اخي راه يهبلنا بزاف

[مشكلتي]

السلام عليكم اخواني حاب نسالكم علي شقيقي هدا راه يهبلني ويهبلنا تاع الصح قد ماشفنالو عاوناه ماحبش بل يضن انو رانا نحبلو كل الشر وحاجة مش مليحة وووو تصورو شفنالو يعني رحنا لمنزل وحدة من اقرباء وهي درست جامعية وتعمل في شركة وطنية معروفة المهم حالتها جد ستابل كما تعرفو وتعمل مند 07سنوات مرسمة وساكنة مع اهلها وعندها 02بنات ماكثات بالبيت وحدة عندها مشاكل في عين ربي يشفيها وتعمل الشغل بامتياز شفتها امي مهم ندخل في صلب موضوع اخي من نوع لي عمرو ماعمل علاقات وهاته شهادة انا اشهدها اللهم في عمل زملاء وزميلات وهو مستواه 03ثانوي وماداش الباك وهي عندها نضن ماستر حسب مانعرف
كي يجنا للاهم بش هدرنا فقط ماحبش اطلاقا قالنا عندها الخدمة وربما حتي سيارة وشهادة ليها واني نرفض اطلاقا تزوج مرا قرات في جامعة +تعمل او حتي تمكث البيت ووووو يعني قالي مانتوالموش في تخمام وقراية وووو امور كثيرة وزعفت امي بشدة قاتلو نتا جايح ومرا كدا كدا وزد كبيرة عليه بعامين وعندها 37سنة يعني شاخت بزاف ربما كانت تشرط وووو مالقاتش الان تقل نقص شروطي وووو وحتي تقبل وتوافق به وعندنا منزل وهو وحيد في دكور وهادء جدا اتكلم كعقليته ومسامح ومسالم واشهد دلك اخي نعرفو احق معرفة ويعمل مرة في شركة للاعلام الالي شركة صغيرة ومامن ووو واحيانا يروح يعمل لدي محلات مثلا عند صديق او اصدقائه مثلا ويبطل وصغير عليها عامين
وهو قالنا انو يحب وحدة تاع دار ومنزل وتخدم في الدار وتربي ووووو مهم ماكثة بالبيت ومايهمش ان كانت درست وخرجت وقعدت في منزل وعملت تربصات الخ
رايكم انا حلفت منزدش ندخل نفسي هادي حياتو خاصة اختي اخري نطقت قالت كبيرة عليه وقارية بزاف عليه الخ وراح يعاني معها منا للبعيد
هل صحيح كلامها رايكم لبنات وقولولي وش يلزملو بكل صراحة اريد ردود شافية صريحة صادقة وبمنطق وليس عاطفة

[yassefe]

عندو حق وهادي حياتو

[سيدتي الفاضلة]

وعليكم السّلام ورحمة الله وبركاته،

ردّة فعل أخيك طبيعيّة ومتوقّعة، حاولتِ مساعدتَه، جزاكِ الله عن سعيكِ النّبيلِ خيرا، لكن على الأقلّ تّقيّدي بأغلب الشروط التّي يتمنّاها في زوجته المستقبليّة .. اقترحتما (أنت ووالدتك) عليه واحدة لاهي من نفس مستواه الدّراسي ولا الثقافي ولا الاجتماعي وتكبره سنّا ... يعني أخوكِ شروطه بسيطة وأظنّها متوفّرة في بنات كُثُر، لما تَقْتَرِحنَ عليه فتاة غير مناسبة في نظره(وفي نظري أنا كذلك). إذا أردتِ مساعدته ، ساعِدِيه، لكن وفق ما يراه هو مناسبا له.
ربّي يرزق أخيك الزّوجة الصّالحة المناسبة له ان شاء الله.



ملاحظة بسيطة أختي : رتّبي أفكارك، وضعي بعض علامات الوقف لتصل أفكارك للقارئ بسهولة.

[ع.عيسى]

شرطه بسيط ومعقول جدا ولا يهبل ولا يفقد العقل ,,,,,دبرولو وحدة تكون اصفر منو ,,,وماكثة في البيت

[زبدة ذايبة]

متطلباتكم مختلفة كل الاختلاف عن متطلبات شقيقك

بمعنى

أنتم رأيكم واضح

تحوسو على وحدة تخدم و ممكن عندها شقة وممكن عندها سيارة (حسابات مادية)

وهو يريد زوجة تليق به فقط

علاش راكم تمرضو فيه

رايحين تهبلوه على جال شهواتكم ونزواتكم

وماشي محال غدوة يتزوج بالطريقة اللي راه مقتنع بيها

تهبلو مرتو لأنها لاترقى لمستوى طموحاتكم

نقولك حاجة

ألتهاي في روحك

ماكان مادخلكم فيه

عليه يختار وانتم ديرو العرس وفقط

هنا يحبس دوركم وكثر خيركم من فوق

[بـــيِسَة]

سلام


لا اظن ان بامكانكم اقناعه
اختي
هو حياتي و يدير شا حب هو متدخلوش كامل في حياته


و ربي يسهل

[زايدي أمحمد]

حياته وهو حر فيها لديه قناعات وانا احترمها وموافق عليها

[mrmilano1984]

سبحان الله قريت المشكلة في سطورها وفهمت واستنتجت امور كثيرة جدا منكم انتم طبعا ربما انتي والدتك او اقاربك الخ انتم حيليين بزاف بزاف وهو يحب يخير قيسو وقيس مستواه وتفكيرو وقدراتو ومستواه دراسي وثقافي وحتي مالي ومعيشي علي كل حال لااعرف بيئته المغيشية والتربوية مهم انتم من خلال كلامك تموتو علي مال ودراهم وداكم طمع مع مال معها واهلها بلاك باباها لابس بيه ومنصبو جيد وهي قلتي حتي ممتازة حالتها اتكلم مادية خدامة ومرسمة مند سنوات ربما وبلاك عندها سيارة مام معندهاش الفارق واضح ياصاحبة مشكلة وهدا ليس عيب او حرام كل وحد يدي قيسو طبعا هي درست دراسات عليا وهو مستواه 03او حتي باك
انتوما ماديين بزاف وتاع طمع وجشع تطمعو في دراهم ومال وايضا مصالحكم ربما مع المراة او محيطها مش علاجالو هدا تخميني وتفكيري باسكو شايف هادي طينة من تخمامات بصح هو ربما توله وفطن وش تحبو ونضنو يعرف تخمامكم مليح لانو هو قريب جدا ليكم ويعرفكم اقرب واشد معرفة مهم هو محق جدا في قراراتو وتفكيرو وتخمامو وهو كما يحب يتزوج ربما اصلا ماهوش يخمم في زواج ابدا رغم انو قالكم نحب وحدة تاع دار وبمستوي كدا كدا كدا
نصيحة ليك اخيرا غر ماتعيوش راسك معاه مستواه التفكيري واهتماماتو غير تفكيركم وزد حتي نضنو ماعندوش عمل ستابل وربما بلا تامين واشتراكات في محل هنا يثبت طريقة تفكيرو الخ

[محارب الحمق]

مانكذبش عليك تبانولي صح ماتحبوش الخير لخوكم. علاه تشوفولو وحدة كبيرة في السن؟ من قلة النسا؟ 37 كبيرة بزاف بزاف على واحد عمرو 35. ربي يهديكم. خوك عندوا الحق هو اللي راح يتزوج موش انتي وعايلتك. من المفروض تشوفولو وحدة ماتفوتش 27. هو عندو شروط احترموها. لا ماقادرينش تعاونوه حسب شروطوا ما تحشيوش خشومكم فالوسط

[mrmilano1984]

سبحان الله هي المراة طايبة ههه وكبيرة وعجوزة في السن كانت تتشرط ووووو والان كي مالقاتش تحب تدي معاها انسان ربما راح يعاني معاها طول حياتو هو الخاسر واي فتاة كف حالتها ومستواها ثقافي دراسي وتفكيري الخ راه تباطيه ولايهمها حالتو هي تمشي بتفكيرها لي نعرفوه وهو بتفكيرو ووو اكيد هو خاسر وربما هو فايق ويميزنساء لي يقدر يتعايش ويعيش معاها من اول نضرة لدا رفض غر ماتعييوش رواحكم

[سجل أنا جزائري]

حيرتوني هو طلب مستعادة باش تشوفولو مرى تع دار و من مستواى

و نتوما جيبلو وحدة كبيرة عليه بحجة انها مرتاحة ماليا ؟!!!!

هذي زواج مش تجارة

و زيد علبالكم مرى تدخل 40 سنة تدخل سن البأس يعني لازم في 3 سنين يجيب ولاد سنو طفرت عليه علاش مسكين ؟

و طلباتو بسطيو و نتوما تعقدولو فيها

[~عيون القلب~]

عندو الحق , كيفاش يدي وحدة اكثر مستوى منو كي شغل اهانة
و زيد كبيرة عليه والله اشفقت على اخيك المسكين والله ربي يكون في عونو منك ومن امك
خلوه يخير وحدو يرحم باباك , ولا نتي راح تهبليه ماشي هو

[وسام سومة]

حياته وهو حر فيها كاين بزاااف ناس هكا انا تبالي هو يعرف صلاحو

[moulmoul]

ومن خلال ردود بعض الاعضاء الذكور هنا انو مستواهم حاااااابس
ما هذه العبارات عجوزة طايبة بايرة كبيرة كبيرة عليه بزاف تشرط الخ
وواحد يقولك هو سنو 35 لازم يدي واحدة ما تفوتش 27 الله الله
وواحد يقولك المرأة لما توصل لسن الاربعين توصل لسن اليأس بفففف
الجزاير تغلي وشباب ماشاء الله عليهم صغار ينظمون في الحراك الوطني وانتوما بهذا التفكير ياربي برك ما تكونوش من لاناس تاع الحراك الوطني باش ما تدوناش للهاوية

[محارب الحمق]

بالنسبة للأخت التي لم يعجبها نصح الرجال للأخت حول عمر المرأة المناسبة لأخيها...عليها أن تعي أن منطق الرجال يختلف عن منطق النساء وان كانت نساء آخر زمن يعتقدن أنه باستطاعتهن فرض تفكيرهن على الرجال فهن واهمات. امرأة في 37 من العمر كبيرة جدا على شاب في 35 خاصة وأنها امرأة انهك جسدها وعقلها العمل والخروج من المنزل لفترة معتبرة من حياتها ولا أستبعد أنها فقدت الكثير من شبابها وخصوبتها وحتى أنوثتها. ان كنت ترضينها لأخيك أو ولد فلا أحد يمكنه منعك أما أن تفرضي أمثالها على الرجال فتلك وقاحة