واش ندير

[مشكلتي]

السلام عليكم

فديت وكرهت ؛

انا انسانة متزوجة

راجلي كان نعم الناس معايا

بصح تقلبت الأمور

منذ شهر قالي راجلي رأو ناوي يتعدد

مع اني كنت أقوم بكل واجباتي

هو راهو حلف رايح يكون عادل

بصح المرأة محملتهاش منذ النظرة الأولى

صراحة غرت منها

الطفلة عقدتني بجمالها

سبحان الله لا مكياج لاوالو بصح ماشاء الله جمالها مبهر

كي شفتها بالحجاب حقرتها بصح كي نحاتو تشوكيت ربي يبارك

الطفلة قنبلة كيما يقولو

هنا عندي مشكلتي

النوعية هاذي نكرها بلاسبب فمابالك ساعيش معها

+لازم نسني ع الورقة بش زوجي يتعدد

حتى أن قلت لا أحس أن زوجي سيفعل أي شيء ليحصل عليها

خطراكش راهو ملهوف عليها

واش ندير

+ارجو حذف الموضوع بعد يومين من عرضه يا اشراف

[soumissalam]

الغيرة صفة فطرية وغريزة في النساء ولكن يجب ان تكون مضبوطة وفي مكانها وزمانها لذلك اختي الكريمة عليك بالثباث وحسن معاملة الزوج
فان هي استحوذت على عينيه بجمالها فانت استحوذي على قلبه بمعاملتك الحسنة له وروحك الطيبة
وعسى ان تكرهو شيئا وهو خير لكم

[FATIHA131]

اختي ربي معاك
حاولي انك تتعاشري معاها و وكلي امرك لربي

[Zahra 30]

ربي يكون فالعون اختي الله يقدرك

[mino 19]

هدا حقه .اعرف انها صعبة عليك لكن مكتوب ربي
ربما تجدي فيها الخير الدي لم تجديه فى اقرب ناس لك

[om rym]

السلام عليكم
اختي ربي يكون معاك ولكن اذا وقع وزوجك تزوج فعلا كوني ذكية ولا تتركي غيرتك تسيطر عليك وما تنخلعيش بالمظهر تاع الزوجة الثانية اكيد انت كذلك اعطاك ربي حاجات خلات زوجك يتمسك بيك وميسمحش فيك استعملي هاذ الحاجات واهم شيء وكلي امرك لله.
ربي يكون معاك.
سلام

[houssem zizou]

أولا لازم تصبري معندكش حل خلاف
ثانيا التعدد مستحب إلا في حالة إذا خشي الزوج على نفسه الوقوع في الحرام يكون واجب عليه يتعدد
ثالثا: لم توضحي قلتي سأعيش معها، هل هذا في نفس البيت ؟
الإحتمال الأول: إذا كان في نفس البيت فهذا لا ينصح به أبدا لأن المشاكل تصبح بلا نهاية خاصة إن كان الزوج لا يعرف كيف يعدل
الإحتمال الثاني: إذا كان كل واحدة في دارها الحمد لله المشاكل ما تسراش و كل واحدة حاكمة دارها ووالدها

و كل واحدة و دارها يحتاج إلى مسؤولية و بالطبع قدرة مادية فمو كل واحد ينجح إلا من وفقه الله

[houssem zizou]

و للإستزادة فهذه فتاوى أهل العلم في تعدد الزوجات
إنصحي بها زوجك قبل الإقدام على التعدد
https://www.ajurry.com/vb/showthread.php?t=39185

[حياتي نبع امل]

ربي يكون في عونك .احتسبي الاجر لله
لكن نقولك حاجة وخليها في بالك .الرجل صح يحب الجمال .لكن صدقيني اللي تملك قلب الرجل تملكو باخلاقها وتواضعها واكرامها واحسانها له .كوني له نعم الزوجة وعامليه احسن معاملة حتى ويغلط معاك واوقفي معاه وماديريلوش المشاكل .ياما نساء جمالهن خارق لكن في اعين ازواجهن ولا شيء نتيجة تصرفاتهن والعكس صحيح
يعني الان ماعندكش خيار بما انه عزم على التعدد .قدر الله وماشاء فعل .واي شيء يكتبو ربي ليك او عليك الا وفيه خير ليك .احسني الظن بالله .وربي ما يخليك والله يصبرك لانو صح صعيبة وتوجع .لكن في نفس الوقت قولي الحمد لله انو زوجك اختار الحلال وماراحش للحرام
ماتنسايش تقومي الليل وتدعي وتتضرعي انو ربي يقذف في قلبك وقلبها المودةوالرحمةوالالفة بيناتكم ويوفق زوجك للعدل بينكما

[AMINA.Z]

ربي يفرج عليك

[أم أماني أريج]

ربي يكون معاك أختي
أكيد راكي في موقف صعب جدا جدا و زوجك راكي علابالك مادامو متعلق بيها رايح رايح يتزوج بها غير إذا كانت إرادة الله غير ذلك و ما تنسايش أن التعدد جائز و لو أنه مر بالنسبة لقلوبنا نحن النساء لكن يجب ألا نعترض على شرع الله في أي حال من الأحوال .....
فقط نوصيك أختي ما تخليش زوجك محور حياتك و تبقاي فقط تعسي فيه و تتحسري على أيامو لي يقضيها مع الزوجة الثانية و كيفية معاملته لها ووووو ......لكن أعطيه حقوقو الزوجية على أكمل وجه حتى تكوني صافية مع الله ثم إهتمي ببيتك و أطفالك و اجعلي لحياتك أهداف أخرى تفيدك في آخرتك مثل حفظ القرآن و تعلم علومه و إذا كان عندك وقت اطلبي من زوجك يخليك تروحي لمدرسة قرآنية و تتعلمي فيها هكذا بالإضافة إلى حفظ القرآن تتعرفي على أخوات في الله و حذاري فقط تخليه يسكنها معك في البيت لازم سكن مستقل حتى ما تشوفيها بزاف ما تتعاملي معاها و هذا أسلم لقلبك .......
ممكن راكي تقولي في قلبك أن الكلام سهل و لي يدو في الماء ماشي كيما لي يدو في النار راني حاسة بيك لكن نقولك أن هذا ابتلاء ليك و الكل مبتلى فقط أوجه الإبتلاء مختلفة و متعددة فهناك ابتلاء واضح للعيان و هناك ابتلاء مخفي لا يشعر به إلا صاحبه .........
ربي يرزقك القوة على الصبر و يربط على قلبك أختي ...........آمين ............

[yassmina93]

ربي معاك اختي راكي في موقف لا تحسدين عليه الله يعطيك الصبر و طول البال

[orchid violet]

ربي يصبرك اختي ...

[سفير الأيام]

هههههههههههههههه اللي شدني ليك غيرتك من المراة او الضرة المستقبلية ووصفها اختي هي بعيدة شوفي الشيطان واش دار فيك ويا ترى نهار يجيبها



مدام هو مليح معاك من حقه يتعدد بلاك هناك نقص من طرفك واحشم يقول لك


نوي نية زينة ربي يكون معاك


عسى ان تكرهوا شيئا وهو خيرا لكم

[ahlam t]

ربي يكون في عونك اختي
انا لا اعلم طفلة بهذه المواصفات ما الذي يجبرها على الزواج برجل متزوج
نصيحتي لك اختي العزيزة يري بالك على اولاك لازم يكونو اول حساباتك .ومايريش اعتبار لا للضرة ولا لزوجك باختصار ماتعمريش راسك بيهم