خائفة

[مشكلتي]

سأسافر بحول الله إلى أوروبا قريبا لكني أعاني من مشكلة و هي أن أسناني في حالة سيئة جدا من التسوس و السبب أني أعاني من رهاب طبيب الأسنان فلم أتجرأ يوما على زيارته لخوفي الشديد و ذلك بسبب تجاربي الفاشلة معه, المشكلة الآآن أنه قد تم إطلاعي على ضرورة إصلاح أسناني قبل التقدم بطلب الفيزا حتى لا يتم رفضي ؟ هل هذا معقول؟ و ماذا أفعل لأتجاوز خوفي لأن المشكلة أن التخدير الذي يستعمله الطبيب لا يؤثر فيا حتى أني أحس بكل ما يقوم به و أتألم بشدة ؟؟ هل من حلول و هل تلك الإشاعة صحيحة؟؟

[مراد سابقا10]

يا خويا اطباء ألأسنان يختلفون كاين لي تحس بالسطر وكاين لي متحسش بصح ضرك اغلب الأطباء يعرفوا جيدا كيفاش ينزعوا الأسنان واش راح دير علاه السطر هذا

يبقى دائما يا اخي 5 دقائق ويروح ومبعد الطبيب حتى كي تنحي السنة يعطيك ادوية مسكنة صح اوكل نخافوا من طبيب ألأسنان بصح ماشي لدرجة مرضية كيما انت

انا ننصحك اخطيك يا خويا من المخاوف الزائدة هذي ولو قدر الله لك مثلا دير لازم تدير عملية او ما شا به هل ترفض مخاوفك غير منطقية .

[noursm]

صح كاينة منها صراتلي ما حكمش فيا التخدير و حسيت كي كان يخدملي فيها في المرة الاولى كي رحت للطبيب
و لكن كي رحت المرة الثانية (كانو عندي 2 سنين ) قلت له
سع بقى يحطلي في الابر حتى وليت ما نحسش و وصلو حتى لـ8
انتي برك اهدريلو قبل ما يبدا قوليلو نخاف ما يحكمش فيا التخدير
و قادرة اصلا انتي يحكم فيك من اول ابرة
و طبعا ادعي ربي يسهل لك

[kimjia]

شوفي يا ختى يعني عندي 20 سنة جامي رحت لطبيب نتاع الاسنان بصح نصيحة نتي راكي قلتي بلي اسنانك راهي مسوسة لدرجة كبيرة يعني نتي تخافي من الابرة نتاع تخدير عندك حق كامل يخافو منها بصح نتي فكري في النتيجة كي فاه راح تولى اسنانك يعني الم نتاع كم يوم وتحافظي نباعدا على اسنانك وتقعدلك صحيحة نتي اكيد مكيش راح تنحي كامل اسنانك لاعود يبرشهم وينظفهم وبلا حتى حاجة اخرى كاين مثل انجليزي يقول مع اني الدواء مر بصح نشربوه لانونفعو راح يكون علينا كثر

[قدور بن عاشور]

ضرورة إصلاح أسناني قبل التقدم بطلب الفيزا حتى لا يتم رفضي ؟

ما دخل السفارة و الفيزا بأسنانك؟
إلا اذا كنت أمضيت عقد إشهار مع Colgate أو غيرها