اسمعوا حكايتي و مدولي نصائح

rizo · 2013-07-23, 11:51

السلام عليكم و رحمة الله أنا اجتزت بكالوريا 2013 و درت في عينايا غير الباك و برك ظروفي ما ساعدتنيش على الدراسة في البيت كنت كول يوم نوض عى 5 تع صباح و تعرفوا لي كور تاني درت رياضيات و فزياء و خليت علوم للشهر الاخير لاني كنت قوية فيها بزاااف و ندي غير 17 و نفهمها بزاااف تاني كنت نقرا من قلبي و كان حلمي الطب و حلمي الاحتيي اذ ما كتبش ربي الطب قلت استاذة في الثانوبة و لكن علوم و كنت نتأثر بأستاذتي تاع العلوم بززااااف كانت استاذة ما شاء الله و الله كنت نموت عل القراية و كانوا عندي اساتذة حقارين كيما تاع العربية و الله صدقوني غير ما قريت عربية حتى درت ليكور و كنت فرنسية متوسطة ندي 14 و تاريخ و جغرافيا كنت ندي مليح تاني صدقوني غير فلسفة منت ندي 12 و 11 و الفلسفة مش ساهلة و الاستاذة ما تمدش بززاااف المهم كنت نحفظ نحل تمارين نقرا و نريح تاني و كنت متفائلة للباك و مخفتش اكثر من الللزوم و نهار الباك كنت واجدة و خفت نهار الاول برك امبعد خلاص و حطيت كااامل واش نفدر فالورقة رغم المفاجئات لي صبتها و جامي جات (راني نخليلكم نصائح ليكم باه ما توقعوش فالافخاخ) المهم كملت الباك و انتظرت على الاقل 14 و لكن صبت المعدل 12 بكييييت و درك راني نكتب و نبكي و الله راح الطب و راح استاذ علوم لان العلوم لي خدمت فيها و نحبها ديت فيها 11 ولكن حمدت ربي قدر الله و ما شاء فعل و المهم جبتوا و تعبي ما راحش بااطل ايه جا وقت الرغبات و اخترت استاذ علوم دقيقة و كان المفروض معدلي يوصلني ليها و درت علوم المادة موراها ما كانش عندي الخيار باقي الرغبات ما حبيتهاش و اليوم شفت التوجيه لي مدوهولي لقيت علوم المادة الحمد الله و لكن واش ندييير تعييشوا نصائح فيدونا الله يخليكم

kenza boucetta · 2013-07-23, 12:03

أختي المهم الرضا وهاذي حاجة نشجعها فيك ما راح والو والله ما راحت الحاجة مازال المستقبل يستنا فيك معليش أقراي ذركا علوم المادة

والعام الجاي ان شاء الله عاودي الباك وما راح تكوني غير راضية على نتيجتك وباذن الله تقرا ختي طب وتولي دكتورة مبدعة باذن الله

خليك قوية واستمسكي بربي وراح يخرجك للنور باذنه / اختي علاه عليك البكا هذا ما تبكي ما تحيري روحك راح توصلي وين بغيتي

انا متاكدة من قدراتك ما شاء الله عليك يا اختي المميزة كملي المشوار والعام الجاي باذن الله في مثل هذا الوقت راح نستبشرو

بدخولك كلية الطب موفقة حبيبتي وامر الله كلو خير / إذا ممكن نتواصل معاك اكثر على الفايس ابعثيلي طلب حسابي تحت اسم

kenza boucetta والصورة تاع رمضان / ربي يخليك طولي بالك وما يكون غير الخير /آمنك الله حبيبتي .سلام

fateh121 · 2013-07-23, 13:50

السلام عليكم اختي في الله انا نقولك ماتقلقيش روحك فهذا الشي وارد انا عندي اختي في سنة 2006 إجتازت امتحان الباك مع العلم انها كانت ممتازة و معدلها لا يقل عن 17 لكنها تفاجأت بمعدل 11 .. و االحمد لله هي الان استاذة مرسمة في الثانوية للعلوم الطبيعية

و قل لن يصيبنا إلا ما كتب الله لنا
ممكن يا اختي تفيديني اكثر عبر الفايسبوك هذا حسابي
Titouh Zadiko

iman14 · 2013-07-23, 13:55

و الله ان قصتك تشبه قصتي بخصوص الدراسة و التعب و السهر و لكن قصتي اسوء من قصتك لانني لم انجح و متاكدة انها ليست نقاطي لذلك احدي الله لو انك مكاني ماذا كنت ستفعلين اذن قولي الحمد لله و معليش عاوديه حرة و تديه لعام جاي انا تاني بكيت و حبست روحي في غرفتي و لكن هذا وين بدات حالتي تتحسن شوي و رايحا لعام جاي نزيد نقرا كثر و كثر لتحقيق امتياز ان شاء الله بالتوفيق

minoucha94 · 2013-07-23, 14:39

bssahtek khti ana qrit mlia o kont la 2 em f classa ta3i o majbtche lbac 3awdih l3am l jay w nchallah tjibih b15 l foug w d3ili lnjibou mlih bah nrouh l haja eli nhabha

●|التّوَابٌ إلى الَلّه|● · 2013-07-23, 19:26

معليش عاوديه ف 2014 وان شاء الله يطلع :

فازو · 2013-07-23, 21:46

معليش اختي ماشي مشكل اذا كنت حابة صح تجيبي الباك بتفوق اقرايلو مليح العام الجاي واذا لزم الامر وقفي الدراسة في الجامعة لهذا العام و ركزي على الباك و كي تكوني تقراي للباك انساي بلي عندك باك
وربي يوفقك و انشاء الله العام الجاي ربي يفرحنا و يفرحك

it me · 2013-07-23, 21:53

يا اختي كلنا مرينا بيها هادي انا مثلك نهار جوزت الباك قريت و درت تخصص معين و ما لحقتش للمعدل و حطيتو و مصحليش و في الاخير درت بيولوجيا اعلابالك مكناش التخصص الي نحبه دورك قد البيولوجيا و قد التخصص تاعي و حاجة تاكدت منها عسى ان تكرهوا شىء و هو خير لكم الحمد لله البارح برك تحصلت على شهادة اليسانس تاعي و بربي ان شاء الله راني مكملة دراستي للماستر و الحمد لله حوايج ما كنتش نتوقعهم

lamismissa · 2013-07-23, 22:38

اختي
((عسى ان تكرهوا شيئا وهو خير لكم ))
بالاك ربي كتبلك

الوجہ البَشوش · 2013-07-23, 23:09

ربي يوفقك ان شاء الله
اقراي في الجامعة و au méme temps عاودي bac
بلااك تقدري دير طب
ظ موفق لنا ولك

الجزائرية 2010 · 2013-07-25, 01:13

معليش ختي فيها خير

وبصراحة معنديش اي معلومات عن التخصص علوم المادةلو عندك معلومات ممكن تفيديني وش تقراو و وش هو الافاق المستقبلية تاعها؟؟؟؟؟؟

koukou95 · 2013-07-25, 19:27

بالتوفيييييييييييييق ان شاء الله

الجاسوسة · 2013-07-25, 21:09

توكلي عى الله وأخلصي النيه مع الله

اذا كنتي حابة صح بقرايتك تنفعي الناس والأمة واديري بيها الخير

كوني متأكدة مش راح يضيع تعبك

والله لا يضيع أجر المحسنين

ثقي بالله برك والله مش راح يضيعك

rizo · 2013-07-26, 18:27

شكرا لكم و لدعمكم و لتفهمكم ماعليش الحمد الله و نقرا علوم المادة و نعاودوا ان شاء الله ندير الطب وبالنسبة للي حب يعرف على تخصص علوم المادة هي يقراو فيها الكمياء و الفزياء و الرياضيات و السنة ال2 يديرو اما كمياء صيدلانية و كمياء عضوية و كمياء اساسية اما فزياء و اما جيوفزياء و العمل بعدها يمكن العمل في المخابر و مراكز صنع الدواء او التعليم او ميادين الفزياء و علم الفلك كما انو لي يقراها ف باب الزوار يكون الشهادو معترف بها دوليا و يكمل القراية في الخارج تاني و يخدم خدمتوا في الخارج هاذ الشعبة مش معروفة بزااف ولكن معدلها دايما مرتفع و هاد العام كان معدلها 12,32 و راح نتواصل مع كل ناس باك 2014 في م الجلفة و نفهمكم كيفاه تتعاملوا مع الباك و التحضير للباك و التحضير النفسي خاصة و مبدئيا ما تكثروش القراية بزااف ممكن يصيبكم انهيار في الاخير و ما تقدروش تكملو راهو جايكم عام فييه تعب بزااف وفروا طاقتكم ليه و تانب البكالوريا مرحلة من مراحل الحياة و بدايتها و ليست نهايتها فلنعطها حقها من الاهمية شكرا و صح فطوركم

الجزائرية 2010 · 2013-07-27, 03:06

مشكورة اختي
ربي يحفظك
ونحن في انتظار نصائحك

وربي يوفقك ويوفقنا في باك2014