نكتة بقرار جمهوري

[متنازل]

السلام عليكم و رحمة الله و بركاته

نكتة بقرار جمهوري




تُمطر بكثرة هذه الفترة
و راه قلبي خارج، و عليه لن اطيل الثرثرة.
واعذرونا (ياسر ياسر) ان تطفلنا على منتدياتكم الموقرة...


حَسْبُكُم تظنون انفسكم اصحاب دم خفيف و نكتة...فمثل هذه لا تُضحك اطلاقا:

مشحاح طاحت دراهمه من التاقة. كي نزل ما لقاهاش. علاه؟؟؟؟ لأنه وصل قبلها

واحد السيد راكب في سيارتو ومعاه زوجتيه, وفجأة تعطلت السيارة، نزل الراجل يشوف, نطقت مرتو المثقفة وقالت: شوف بلاك الكاربيراتور؟ غارت الزوجة الاخرى وقالت انا تاني لازم نهدر...قالتلو: يا راجل شوف بلاك نسيت البارمي

وحدة قالت لراجلها : كل يوم تدي معاك التصويرة تاعي في الحقيبة نتاعك للمكتب اللي تخدم فيه وعلاه ؟ قاللها باش كي يصرالي مشكل مهما كان صعيب نشوف في الصورة تاعك والمشكل يروح .قالتلو شفت كيفاش أنا ندير لك العجايب
قاللها صح . كي نشوف تصويرتك نقول مع روحي وعلاه كاين مشكل صعيب كثر من هذا اللي في التصويرة

واحد في إختبار اللغة العربية قالو له ...ضع "أن" في جملة مفيدة... قال : اشتـريت بورتابل أن سبعين

قالك جماعة ....... لعبوا لعبة الاختفاء من 1962مازادوش ظهروا ( صعيبة ياسر هذي)



لا لا لا ....
ان اردتم الضحك HD
فما عليكم الا باكتشاف قوم (اسميهم they) يتندرون و لا اروع......يتسامرون حول (we) و لا افظع ...كلامهم معلوم و خطابهم مفهوم و طرائفهم تدوم و تدوم و تدوم و تدوم و تدوم و تدوم و تدوم و تدوم....

في الحقيقة، و للعلم هم لا يُفصحون انهم سكاتشيون...


و الان
استعد لمهرجان الفكاهة... (و شرطي شد كرشك لتموت من كثرة الضحك...شديتها؟؟؟ يا ودي ها شد...النكات راهم قاويين ياسر...)

مثلا
هاته النكتة تحوز على الــ top عندي منذ سنوات...


" يتساوى جميع المواطنين في تقلد المهام والوظائف في الدولة دون أية شروط أخرى غير تلك التي يحددها القانون."
المادة 51 من التعديل الدستوري لسنة 1996 الصادرة في 08 ديسمبر 1996 في الجيدة الرسمية رقم 76.

" L'égal accès aux fonctions et aux emplois au sein de l'Etat, est garanti à tous les citoyens, sans autres conditions que celles fixées par la loi."
Article 51 de la Constitution 1996 - Journal Officiel N°76 du 8 décembre 1996



" يخضع التوظيف إلى مبدأ المساواة في الإلتحاق بالوظائف العمومية."
المادة 74 من الأمر رقم 06-03 المؤرخ في 15 جويلية 2006’المتضمن القانون الأساسي العام للوظيفة العمومية

" Le recrutement des fonctionnaires est soumis au principe de l'égal accès aux emplois publics."
Article 74 de l'Ordonnance n° 06-03 du 15 juillet 2006 portant statut général de la fonction publique






ههههههههه
ههههههه
هههه


لن اعلق...
.................................................. .........................





و كتبه متنازل و هو متناول لقهوة كحلة كي قلبوlourd كي دمو