هذي حكايتي مع الزواج - انشاء الله تكون عبرة للجميع

[darwina.koom]

السلام عليكم

اود ان احكي قصة زواجي التي لم تدم اكثر من 6 اشهر ,,,,, اتمنى من اخواني الرجال أخذ العبرة من قصتي .... فالزواج في زماننا هذا امره عجيب

تزوجت من طبيبة عمرها 33 سنة ..... انا كنت رافض رفض مطلق نتزوج بمرأة عاملة ,,,,, لكن مع سني (38 سنة) كثرة ضغوطات الاهل رضخت ,,,,, تمت الامور بسرعة (ربما خافو لا نبدل رايي)

كانت تعطي الانطباع على انهت متدينة و كانت مواضبة على صلواتها و صلاة الفجر !!! انا فرحت في البداية و شكرت ربي كثير ,,,,,

طبعا لم يهمني عملها فانا راتبي كان اضعاف راتبها

المهم الشهر الاول فات لاباس و قليلا قليلا بدات المشاكل :
- لا تتزين لي في البيت ,,,, لكنها تتزين قبل الخروج
- تستمع للأغاني المنحرفة (صلاة الفجر !!!!)
- لا تطيعني و لا تحترمني
- و اسفاه ,,,, كانت تتكلم مع الرجال في الفايس بوك بدعو الزمالة و الصداقة و الاقارب (صلاة الفجر !!!!)

تكلمت معاها كثيرا ,,,,, لكن لا حياة لمن تنادي ,,,,, كنت احتج بالسنة و كلام الله (حتى لا تقول هذه وجهت نظري و انها ليست ملزمة به) ,,,,, اتدرون ما كان كلام المتدينة ؟ هذوك نساء تاع بكري و اليوم رانا في 2014 : المرأة تطورت ولات فاهمة الدنيا !!!! يا حسرة على يامات زمان و نساء زمان

مع الحمل و متاعبه طلبت منها البقاء في البيت لترتاح و انا طبعا نوفرلها كل شيء (ما خليت كيوي و اناناس و و و و ,,,, طبعا انا ميسور الحال) فردت بانها تسمح في كل شيء الا خدمتها ,,,,, دايرة قرون بخدمتها !

المهم قلبي ما حملش و بعد تفكير طويل و قبل ما تزداد الامور تعقيدا : طلقتها ,,,,, و حاب ننصح الرجال بهذه النصائح :


- الا راك حاب تتزوج بطفلة شوف اولا ابوها ، باش يوقف معاك يوم ما هي تتمرد ,,,, لازم ابوها تكون عندو هيبة في الدار باش نهار المشاكل يوقف معاك وقفة الرجال ,,,,, للأسف نسيبي كان نكرة و كان يؤتمر من زوجته
- قارية ولا ماشي قارية كيف كيف ,,,,, كي كنت نهدر معاها تقول حمارة
- اخطيكم من النساء الخدامات فوق 30 سنة .... من كثر ما سمعو الكلام و القصص تعقدو و ولاو يشكو في كل حاجة و ما عندهم الامان في حتى راجل (هذه نتائج المسلسلات التركية لي فيهم الراجل دايما خاين) ,,,, المرة الجاية راح نجيب مرأة تاع دار و اقل من 28 سنة
- المرأة مكانها في الدار و ما تخلوهمش يخرجو بزاف : من خلال تجربتي الخرجات بزاف يقابلها اهمال الدار و اهمال الزوج (طبعا رايحين يقولو كاين نساء لي قدرو يوفقو بين العمل و البيت: ربما 1 من 1000) ,,,,, و ,,,, الغيرة الغيرة الغيرة تولي تنقص شوي شوي حتى راح تولي تتقبل امور خطيرة و تولي عادي عندك ,,,, صراحة حسيت روحي هاك و لوكان كملت معاها كنت راح نولي ديوث !!!! ,,,, الله غالب قبلتها خدامة و ندمة بزاف
- ردو بالكم تخطبو النساء و تنفقو قاع واش عندكم عليهم ,,,,, ممكن جدا ما تستهلش ,,,,, لازم مهر صغير و عرس صغير و اثاث قليل ,,,,,, على الاقل حتى يفوتو 2 و 3 سنوات و من بعد افتحوا ابواب الخير عليهم ,,,, و تفكرو انهم اكثر من 11 مليون عانس و كاين لي يقبلو بالقليل
- ردو بالكم من الانترنت في دار و الا ..........
- في النهاية : الرجال قوامون علو النساء بما انفقو ( وتحت انفقوا حطو 100 خط) و المرأة لي مستقلة ماديا و الله ما تعرف قيمة اللقمة اللي تشريها من جيبك و تحطها في فمها ,,,,, كنت كل ما نشريلها هدية بدل ما تشكرني كانت تقولي ما بكيتش عليك ,,,, عندي دراهمي !!!

ما نطولش عليكم بزاف ...... نتمنى انشاء الله تستفيدو من تجربتي

[نورسين.داية]

السلام عليكم

هذه تجربتك و ليست قاعدة عامة ....................بارك الله فيك و إن شاء الله ربي يرزقك بإبنة 5 سنوات حتى تربها على إيديك .........و تعملك واش تحب ماش دمية البلاستيك التي تجاوزت 30 سنة
وفقك الله

[bellaluna]

ربي يعوضك خير أخي قدّر الله و ما شاء فعل لست وحدك من آنخدع بعد الزواج و حبل الكذب قصير..

[ملوكة الجزائرية]

مي خوي نعارضك على النصائح بويسك كاين نساء بزاف عندهم مطامح مختلفة .... وكاين نسا يستاهلوو

[sali-sali]

المشاركة الأصلية كتبت بواسطة darwina.koom

السلام عليكم

اود ان احكي قصة زواجي التي لم تدم اكثر من 6 اشهر ,,,,, اتمنى من اخواني الرجال أخذ العبرة من قصتي .... فالزواج في زماننا هذا امره عجيب

تزوجت من طبيبة عمرها 33 سنة ..... انا كنت رافض رفض مطلق نتزوج بمرأة عاملة ,,,,, لكن مع سني (38 سنة) كثرة ضغوطات الاهل رضخت ,,,,, تمت الامور بسرعة (ربما خافو لا نبدل رايي)

كانت تعطي الانطباع على انهت متدينة و كانت مواضبة على صلواتها و صلاة الفجر !!! انا فرحت في البداية و شكرت ربي كثير ,,,,,

طبعا لم يهمني عملها فانا راتبي كان اضعاف راتبها

المهم الشهر الاول فات لاباس و قليلا قليلا بدات المشاكل :
- لا تتزين لي في البيت ,,,, لكنها تتزين قبل الخروج
- تستمع للأغاني المنحرفة (صلاة الفجر !!!!)
- لا تطيعني و لا تحترمني
- و اسفاه ,,,, كانت تتكلم مع الرجال في الفايس بوك بدعو الزمالة و الصداقة و الاقارب (صلاة الفجر !!!!)

تكلمت معاها كثيرا ,,,,, لكن لا حياة لمن تنادي ,,,,, كنت احتج بالسنة و كلام الله (حتى لا تقول هذه وجهت نظري و انها ليست ملزمة به) ,,,,, اتدرون ما كان كلام المتدينة ؟ هذوك نساء تاع بكري و اليوم رانا في 2014

مع الحمل و مشاكله طلبت منها البقاء في البيت لترتاح فردت بانها تسمح في كل شيء الا خدمتها ,,,,, طبعا دايرة قرون بخدمتها

المهم قلبي ما حملش و بعد تفكير طويل طلقتها ,,,, قبل ما تزداد الامور تعقيدا ,,,,, و حاب ننصح الرجال بهذه النصائح :


- الا راك حاب تتزوج بطفلة شوف اولا ابوها ، باش يوقف معاك يوم ما هي تتمرد ,,,, لازم ابوها تكون عندو هيبة في الدار باش نهار المشاكل يوقف معاك وقفة الرجال ,,,,, للأسف نسيبي كان نكرة و كان يؤتمر من زوجته
- قارية ولا ماشي قارية كيف كيف ,,,,, كي كنت نهدر معاها تقول حمارة
- اخطيكم من النساء الخدامات فوق 30 سنة .... من كثر ما سمعو الكلام و القصص تعقدو و ولاو ما يشكو في كل حاجة ,,,, (انا المرة الجاية راح نجيب مرأة تاع دار و اقل من 28 سنة)
- المرأة مكانها في الدار و ما تخلوهمش يخرجو بزاف : من خلال تجربتي الخرجات بزاف يقابلها اهمال الدار و اهمال الزوج (طبعا رايحين يقولو كاين نساء لي قدرو يوفقو بين العمل و البيت: ربما 1 من 1000) ,,,,, و ,,,, الغيرة الغيرة الغيرة تولي تنقص شوي شوي حتى راح تولي تتقبل امور خطيرة و تولي عادي عندك ,,,, صراحة حسيت روحي هاك و لوكان كملت معاها كنت راح نولي ديوث !!!! ,,,, الله غالب قبلتها خدامة و ندمة بزاف
- ردو بالكم تخطبو النساء و تنفقو قاع واش عندكم عليهم ,,,,, ممكن جدا ما تستهلش ,,,,, لازم مهر صغير و عرس صغير و اثاث قليل ,,,,,, على الاقل حتى يفوتو 2 و 3 سنوات و من بعد افتحوا ابواب الخير عليهم ,,,, و تفكرو انهم اكثر من 11 مليون عانس و كاين لي يقبلو بالقليل
- ردو بالكم من الانترنت في دار و الا ..........
- في النهاية : الرجال قوامون علو النساء بما انفقو ( وتحت انفقوا حطو 100 خط) و المرأة لي مستقلة ماديا و الله ما تعرف قيمة اللقمة اللي تشريها من جيبك و تحطها في فمها ,,,,, كنت كي نشريلها هدية بدل ما تشكرني كانت تقولي ما بكيتش عليك ,,,, عندي دراهمي !!!

ما نطولش عليكم بزاف ...... نتمنى انشاء الله تستفيدو من تجربتي

السلام عليكم

اولا هي تجربة شخصية و ليست قاعدة تنطبق على الجميع
وهناك من حصلت له اكثر من هاته المشاكل ولكن لم يقل ولم يعط مثل هاته النصائح بل استفاد من تجربة مرت بحياته

-تمت الامور بسرعة من الطرفين .. مانظنش كانوا حاملينلك السيف و قالولك تزوجها بسيف

انطباع التدين .. حتى بعض الرجال وخاصة في المنتدى كيما نقولو بالعامية شبعونا مقروظ .. وهوما عكس ذلك .. و فترة الخطوبة تكون فيها مثالية بزاف .. و بعد الزواج تنقلب الامور .. لي واثق من التدين نتاعو مانظنش يبينو للناس بذيك الطريقة .. بل يعمل بيه فالتدين افعال و ليس اقوال بالنسبة للطرفين

- قارية وماشي قارية ... المهمتكون ذات اخلاق ومتعلمة حتى و ان لم تصل الى مستوى كبير .. وماشي كل واحد قاري راه مثقف

-راني معاك في نقطة الا و هي اهل او والد البنت .. لما يكون مسيطر و يعرف لقيمة الزواج .. اكيييد راح تلقاه اذا بنتو عملت مشاكل ..

- مهر الفتاة من حقها وتصرف على عرسك انت حر و حسب امكانيات .. لا يكلف الله نفسا الا وسعها .. و الواحد يمشي بالنية الصافية

النات في دار .. صحيح البعض لا يحسن استعماله رجال ام نساء .. لذا وجبت المراقبة

وماتنساش

وعاشروهن بالمعروف فإن كرهتموهن فعسى أن تكرهوا شيئا ويجعل الله فيه خيرا كثيرا .

اعتبرها ابتلاء من عند الله وتجربة مررت بها
و لا تقاس حكايتك عن باقي النساء
و لا اظن انها وحدها المسؤولة عن كل ما حصل

تقبل مروري

[yildiz]

السلام عليكم
اولا قدر الله وما شاء فعل
ثانيا : من خلال هاته القصة ومن خلال قصص أخرى كثيرة مرّت عليّ
أرى أنه فعلا من ظفر بذات الدين والمرأة الصالحة حقا حاز كنز من كنوز الدنيا ..
وصلاح المرأة لا يتعلق بمستواها الدراسي ولا مهنتها ولا أهلها أحيانا كثيرة
بل إنّ الصلاح كل الصلاح في تقدير قيمة الحياة الزوجية وفهمها جيدا على حقيقتها بعيدا عن الزيف الذي يصوره ذوي الخبرة ..
واللجوء أولا وآخرا إلى الدين هو الفيصل في كل قضية ..
نسأل الله السلامة
وعوضك الله خيرا منها

[نورة مروان]

يااخي ليس كل النساء مثل بعض واسمحلي على تعليقي لكن انت غلطت لما تنازلت على قناعتك وتزوجت بعاملة على حسب قولك انو بهدا القرار تتحمل تبعات قرارك

[(( هبة الرحمن ))]

السلام عليكم ورحمة الله وبركاته

عوضك الله خيرا منها إن شاء الله .

أخي الفاضل زواجك ليس قاعدة فقهية تطبق عبى الجميع ،،فالنجاح والفشل معرض لهما الزواج بماكثة أو عاملة على حد سواء ..أنتما لم يكن بينكما تكافؤ في مجال ما لذلك حدث ما حدث ،،،
هل قضايا الطلاق بالمحاكم كلها للمتزوجين بالعاملات ؟؟؟ لا أخي
ما دمت ترفض العاملة لماذا رضخت لأوامر أهلك فأنت المعني بالزواج ،، وما دمت مقتدر ماديا فما حاجتك بالطبيبة أو غيرها من العاملات ؟؟

[@ أبو الليث @]

اللهم اجعل له من كل ضيق مخرجا

أنا سمحلي على هذا السؤال مي لازم تجاوبني

أنت قلت راها حامل و أنا أظن أنه:

للطلاق شروط لا يهتم بها كثير من العامة ومنها أن لا يكون الطلاق بعد طهر مُسّت فيه كذلك أظن أنه لايمكن أن يحدث طلاق و المرأة الحامل

[hodayena]

شوف خويا الكريمة قصتك ليست فرضا من الفرائض حتى يطبقها الجميع
2ماشي كامل النسا كيفكيف صباعتين يدك مش كيفكيف
3الانترنت مش كل امرءة تدخل الانترنت تتكلم مع الرجال ولماذا حللتم على انفسكم
4الاب دائما ينصح بنتو تولي للدارها لكن اذا هانها الرجل فلن يفعل الا اذا كان مذلول او بايع بتو من اجل الدراهم
4الي شبعانة شبعانة ومام اجوع تبقى شبعانة مي الخوف من الجيعان كي يشبع يبقى دايمن جيعان ويخاف لا يفقد السبعة
5 الصح كي تكون فاهمة وتتستوعب وتعرف الي ليها ولي عليها
6اصبح في زماننا متطاهرون بالتدين لكي يتزوجو من اجل تطبيق حديث الرسول صلى الله عليه وسلم وبعد الزواج تكون الطامة
7ايلا راك تنصح في الرجال امالا انا تاني ننصح النساء لالا خوي الكريم كل واحد واش كتبلو ربي يجوز في حياتو اخي