امين83 · 2012-12-22, 00:07

نعم صدقت
غير هذه السنة تصادفت مع 4 أشخاص موظفين مرسمين الأخير فيهم له 4 أو 5 سنوات في منصب دائم يعني titulaire
واحد مهندس وواحد متصرف التقيت به في مسابقة و اخر متصرفين التقيت به في مسابقة اخرى ....
الشيئ الذي ادهشني و وقف لي عقلي طريقة كلامهم و تفكيرهم و كأنهم بدون وظيفة تماما و على حساب لي نعرفهم ليس لهم مشاكل في مناصب عملهم ..
لحقت لهم زيادة نتاع 2008 ....فيها40 مليون ..ثم الزيادة الجديدة 25 % و الناس قاعدة بلا خدمة
واش راهم حابين يخدمو ؟؟؟
ملاحظة شخص غريب نعرفه ..حاب يخدم كل شيئ مزية جاء القانون ينص على عدم ازدواجية الوظيفة و ما كان يخدم 10 وظائف في نفس الوقت ....
هذا يقولوله الميزيرية العقلية و القحط عندما يبلغ ذروته

!?زين الدين?! · 2012-12-22, 10:44

اقتباس:

المشاركة الأصلية كتبت بواسطة الجواهر

اذا رغب العامل المرسم في تغيير مهنته فلانها لا تعجبه و مادام شارك في مسابقة و نجح فسيترك الوظيفة الاخرى و سيتوظف فيها عامل آخر مثلا انا معلمة في الابتدائي صنفي 11 اذا شاركت في مسابقة الثانوي يصعد صنفي الى 13 و تنخفض عدد ساعات العمل و العملين بنفس الشهادة فايهما افضل ؟؟ اجب بصراحة

يا اختاه الاخ يتحدث عن من يشارك في مسابقة في نفس المنصب الذي هو موظف فيه يعني متصرف في ادارة يشارك في مسابقة متصرف في ادارة اخرى بالرغم من انه مرسم
يا اختاه اذا كانت المشاركة في منصب اعلى فالامر عادي ولا يوجد اشكال
نحن نتحدث عن الانانية لدى هؤلاء
هو مرسم ويتقاضى اجرا ثابت ومستقبله مضون يغير مكان عمله على حساب بطال يعاني الامرين
وللعلم منصبه الاول الذي سيستقيل منه سيبقى شاغرا على الاقل سنة
هل هذا عدل

mahmoud04 · 2012-12-22, 11:59

اقتباس:

المشاركة الأصلية كتبت بواسطة الجواهر

اذا رغب العامل المرسم في تغيير مهنته فلانها لا تعجبه و مادام شارك في مسابقة و نجح فسيترك الوظيفة الاخرى و سيتوظف فيها عامل آخر مثلا انا معلمة في الابتدائي صنفي 11 اذا شاركت في مسابقة الثانوي يصعد صنفي الى 13 و تنخفض عدد ساعات العمل و العملين بنفس الشهادة فايهما افضل ؟؟ اجب بصراحة

المشكلة يا أستاذة راهو يشارك في نفس المنصب و بنفس لإمتيازات لي راهي عندو أصلا.....و مع ذلك يقدمون أعذارا وغريبة

إن لم نقل مضحكة....فمثلا الشخص الذي شارك في المسابقة التي ذكرتها في موضوعي كان عذره كما يلي :

*كرهت من لبلاصة لي راني نخدم فيها و حاب نبدل الجو شوية (حسب كلام صديقي)

أما فيما يخص الترقية في المنصب فذلك شيئ اخر لأنه خاصة بالموظفين أصلا

maram.espoir · 2012-12-22, 20:49

[quote=امين83;12495553]

لحقت لهم زيادة نتاع 2008 ....فيها40 مليون ..ثم الزيادة الجديدة 25 % و الناس قاعدة بلا خدمة
واش راهم حابين يخدمو ؟؟؟
ملاحظة شخص غريب نعرفه ..حاب يخدم كل شيئ مزية جاء القانون ينص على عدم ازدواجية الوظيفة و ما كان يخدم 10 وظائف في نفس الوقت ....
هذا يقولوله الميزيرية العقلية و القحط عندما يبلغ ذروته

الله يحفظك بردتلي قلبي

عاشق العدالة · 2012-12-22, 21:27

حسبي الله ونعم الوكيــــــــل