اليك sabouha 14 و لكن اخواتي الميلفاي من مطبخي ماتزيدوش تشروه

[oum anas 69]

البسملة1

واش حوالكم ان شاء الله لاباس
بطلب من الاخت sabouha 14 لي كانت طلبت وصفة الميلفاي ، اليوم جبت شوية عجينة عندي و لبيتلها الرغبة نتاعها قلت قبل مايجو جماعة نستلي هههههه و يدوني للتحقيق
و انتوما تاني اخواتي العزيزات حبيتكم تعطوني رايكم
راه ساهل ماهل و مافيه والو

ادعيولي ربي يشفيهم مراض بالزكام آآآآآآه سوفريت معاهم
فقط اريد ان اقول ان اول ميلفاي درتو كان نتاع الاخت رماضنة الله يذكرها بالخير و نتمنالها النجاح في دراستها و في حياتها كامل
اولا
المقاديرهي :
العجين المورق
كريمة باتسييرو فوندون و شيكولة هدا ما كان



نحلوالعجين المورق رقيق و نضعه على ظهر الصينية باش يجي مستوي اثقبي جيدا ثم ضعي فوقها صينية اخرى باش يجو مستوى واحد و ماتتنفخش اثناء الطهي
انا هنا عندي كمية قليلة طيبت ب 2 و بقات 1 طيبتها و حدها









كي تشوفيهم طابو وتحمرو من تحت اقلبوهم يكملو الطياب و ابدا تشعلوا من الفوق خطرش يتحرقو و تجي فيهم بنة ميش مليحة عن تجربة اوكي
الكريم باتسيير كاين بزاف طرق و اسهلها لي راني معتمدتها :
1/2 لتر حليب ، 100 غ سكر عادي، 40غ مايزينة او فرينة ، 2 بيض كاملين ، فانيليا او ليمون
الطريقة راه معروفة:
خلطي بالمضرب البيض +السكر + الفانيليا ثم اضيفي المايزينة مغربلة و خلطي +الحليب الساخن مع الخلط المتواصل رجعيها للطاوة على نار هادئة مع الخلط المتواصل بالمضرب حتى تعقد خليها تبرد





هنا كملو الطياب لازم يجوا في هذا اللون كيما لي تتباع خطرش بنتها كي تكون قاندة


اقسمي الكريمة الى قسمين اطلي فوق قطعة العجين زيدي القسم الثاني كيفكيف و حطي قطعة العجين الاخير بصح الجهة الملساء هي من الفوق





ممبعد جيبي سنيوة حطيها فوقوا و ابداي تظغطي بأطراف صباعك اليدين في زوج انا يدي لخرى كنت نصور بيها هههههه
لاحظي كيفاه باش مايبقاش فراغ و اكريمة تلصق مليح و تتوزع و تجي مستوية كيما لتتباع


الفوندون عينك ميزانك ول اشري لي يتباع و ذوبيه انا درت;
كمية من السكر الارطب مغربل +قطرات عصير ليمون +الحليب ديري غير بالشوية حتي تتحصلي على هذا القوام


فرغيه و سويه و اعملي خطوط من الشيكولة و زخرفيه





خليه ينشف شوية و سويه من الحواشي و قطعيه لازم تمسحي السكين في كل مرة تقطعي فيها باش تجي الخدمة نظيفة و قدميه لعائلتك بالصحة و الراحة







و الله غير خير من المشري و زاكي و البنة مايتشبعش و زيد نظيف و مافيهش الغش ههههه
تعرفو شحال يدير هنا في فرنسا50. 2 اورو يعني 40 الف للحبة و ماعلبالناش بواش يخدموه



واش قولتوا ماشي خير ماتشروه الحبة ب 30 دج و هو ما فيه والوووووو
هههه راحت على صحاب الباتيسري انا جامي نشريه خطرش هنا الا مادروش الجيلاتين يديرو الكحول
علابالي كثرت الصور بصح ماتنساوش كاين مبتدئات راهم يتعلمو ربي يوفقهم

[linat]

ya3tik saha jake hayale

[omaymen]

اه يا الميلفاي واش راك داير هذا اليامات
خرجلك يهبل ام انس يسلمو الايادي و ربي يشفي اولادك ان شاء الله

[lyna38]

جزاك الله خير الجزاء
بوركتي اختي الفاضلة

[terrou]

4444444444444444444444444

[أم ماجد]

ربي يبارك ام انس هايل اعطنا الوصفة وربي يشفي اولادك بخري الزعتر واعطيهم يشموه ضربة ضربة واعطيهم حبة كيوى ياكلوها هكذا نعمل مع اولادي

اعذريني وليت طبيبة هههقوليلي فرنسا بلاد الطب يا ام ماجد وانت تدخلي

[أنوثة شرقية]

ربي يشفي اولادك اختي أم انس .الملفاي نموووت عليه وتاعك جااا هاااايل ماشاء الله خير من تاع المحلات ازربي ارواحي اعطينا التفاصيل ونجربو في اقرب وقت. ربي يسلم يديك

[nina_65]

عمل رائع مشكوره انا جربت شحال من مره العجينة المورقة بصح ما نجحتليش

[أم ياسين الزهراء]

بارك الله فيك

[feuilleblanche17]

هايل يعطيك الصحة و ربي يشافي ولادك

[بوعنينبة]

يعطيك الصحة

[ام وائل فخر الدين]

جاك ماشاء الله الله يعافيلك ولادك و يوليو لصحتهم من فضلك حنونة تعطينا الوصفة بليزززززززززززززززززززز



و شكراااااااااااااااااااااااااااااااااااااااااا

[SABOUHA14]

اشرك حبيبتي ام انس ربي يعطيك ما تتمنياي وربي يجيب شفاء لاولادك حبيبتي راني جربتوا لكن العجينة المورقة لم تنجح معي بعد ما طاب جاني يابس ادا قرات ردي ارجوا ان تفيديني

[كريمة كوكة]

الله يبارك و سلمو يديك ربي يشفي أوليداتك و يعافيكم بخري بالكاليتوس باه يروح الفيروس من الدار و ما يبقاش يدور كثري من التشينة فيتامين c

[SABOUHA14]

اشكرك على المجهود شفاء العاجل