~|•»شرح لكل ما يتعلق بالاجراءات الادارية الجامعية:التسجيلات,التجديد,التحويلات, التجميد, الادماج,,,تجددونه هنا«•|~

[بنت الجزائر]

السلام عليكم ورحمة الله انا موظفة تحصلت على البكالوريا عام 2015سجلت فالجامعة لكني لم استطع الدراسة بسبب العمل( عقود ماقبل التشغيل) خفت من الطرد من العمل اخذت عطلة اكاديمية للموسم الدراسي 2015-2016 هذا الموسم الدراسي لم استطع الدراسة لنفس السبب ولم اقم باعادة الادماج في الجامعة ماذا علي ان افعل حتى لا يضيع الباك هباءا منثورا لم اسحب البكالوريا لاني خفت ان لا استطيع التسجيل بها في جامعة اخرى وفي انتظار ردكم تقبلوا منا فائق التقدير والاحترام والسلام عليكم ورحمة الله

[سطايفية بكل فخر]

اختي راهو عندك عام متتحاسبيش عليه
العام هذا رايحين يقصيوك
الحل الوحيد انك العام الجاي ترجعي تقراي
العام هذا صاي راكي مقصية فاتوك بزاف دروس والامتحانات قربو
كملي اخدمي هذا العام والعام الجاي شوفي حل

[بنت الجزائر]

المشاركة الأصلية كتبت بواسطة على رصيف الأمل

اختي راهو عندك عام متتحاسبيش عليه
العام هذا رايحين يقصيوك
الحل الوحيد انك العام الجاي ترجعي تقراي
العام هذا صاي راكي مقصية فاتوك بزاف دروس والامتحانات قربو
كملي اخدمي هذا العام والعام الجاي شوفي حل

جزاك الله خيرا على ردك لكن ماذا افعل حتى اتمكن من اعادة الادماج في الجامعة العام القادم وانا مقصاة وشكرا جزيلا وفي انتظار ردكم تقبلوا منا فائق التقدير والاحترام والسلام عليكم ورحمة الله

[سطايفية بكل فخر]

اختي انت عندك عطلة اكاديمية اديها معاك
وديري روحك معلابالش بالقانون باش يسهلوهالك
الوثائق موجودة في اول صفحة من المضووع شوفيها
توجهي في سبتمبر القادم الى الجامعة وقلهم جيت ندير اعادة ادماج وبلي عندي عطلة اكاديمية
رايحين يقولولك بلي العطلة الاكاديمية راهي تاع عام قلهم معلابالبش تبعي وشا يقولوك لاعادة الادماج
ريحين يشيطوك شوية مي من بعد يوافقلوك
ربي يهلك اختي
نصيحة حذاري تقوليلهم راكي خدامة

[بنت الجزائر]

المشاركة الأصلية كتبت بواسطة على رصيف الأمل

اختي انت عندك عطلة اكاديمية اديها معاك
وديري روحك معلابالش بالقانون باش يسهلوهالك
الوثائق موجودة في اول صفحة من المضووع شوفيها
توجهي في سبتمبر القادم الى الجامعة وقلهم جيت ندير اعادة ادماج وبلي عندي عطلة اكاديمية
رايحين يقولولك بلي العطلة الاكاديمية راهي تاع عام قلهم معلابالبش تبعي وشا يقولوك لاعادة الادماج
ريحين يشيطوك شوية مي من بعد يوافقلوك
ربي يسهلك اختي
نصيحة حذاري تقوليلهم راكي خدامة

جزاك الله عنا كل خير وجعلها في موازين حسناتك امين يارب العالمين وشكرااااااااااااا جزيلا على ردكم حسنا سوف اجرب كما قلت والله المستعان اريد ان اسالك ان كان هناك من اخذ ت ا لبكالوريا هذا العام 2016وسجلت بالجامعة لكنها لم تلتحق بالجامعة لحد الساعة لظروف خاصة ولم تقم بتجميد السنة اي العطلة الاكاديمية ماذا عساها ان تفعل العام القادم اذا صارت مقصاة وشكرااااااااااااااااا مسبقا والسلام عليكم ورحمة الله

[سطايفية بكل فخر]

اهلا غاليتي
احتمال انو التجميد مازال وقتوا في بعض الجميعات
قلها تجبر تبلوكيه واذا لالا راهو راحلها العام تعاود دير ادماج العام الجاي
وربي يوفقكم
اي سوال اخر انا بالخدمة

[Salima 2016]

اريد ايجابة عن سؤالي و المتمثل في
هل بإمكاني تحويل دراستي من جامعتي القديمة ببومرداس الى جامعة الجزائر ٣ ادرس سنة الى ماستر علما ان اقامتي تابعة للجزائر و معدلاتي جيدة جدا في تخصصي بمعنى الاولى ف دفعاتي الثلاثة معلومة إضافية ف الاول كنت ادرس ف جامعة الجزائر ٣ لكن بسبب بعد المسافة قمت بتحويل لبومرداس وعليه هل يمكنني العودة الي جامعة الجزائر ارجو الرد

[bilal 212]

سمت بأنه تم فتح التسجيل في ماستر عن بعد ممكن طريقة التسجيل والجامعات التي فتحت التسجيل شعبة علو اقتصادية

[سطايفية بكل فخر]

المشاركة الأصلية كتبت بواسطة Salima 2016

اريد ايجابة عن سؤالي و المتمثل في
هل بإمكاني تحويل دراستي من جامعتي القديمة ببومرداس الى جامعة الجزائر ادرس سنة الى ماستر علما ان اقامتي تابعة للجزائر و معدلاتي جيدة جدا في تخصصي بمعنى الاولى ف دفعاتي الثلاثة معلومة إضافية ف الاول كنت ادرس ف جامعة الجزائر لكن بسبب بعد المسافة قمت بتحويل لبومرداس وعليه هل يمكنني العودة الي جامعة الجزائر ارجو الرد

للاسف في الماستر لا يوجد تحويل
شوفي كشا معريفة
او تقدمي بوضع ملفك العام الجاي في الجزائر 3 واذا قبلوك تخلاي عن منصبك في بومرداس وروحي لالجي لكن متتخلايش عليه حتى يقبلوك في الجزائر العاصمة واذا مقبلوكش كملي في بومرداس معندكش حل اخر
وزيد معلومة اذا قبلوك في العصامة رايحة تبداي من السنة الاولى حتى لو نجحت في بومرداس وعليه نصيحة يبقالك عام كمليه في بومرداس وتهناي وفي الدوكتوراه انسكري في الجي
هي نصيحة اخت لك ان ترفضيها او تاخذي بها وربي يسهلك

المشاركة الأصلية كتبت بواسطة bilal 212

سمت بأنه تم فتح التسجيل في ماستر عن بعد ممكن طريقة التسجيل والجامعات التي فتحت التسجيل شعبة علو اقتصادية

نعم اخي ولكن ليس كل الشعب فيها ماستر عن بعد
ولا علم لي ان كان تخصصك موجود
على كل تحول لهذا الموضوع سيفيدك اكثر مني
https://www.djelfa.info/vb/showthread.php?t=1999384

[المجاهري]

انا مسجل في قسم ماستر 2 وفي نفس الوقت أعمل، ونظرا لظروف العمل لم استطع استداراك ما فاتني من الدروس والأعمال التطبيقية
واريد تجميد السنة، قصدت بعض الأطباء من اجل منحي عطلة مرضية كمبرر لكن رفظو
هل من حل لاثبات المبرر
شكرا لكم مسبقا.

[سطايفية بكل فخر]

للاسف فات وقت التجميد اخي
حاول تهدر مع الاساتذة بللاك يعقبوهالك وتعقب غير الامتحانات
سينون رايح تقصى وتعاود العام اوتوماتيكمون
وحذار يالمساتر لك الحق في الاعادة مرة اذا عاودت مرتين ميمدولكش الديبلوم
ربي يكون ف يالعون اخي

[المجاهري]

شكرا لك على الاجابة
لكن تحدثت اليوم مع عميد الكلية وامهلني وقتا حتى الاسبوع القادم من أجل دفع طلب تجميد السنة
ممكن طريقة من أجل المبرر

[سطايفية بكل فخر]

اه جيد
طيب شوف طبيب نفسي
يديلك بلي عندك ديبريسيون من الضغط وتحتاج لراحة لمدة 3 اشهر تفيدك اخي

[المجاهري]

المشاركة الأصلية كتبت بواسطة على رصيف الأمل

اه جيد
طيب شوف طبيب نفسي
يديلك بلي عندك ديبريسيون من الضغط وتحتاج لراحة لمدة 3 اشهر تفيدك اخي

شكرا جزيلا لك اخي

[سطايفية بكل فخر]

رايت سوالك بخصوص الاصول والفروع
نقصدو بيهم الزوجة والاباء والابناء اخي
يعني مثلا لا قدر ربي كان عندي واحد مريض ومضظر تبقا معاه وتلازمو او عندو سفر علاجي هنا يمكن يقبلوهاك