شوفو حكايتي مع زوجتي - الصفحة 2 - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى الأسرة و المجتمع > قسم مشكلتي

قسم مشكلتي هنا يمكنك طرح أي مشكلة تواجهك بواسطة الاستعانة بخدمة الوسيط

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

شوفو حكايتي مع زوجتي

موضوع مغلق
 
أدوات الموضوع انواع عرض الموضوع
قديم 2014-08-21, 16:26   رقم المشاركة : 16
معلومات العضو
عبد الله 22
عضو مميّز
 
الصورة الرمزية عبد الله 22
 

 

 
إحصائية العضو










افتراضي

المشكلة في أم الزوجة لا تتسرع في الطلاق أتركها في بيتهم لمدة عندها ستفكر ألف مرة في أسباب المشكلة









 


قديم 2014-08-21, 16:37   رقم المشاركة : 17
معلومات العضو
mounaminou
عضو مبـدع
 
الصورة الرمزية mounaminou
 

 

 
إحصائية العضو










افتراضي

rabbi ykoun fi 3ounak ....matzidch tkheliha tro7 3end pmha kol youm ...lakan t7atmat habesha men lkhedma hadi ...mais kbal matehdar m3aha kheliha modda twwiila bla ma tetassel biha w mat3aberhach ......w nhar traj3o jamé tebka tro7 ki bekri ldar waldiha pask homa mahomch sal7in
salam










قديم 2014-08-21, 16:39   رقم المشاركة : 18
معلومات العضو
darwina.koom
عضو مشارك
 
إحصائية العضو










افتراضي

اذا اكرمت الكريم ملكته و اذا اكرمت اللئيم تمرد ..... هذه لئيمة و راح تعييك بزاف ، عملت مليح كي رفدت عليها دعوى طلاق

لانه هذا النوع من النساء ، كي تشوف راجلها عاقل راح تدير كلشي باش تركب عليه و تهينو .... تدير في بالها انك مستحيل طلقها

و الطلاق ماهو نهاية العالم ، و كاين خاوتها في السوق .... و ممكن الطلاق راح ينفعك في زواجك الثاني










قديم 2014-08-21, 17:47   رقم المشاركة : 19
معلومات العضو
غيدآ اء
عضو مميّز
 
الصورة الرمزية غيدآ اء
 

 

 
إحصائية العضو










افتراضي

أنها زوجتك انت

ولا يحق لامها وابوها خاصة التصرف في شؤونها وحياتها الخاصة وحياتها الزوجية

والديها مستبدين

وتصرفاتها صبيانية

تكذب وبزيادة تتصرف بهديك الطريقة مع والديك وانت ساكت هاد واش يعني

كيفاش تسمحلها تدير هك مع والديك لي ربوك ام ان الحب جعلك اعمى ???
لا تسلم على امك ولا تعاملها مثلما تعامل امها ... لقد فاقت تصرفاتها الحدود

ولو كانت امراءة صالحة كيف تعامل زوجها بهذه الطريقة وتكذب عليه وتحرمه من ابنته ... وفوق كل ذلك لا تحترم والدي زوجها ....

و من سبب صغير تخلق مشكلة

اضحكني تصرفها الصبياني عندما لم تعجبك الكسرة و غاضها الحال وعيطت لوالديها داوها
لاه ... لانو قلتلها الكسرة مش هك
مشكل تافه ... نتج من عقل صغير

والله ربي يهديها ويكبر عقلها .... ستهدم بيتها بيديها هذه المراءة

المشكل في كلاكما
هي لا تحسن التفكير ووالديها يتصرفون في حياتها
وانت تسامح ويعطف قلبك باستمرار وتسمح في حقك بكل صمت واحتقار !!!!!!


خليها تقعد في بيت اهلها لعدة اشهر
وان اشتقت لابنتك فزر ابنتك متى شئت لان هذا حقك وهي ابنتك وتستطيع ان تاخذ ابنتك معك في نزهة او ما شابه
وليس لديها الحق بان لا تدعك تاخذها (لاه واش ولات هادي ياك مش بنتها وحدها !!!!!!!!!!!)
وعندما تزور ابنتك لا تدع لها اي فرصة لاستفزارزك باي طريقة
وانت لا تتصرف ولا تتخذ قرار يجعلك تندم في الاخير

مع مرور الوقت ستمل من بيت ابيها ... وتتذكر ايامكم الجميلة

وربي يهديها

ادعي الله على ان يهدي زوجتك ويعيد الامور الى مجاريها ...

ربي يفرج همك










قديم 2014-08-21, 18:30   رقم المشاركة : 20
معلومات العضو
كاميلا
عضو محترف
 
الصورة الرمزية كاميلا
 

 

 
إحصائية العضو










افتراضي

يا ودي او احكمها الهبال تع ورا الولادة شوف لهبال هذا يجي لبعض النساء يبدا وقت الولادة تحكي امي على خالتي كي تجي تنجب تشبع شتائم وسب في راجل خالتي حتى انها في مرة عضته ههههههههههههه وبعد الولادة ينوضلها الطيكوك من بعد تولي لاباس راهي فترة هبال برك استغفر مولاك واحبس انعل الشيطان واش طلق يا ودي وشبيك استغفر الاستغفار مليح










قديم 2014-08-21, 18:30   رقم المشاركة : 21
معلومات العضو
نور لمين
عضو مميّز
 
الصورة الرمزية نور لمين
 

 

 
إحصائية العضو










افتراضي

شافتك نية و ساكت حمر عينك فيها










قديم 2014-08-21, 18:32   رقم المشاركة : 22
معلومات العضو
كاميلا
عضو محترف
 
الصورة الرمزية كاميلا
 

 

 
إحصائية العضو










افتراضي

اقتباس:
المشاركة الأصلية كتبت بواسطة حافظة القرآن مشاهدة المشاركة
أنها زوجتك انت

ولا يحق لامها وابوها خاصة التصرف في شؤونها وحياتها الخاصة وحياتها الزوجية

والديها مستبدين

وتصرفاتها صبيانية

تكذب وبزيادة تتصرف بهديك الطريقة مع والديك وانت ساكت هاد واش يعني

كيفاش تسمحلها تدير هك مع والديك لي ربوك ام ان الحب جعلك اعمى ???
لا تسلم على امك ولا تعاملها مثلما تعامل امها ... لقد فاقت تصرفاتها الحدود

ولو كانت امراءة صالحة كيف تعامل زوجها بهذه الطريقة وتكذب عليه وتحرمه من ابنته ... وفوق كل ذلك لا تحترم والدي زوجها ....

و من سبب صغير تخلق مشكلة

اضحكني تصرفها الصبياني عندما لم تعجبك الكسرة و غاضها الحال وعيطت لوالديها داوها
لاه ... لانو قلتلها الكسرة مش هك
مشكل تافه ... نتج من عقل صغير

والله ربي يهديها ويكبر عقلها .... ستهدم بيتها بيديها هذه المراءة

المشكل في كلاكما
هي لا تحسن التفكير ووالديها يتصرفون في حياتها
وانت تسامح ويعطف قلبك باستمرار وتسمح في حقك بكل صمت واحتقار !!!!!!


خليها تقعد في بيت اهلها لعدة اشهر
وان اشتقت لابنتك فزر ابنتك متى شئت لان هذا حقك وهي ابنتك وتستطيع ان تاخذ ابنتك معك في نزهة او ما شابه
وليس لديها الحق بان لا تدعك تاخذها (لاه واش ولات هادي ياك مش بنتها وحدها !!!!!!!!!!!)
وعندما تزور ابنتك لا تدع لها اي فرصة لاستفزارزك باي طريقة
وانت لا تتصرف ولا تتخذ قرار يجعلك تندم في الاخير

مع مرور الوقت ستمل من بيت ابيها ... وتتذكر ايامكم الجميلة

وربي يهديها

ادعي الله على ان يهدي زوجتك ويعيد الامور الى مجاريها ...

ربي يفرج همك
يا بنتي راكي زدتي شعلتيها انا كي قريت ردك بدا يطلعلي الغاز في بلاصته حسيت روحي رح نروح نضرب هاد الزوجة ههههلا اختي هنا ننصحوا ونديروا الصلح ماش نزيدوا الطين بلة هكذا لاا من فضلكم









قديم 2014-08-21, 18:36   رقم المشاركة : 23
معلومات العضو
امينة النايلية
عضو مشارك
 
إحصائية العضو










افتراضي

خويا ما تتسرعش بقرار الطلاق حذاري حذاري

كايين ياسر مشاكل نشفوهم نهاية العالم . بصح مع الوقت يصغرو في نضرنا

ونندمو على القرارات الفاصلة الي درناهم ودير في بالك الجرة اذا تكسرت ماتتجبرش

ننصحك خويا خلي الطلاق بعيد وبلعقل راك تندم وتتعقد . وزيد الطلاق راه في يدك

اذا ماتفاهمتوش خلاص . كاين ياسر حلول والطرق باش تنجح زواجك










قديم 2014-08-21, 19:01   رقم المشاركة : 24
معلومات العضو
انتصار فاطنة
عضو فعّال
 
الصورة الرمزية انتصار فاطنة
 

 

 
إحصائية العضو










افتراضي

شوف ا اخي من تجربة خاصة باحد اخوالي تزوج وحدة وكانت المشاكل ديما بناتهم وكانت الاسباب تافهة مرة ما جابلش حاجة مرة ما خلانش نروح لصاحبتي مرة ما تكلمش مع خويا المهم كل مرة كيفاه لاتفه الاسباب تهز قشها وتمشي مع انو كان عندها سكن لوحدها وباب وكي تدخل لدارها واحد ما شوفها من العايلة المهم هو ديما يبغي يطلق ويماه تقلو لالالا ورزقهم ربي بولد المهم هي كان شافتو متعلق بزاف بولدو زادت من حدة المشاكل ما تغسلوش قشو ما اطيبش تخرج بلا ما تشاورو شكا لماماها وباباها قالولو بنتنا تزوجت باه تعيش تخرج تحوس قالهم ا ناس انعلو الشيطان انا نحوس بمرتي في حدود امكانياتي المهم راحت ليماها بلا ما قاتلو روح ما القاهاش عيطلها في التليفون قاتلو يماها لازم تبيع الدار وتشري لبنتي حذايا حاول بعثلها خاوتو ونسابو والو ركبو راسهم خلاها واحد عام في دارهم على امل التغير ماثرا والو ادخل خالي الكبير وراح جابها وشرطو فيه 20 مليون المهم عاونوه خوالي واعطاوهم العشرين مليون تقول كانت اوتيل ولا راحت لتونس رجعها 5 ايام رجع من السفر قالها ديريلي الدوش بدات تبكي وتنوح والجيران تلمو يحسبو كاش من مات
عيطت لباباه اداها قالو خالي الكبير انا نروح كي راح خرجتلو يماها بينتي ما لازمش تشوف يماه ولا خاوتو رجع الخال وقالو لخوه واش جاوبوه في الصباح وصلتو ورقة من الشرطة بلي راه ضربها ومعاها تقرير مزور من الاطباء ياكد العجز ب 30 يوم حكمولو بالحبس 2 شهرين و45 مليون نفقة يعني ادات 20+45 مليون وتم الطلاق بعد مدة رجعت تعيط لبنات خاوتو وتقلهم ندمت قلو يرجعني كاملحاولناه على جال الولد المهم بدا يقتنع عيطلها وقالها اذا رجعتك ما تروحيش لاهلك من شهر لشهر واشرطت شروط جاوباتو انا اللي ما نحتاجش اهلك قالها وهو يضحك لا اهلي ولا اهلك.................
والان راهي تستنى على امل يردها وهو حلف ما تزيد تدخل الدار
انا نقلتلك تجربة ولست ملزم باه تقارن روحك بيها ونزيد انقلك صلي صلاة الاستخارة والخيرة فيما اختاره الله وبنت وحدة احسن ما يكون 3 ولا 4 ويتشردو










قديم 2014-08-21, 19:08   رقم المشاركة : 25
معلومات العضو
ام رجاء 09
عضو نشيط
 
الصورة الرمزية ام رجاء 09
 

 

 
إحصائية العضو










افتراضي

سبحان الله ولا حول ولا قوة الا بالله هادي راهي تحكي كل تفاصيل دارهم وتترك راي الوالدين للتحكم في حياتها وامها نورمالمو تحوس هنا لبنتها لكن مدام هي تحكم تبانلها نورمال لازم الحكم يولي وراثي لوكان طاحت عند راجل ما يخافش ربي راهي تحلل بصح كي واحد من خلال القصة يبان وليد فاميلية دير رايها الحل كلمة الطلاق تبعدو ععليها كي تزعف وتروح دارهم خليها تقعد حتى تنفش ويحسو بلي ما علبالكش بيها امر صعيب مي بسيف مع هاد نوع اللا مبالاة للمراة تحطيم باه ديرو درس في حياتها والا كان الراجل كل حاجة ايه هادي غلطة من البداية الفشوش كي يمل ما يصيبش كفاه يعالج الامر وخاصة مع هاد نوع على حساب مافهمت السامط يغلب القبيح يعني تتعب الزوج حتى يرذخ لامورها هي ويماها شحال نكره هاد نوع الله يهديهم والسكن من الافضل يكون بعيد على دارهم الا قرب زقات ونظن كي تزيد دراري تولي ثقيلة عليها كل شوية تروح دارهم ومفتاح سري راهي طاتهولك مدام خلصت يماها 4ملايين حق ما قعدت اعرف بلي حياتهم كل شي بالحساب هاد عام طفل ومرة جاية زوج يولو يطبعو فيها وهما يقولولك بالسماح مكلاه ظيافة بزاف كانو هكا مع الاولاد العقل يكبر والامور تتغير لكن لكن لكن الطلاق ماشي كل مرة تتلفظ بيه اتركها في تقيل وعفس على قلبك الا توحشت طفلة قول جدها يجيبهالك في اي مكان معناه مانسحقش نشوف بنتك باه مراة تخاف على روحها وتفهم بلي ماراكش جي بتك باه تشوفها وراك في حدة غضب وربي يسر امورك برك انسان ما يظلمش وقوم الليل وادعي ربي كبير راني كترت الكلام خاطر انا امراة وما نحبش هاد نوع من نساء










قديم 2014-08-21, 19:12   رقم المشاركة : 26
معلومات العضو
Gelukdz
عضو مشارك
 
إحصائية العضو










افتراضي

ياخويا والله نقرا في المشكل تاعك وندعي ربي يرزقنا ازواج كيما نت
مرتك مازال ماتعرفش قيمتك, والفاتك تحبها ودير كلش علاجالها حتى رجعت ماتخممش في المشاعر تاعك.. ماتفتحلهاش العين بزاف حتى تستعقل, باينة عليها مدللة والديها يوقفوا معاها في اتفه الاسباب ظالمة او مظلومة.. لازملك تزير عليها شوية حتى تتسقم.. ماشكيتش تلقى راجل كيما انت لي يديرلها واش راك ديرلها.. دوك ماراهيش حاسة بقيمتك حتى تبعد عليها وتحس بقيمتك تماك والله تندم عليك.. الحياة هادي ماحاش يدومولها والديها يجي النهار لي تضربها الدنيا بسقلة وتندم على النهار لي ضيعاتك فيه..
اخي حنا قرينا فقط وجهة نظرك لي ستنتجنا منها بلي مرتك هي الظالمة.. بصح بالاك هي تان عندها اسباب خلاتها تنفر منك.. شوف لروحك خويا شوف الحاجة لي راهي خاصتك اسفة على كلامي بصح كاينة بزاف رجال ماهومش متهليين ف روحهم مثلا من حيث النظافة او غيرها حتى ترجع مرتوا تكره منوا وتتمنى تبعد عليه.. كيما نتوما الرجال تحبوا اشياء تكون في النساء باش ماتكرهوهمش حتى النسا يحبوا رجالهم تكون فيهم اشياء معينة..
ان شاء الله ربي يهديها وترجعو خيرمن لي كنتوا.. نت تان وصيها ماتحكيش سراراكم لدار والديها والله اغلب مشاكل الازواج بالحق تتحل بيناتهم لان تدخل الاهل راح يزيد غير الطين بلة.. نتوما ماراكومش متحدين ومتفاهمين هذا هو الشي لي ناقصكم.. ان شاء الله ربي يصلح احوالكم










قديم 2014-08-21, 19:30   رقم المشاركة : 27
معلومات العضو
physicist
عضو نشيط
 
إحصائية العضو










افتراضي

حبيبي وعزيزي،
هل تخيات نفسك يوما مرغما على ما لا ترغب به؟
الآن جاء الوقت، لسمعني ولا تناقشني حتى انهي: اني انا رجل مثل وعايشت قصص رجال واعرف كيف تدار هذه الامور فاسمع مني،
الاسباب والدوافع : لا تهمنا الان
الدروس والعبر: فيما بعد+لست انا من يعطيها -انت وحدك تستهلصها على مر الزمن
الاجراء:
انس تماما الطلاق، انزع من بالك تلك الفكرة .
الحل: لنعرف اولا ما المشكل؟: هل توافق وانت اما الحقيقة التالية ان زوجتم ما تصنع الطذي تصنع الا ازدراءا لك وعدم اعطاء اية قيمة لك؟
ان وافقت فاليك ما يفعله الرجال:
انس وجود هذه المرأة، واصل حياتك كالمعتاد اذهب للعمل، عد الى بيت اهلك، تناول غداءك، اصرف على اهلك كيما مداري
اما تلك المرأة: فلا ترسل لها مصروفا ولا حتى لابنك (الا ان صادف العيد او الدخول المدرسي)
يجب ان تتحضر لفعل ذلك لمدة قد تصل الى 6 شهور يا صديقي
مقاطعة تامة وعدم مبالاة وحبن بحدقوك اقبت على موقفك : اهلا بها وسهلا في بيت زوجها ان شاءت اتت متى ارادت.وان كانت وقحة و طلبت الطلاق دعها معلقة سنين عديدة.
واشلام عليكم ورحمة الله










قديم 2014-08-21, 19:50   رقم المشاركة : 28
معلومات العضو
ام رجاء 09
عضو نشيط
 
الصورة الرمزية ام رجاء 09
 

 

 
إحصائية العضو










افتراضي

راي اخر خليها ماتسقسي عليها ماتروح دارهم شوف طفلة من الخارج يعني يجيبها نسيبك وماتجبد حتى موضوع على الرجوع اشبع من بنتك وانتهى الامر وزيد اسال احد الائمة باه الانسان يكون مرتاح في ضميرو ولا كانت الوراة عيطت ما تبينلهاش بلي كرهت ولازم جي اهدر معاها وكانك انسان صارم ومغاير للشخص لي كانت تعرفو وحدها تذوب وتولي امراة مطيعة حتى وتولي بدل عليها الرخاء بزاف للنسا ماشي مليح وللنساء لي مايفهموش روحهم وما يطوش قيمة للزوج وححدلها شروط عند الرجوع مع جماعة من داركم ومع والديها بلي بركات من تدخل الوالدين والخ انت تعرف احوالك هنا تفهم بلي هاد الزوج ولا واعر تولي تخاف ومن هكاك تولي ماتمدش اخبارها ليماها وبلعقل تميل لزوجها وتفهم بلي كان عندو الحق الخ نتمنى هاد القضية تنحل ونتائج نتمنى توافينا بيهم ان شاء الله يكونو خير










قديم 2014-08-21, 19:53   رقم المشاركة : 29
معلومات العضو
بنت لبحر
عضو محترف
 
الصورة الرمزية بنت لبحر
 

 

 
إحصائية العضو










افتراضي

السلام عليكم

اخي الحاجة الاولى متتسرعش في الطلاق خليها في دارهم حتى ترجع لعقلها هدا كاممل على جال بنتكم ربي يعيشهالكم

تاني حاجة انت لي وصلت روحك لهدا الشيئ كون من الاول تاع كل حاجة تهز قشها و تروح لدارهم توريلها العين الحمراء متوصلش لدرجة هادي

و من حكايتك السبب هووالديها و اكثر امها هما لي يكبرولها في راسها ====و انا راني من نفس ولايتك و كي قلتلي على المنطقة لي منها مرتك فهمت لحكاية مليح'' 'بالطبع ماشي ناسها كاملين مرانيش نعمم ))) و هكا فهمت واش تحوس ام مرتك منك

المهم ربي يصلح لحوال










قديم 2014-08-21, 19:59   رقم المشاركة : 30
معلومات العضو
بستان الورود
عضو مميّز
 
الصورة الرمزية بستان الورود
 

 

 
إحصائية العضو










افتراضي

السلام عليكم

صراحة زوجتك تحمد ربي

لانك صبرت عليها

اتركها في بيت اهلها الى ان تكره وتطلب منك الرجوع ولكن هذه المرة ضع شروطك وافرض رايك









موضوع مغلق

الكلمات الدلالية (Tags)
حكايتي, زوجتي, شوفو

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 09:35

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc