اصابع بالجاج والروز **هايلين خاصة لرمضان**

*سماح 94* · 2012-07-09, 17:41

=== السلام عليكم اخواتي ===
ان شاء الله راكم بخير اكيد كل وحدة راهي لاتية بتحضيراتها لرمضان == ربي يبلغنا رمضان و يتقبل صيامنا وقيامنا ===
المهم جبتلكم واحد من اطباقي المفضلة بنيييييييييييييييين بنييين بزااااف خاصة للي يموتو على الروز كيما انا ههههه
المقادير كلها عينك ميزانك
ديري طرف جاج وطيبيه مرقا بيضا =صوص بلونش = من الاحسن صدر او .... طرف يكون فيه لحم بزاف ونفتوه رقييييييييق ونخلطو معاه فرماج = درت وحدة شاف= ومعدنوس وزاست حبة قارس =يمدلو بنة هاايلة = وشوووووية زبدة وسنة ثوم وبهارات وملح وبيضة نلمو بيه == تقدرو تتفنو في الحشو كيما تحبو=اكيد

نغليو روز ونغليوه بزاف حتى يولي شبه معجن ونخلطوه للجاج

نديروها اصابع ونديروها في البيض ولاشابلير ونقليوها على نار خفيفة حتى تتحمر == من الاحسن يجيو اصابع صغار == انا كنت وحدي ودرت كمية كبيرة لدلك كبرت الاصابع باش نزرب نفليهم
انا الصور راهم مضبين ههههههه بسبب البخار الطالع كي كنت نصور == معليش ==هههه اسفة على رداءة الصور

بعد ما نقليوهم نحطوهم في المرقة لي طيبنا فيها الجاج دقيقة برك يعني غير يهزو الغلية برك

نحطوهم في طبق التقديو ونصبو عليهم المرقة غير بالشوية ورشة معدنوس و وقارس

====نتمنى يعجبكم الطبق اخواتي راهو بنيييييين بزااااف و هايل في رمضان
سلااااااااااااااااااااام ولا تنسونا من دعاءكم في الشهر الفضيل