شوفو حكايتي مع زوجتي

[كائن اخضر]

اخي صدقني والله كانك اخي من ابي وامي الي راه يحكي ......احسست بك للان اخي تقريبا في نفس مشكلتك لكن اخي تعال لتعالج المشكلة بروية -- انت انسان باين عليك مربي وولد عايلة ومثقف اجبد الزوجة نتاعك واتحدث معاها بلي ما يحدث في بيتكم يبقى في يبتكم صحيح امها وابيها لكن علاش نحطمو حياتنا بايدينا
نصيحة لوجه الله لا تطلق زوجتك اصبر عليها ويا اخي العين حق - قم بالرقية لك ولزوجتك وربي يبارك فيكم - ربي يحفضكم ويرسل الطمائنية يبنكما ويجعل بينكما مودة ورحمة -- اخي قم بزيارة حماتك وتحدث معها بين وبينها وقوللها بلي بنتك باغيها وتا كد بلي ولا ام في العام ترضى الهلاك لبتها -- اخي عاج مشكلته بالتحدث مع زوجته وذهب لعند نسيبتو وفهمها بلي التدخلات بين الزوجين تؤدي الي كوارث -- انصحك بالرقية لك ولزوجتك -هنا راق مليح في سطيف - راسلني على الخاص ان اردت المجيئ -

[محب السلف الصالح]

أخي لو أخذت بوصيت النبي صلى الله عليه وسلم

لكنت قد فزت أظفر بذات الدين لأنها تتقي الله فيك

أخي بما ان ما يحدث بينكم خرج خارج البيت فلا تصلح لك


أقلك اخي تزوجت أخرى وخليها معك


أكيد ستكون سعيدة معك

كونك راجل ,اخطيك من جياح

وحاول تعطي والدها درس في الرجولة

[آمِيْرَتُه]

السلام عليك
موضوعك قريته 3 مرات ومعرفت شانقولك
هي لي غالطة و زيد امها واش دخلها انت تزوجت بيها هي و لا بدارهم
خمم مليح في اتخاذ القرار
شاقدك تصبر و تفوت و شاقدك تعيش بعيد على بنتك
هي راهي غالطة و يجي نهار وين تفطن لعمرها بصح نتمنى تلقى العمر فات و تم تعرف قيمتك
خمم مليح خويا استخير و تقرب لربي و ان شاء الله ميكون غير لخير

[*أم إسراء*]

حسب القصة انت طلقتها مرتين و بقى في رصيدك طلقة واحدة حتى و ان لم تطلق بالورق

اترك الطلاق آخر الحلول
واضح ان امها مسيطرة عليها و على ابوها

وواضح انهم متمسكين بيها لانها بشهريتها و ما يهمهمش لو تطلق لانهم رابحين الشهرية


احسبها مليح دون ما تطيح من قدرك


وبنتك تبقى بنتك و منحقك تشوفها و تحوس بيها بامها او بدونها

[loulou1988]

ربي يكون معاك انا العكس تاع مرتك من اللي زوجت لعرضت دارنا و دارهم ديما عندي و والله جامي اعجبهم الحال حتى اني في رمضان في الشهر الثامن تقريبا و الحمل تاعي صعيب شوية و اهل زوجي عندي ندير لفطور و نغسل لماعن بلا ما بعاونوني في مغرف ....مع الاخر قالولو هادي ماشي مرا كما تاع بكري خاطر مريضة طلقها و هاني في دارنا ......حسبي الله و نعم الوكيل فيهم

[الدكتور شهاب الدين]

قصّه غريبه ... !

[sara2014]

استخرفي امرك وتوكل على الله وهو الذي يسير اموره

[أم احمد3]

الله يصبرك يا خويا...............لكن اكيد زوجتك تحبك ايضا...خسارة تعيشوا هكذاك


حب و خوف بسبب طرف ثالث..........

[السي محمد]

اسمع خويا العزيز

نصيحة ليكيدي عليك الهم

عاود اتزوج و ارتاح

المرة هاذي قبل ما تشوف للبنت شوف إذا باباها يحكم او امها

يا صاحبي عندك بحر ماشي قلب

و قدرت تتحمل كل هذا الشيء؟؟؟؟؟؟؟؟؟؟؟؟؟


انا والله ما نتحمل يا صاحبي


ليكيدي عليك

بنتك رايحة تبقى بنتك و مش مقبول تضيّع حياتك على جال بنتك


مش انت اول و لا آخر واحد يطلّق

والله صدّقني يا خويا نصيحة مني ليك

سيكون من الغباء و قلة المروءة انك ترجعها للبيت بعد كل ما حصل

[wafa16]

ya akhi al omor wadi7a ,nta mouchkiltk anek niya ,makanetch 3andek tajarob 9abl zawaj , 7aja mli7a lakin , lil assaf mata3refch nssa mli7 , w tetekhda3 belkhef
lghelta ta3ek min al awal kount tfahemha beli li yessra binatkom yo9od binatkom ,madekhelch waldiha , w a chaque fois tesma7 fi 7a9ek ,w del ro7ek
ana mana3tikch rayi ,psq man7abch nekhreb dyar nass mais loukan jit fi makanek ,matzidch todrob derba fi dari w nta adra

[فارس وجواد]

السلام عليكم :
إعلم أخي أن مشكل مثل هذا , حله الوحيد بيدك .
و لكن لنكن صرحاء قليلا ,
أسألك سؤالا أخي , هل هذه الفتاة هي الفتاة الوحيدة في العالم , لتحمل كل هذا من أجلها ,
أتعلم أخي كيف هي صورتك عند زوجتك و عند أهلها , أنت مثل الخاتم في الأصبع ,
يدورك كيما يبغيو , لا تقل لي إبنتي و و و ..... , إبنتك لم تكن موجودة اصلا ,
أخي مشكلتك متشعبة و أنت السبب فيها , لأنه كان عليك من البداية , فرض نفسك عليهم ,
و لكن أنت للأسف , الظاهر عليك أن حبك غير الطبيعي لها , أنساك في عدة أشياء ,
أهمها الشخصية , فعذرا لك أخي , أنت الآن أمامهم بدون شخصية ,
و هذه الزوجة عرفت نقطة ضعفك , و عرفت كيف تستغلها في صالحها و حتى في صالح أهلها ,
فأنت بنظرهم تلك البقرة الحلوب التي تعطي بلا مقابل , , إن حدث و إعترضت , تهددك بالرحيل إلى أهلها ,
و تتركك تتجرع مرارة الفراق و الوحدة , أخي قد أكون أقل منك سنا و خبرة في هكذا اشياء ,
و لكن هناك قاعدة , لا تتنازل عن كرامتك و شخصيتك من أجل إنسان أو إمرأة , مهما كانت , فالموت واحد ,
و ما تاخذ غير مكتوبك .
و كما يقول الشافعي رحمه الله :
إذا المرء لا يرعــاك إلا تكــلفاً*******فدعه ولا تكـثر عــليه التأسـفا
ففي الناس أبدال وفي الترك راحة******* وفي القلب صبر للحـــبيب ولو جفا
فما كل من تهـــواه يهـــــواك قلبه******* ولا كل من صافيـــته لك قــد صـفا
إذا لم يكن صـــــفو الوداد طبيعة ******* فلا خـــــير في ود يــجئ تكلــــفاً
ولا خير في خلٍ يخـــون خليــــله ******* ويلــــقاه من بعد المودة بالجــــفا
وينكر عيشــــاً قد تقادم عهــــــــده ******* ويظهر ســراً كان بالأمس قد خفا
سلام على الدنــيا إذا لم يكــن بها******* صديــق صدوق صـادق الوعد منصفـــاً
.
أخي أنا لا أقول لك طلقها , و لكن كما هم يمارسون ضغوطهم , أنت أيضا مارس ضغوطك ,
و دعك من هذه نحبها , لأنك أخي فقدت الكثير بسبب هذه الكلمة , ببساطة فقدت شخصيتك و كرامتك ,
من أجل إنسانة لا تستحق كل هذا الشأن ,
و ربي يعينك أخي على هكذا مشكل , زوجة + عاملة + لديها بنت + كل كلمة تقولها ل : أبيها و لأمها , يقال لها سمعا و طاعة .
.
و في الأخير ربي يهدي هكذا أمهات و آباء , بناتهم يذلون الرجال و هم يزيدونهن طغيانا على طغيانهن ,
و مجرد رأيي الشخصي أخي , و الله لو يحدث لي ما يحدث لك أنت الآن , و الله نسمح بيها ببنتها , و نخلي والديها يشبعوا بيها,
, أتحداك إذا ما صاروش هم يطلبوا الصلحة .

[ام ملاك.]

اذا قصتك كيما راك تحكي فيها
يالطيف هذي مش مراة تخلي امها تتحكم فيها وتتدخل بيناتكم
انا من رايي ماتطلقهاش خليها تتمرمد في دار ماليها واقطع عليها المصروف وماتسقسيش عليها نهائيا اعفس على قلبك شوية
رايح يجي نهار ويملو منها اهلها خاصة كي كاينة الطفلة رايحين يتقلقو من البكا وتحراكها بزاف
رايحة ترفد روحها وتولي وحدها بلا ماتجيبها

والله كاين شي نسا تجيهم النعمة لعند فمهم ومايحمدوش ربي يالطيف الطف

[الجواهر]

هي حايبة تكري في سكيكدة باش تكون قريبة من العمل و بيت والديها .. و لكن هذا الامر لازم تتفاهمو عليه خصوصا ان الكراء غالي
مادمت تحبها و لك بنت فاصبر فستنتهي المشاكل ان شاء الله
على الرجل ان يصبر على المراة

[الأستاذة حياة]

الصبر مفتاح الفرج ورد بالك تكمل اوراق الطلاق
ماتروحلها ماتصقصي عليها درك واحدها تكلمك وتقولك رجعني لدار ي لخاطر المرا كي تتزوج تعود تشوف روحها ربة اسرة ما شي طفلة صغيرة في دار باباها اما على بنتك مرتك وحدها تحس بلي راهي حرمتكم من بعضاكم وزيد احساس المراة بنفسها مطلقة صعب جدا
نتمنى من كل قلبي ربي يهدي مرتك وترجعلك

[sarl02]

مشكلتك باختصار..الحماة المسيطرة والي تحكم ...يا خويا هذه كثر من ناتنياهو لانها بافعالها ومخططاتها قادر تخر ب واتكسر واتحطم الاخضر واليابس...وصدقني اذا ما وقفتهاش عند حدها راح تنغبن واجيبها في صحتك ....واب البنت ما اتعمروش في راسك لانو خضرة فوق طعام ولا يؤثر ...لازم اتركع هاته المراة اي حماتك وصدقني الكل بعدها سيركع سينو اخسر وفارق وربي اعوضك .....انا اعي جيدا ما اقول لان صديقي المقرب وقع في نفس مشكلتك وحماته جينيرال يا اخي...والاب لا حول ولا قوة له والاخوة كذلك ....تخيل انو اب البنت اقولو انت راجل وما خسرش مع بنتي طلقها وريح ...اتخيل الاب يتمنى لبنتو الطلاق لانه غير قادر على حل المشاكل وفقد هيبته ورجولته ...وربي اوفقك اخي.