تحطمت حياتي بسبب أمي ,

[مشكلتي]

ما عندي ما نحكي ما نقول ما نكذب
امي تلك القدوة الحسنة ، تلك الطيبة الخلوقة ، المحبوبة من الجميع
تقول أسراري الشخصية لصديقاتها و للجميع ، حلمي لي ، دراستي لي ، شخصيتي لي..
كل شخص اكون في صدد التعرف عليه تقول له انني منطوية و خجولة و "معقدة " ، حتى بت اكره مخالطة الناس ، سينظرون لي على اساس انني متخلفة .. و فعلا حدث هذا ، كل شخص يكرهني ، لان امي لم تعترف بي ، عندما جعلت لي صديقة امي قالت لي لا تصادقيها ، ثم صادقيها ، ثم لا تصادقيها .. صادقتها تلك الفتاة ، ثم كالعادة امي شيعتني عند صديقاتها انني لا املك اي صديق ، لا اريد الظهور بمظهر معقدة فأنا لست كذلك ، اي خطوة انجزها تأتي تحطمني ... عندما تراني حملت الكراس فقط تقول للجميع انني ادرس بجد ، اين الدراسة بجد هنا يرحمكم الله ؟ احمل الكراس فقط؟ حتى مرضت لهذا السبب ، رأسي يؤلمني منذ ايام ، لا راحة لا هدوء ، بالاضافة الى انني تعلمت منها ، اصبحت اقول اسراري لمن هب و دب ، لماذا ؟ لانها هي القدوة ليس لدي من يهتم بي غيرها ، و ان لم تكن هي فمن قدوتي؟ هل ذلك الاب التي يريد رؤيتي محطمة ؟ الذي لا يأبه لي ...؟ اريد التخلص من هذا الجسد في الحال فلم اعد اعرف كيف اعيش و كيف اتصرف بسببها ، لا محبة لي لا اخلاص لي ، الجميع يكرهني بسبب انها تتصرف بتفاخر زائد عن حده و احيانا تتكبر كونها استاذة ، حتى كفاءتها انخفضت في العمل بسبب هذا ثم تقول لي ان المفتش ظلمها ..

[مُحمد رازي]

السلام عليكم
لازم تعرفي أختي الكريمة بأنه في كل الأحوال هادي أمك و مهما صدر منها من أمور تخلّيك تنزاعجي منها فأنتِ مطالبة ببرّها
و ما لازمش تبالغي في ردّة فعلك بشكل كبير و ملازمش تكون عندك حساسية مفرطة اتجاه كل ما يصدر منها من قول أو فعل
و حتى توصلي تقولي ما راهيش تعتارف بيك علاش شفتيها لي تلقاه تقوله عليك هادي مشي بنتي ؟!
وواش من أسرار راهي تقولهم عليك ! يظهرلي مين تقول عليك لأحد ما أنكِ منطوية و خجولة
ممكن على نيتها حابة من ديك الفتاة كمثال لي قالتها حتى ترجع صديقتك
بصح نتي راكي تفهمي الأمر على أنها راهي تقول في أسرار عليك
و تانيك ممكن ما زال راهي تشوف فيك بلي ما زلتي صغيرة و ما تعرفيش صلاحك كي يلزم
لهاذا راهي تدّخل في حياتك و تخيرلك شكون لي تصادقيها و شكون لا
و في ميزك نتي غير لي ما عندهش أصدقاء راه معقّد ؟
أصدقاء هاد الوقت أغلبيتهم ما فيهم حتى فايدة إلا من رحم الله
ثم من غير المعقول باش تتوقعي منّا و بعد ما نقرو مشكلتك نحرشوك ضد أمك
حتى و لو ما عرفتش هي كيفاش تعبرلك على حبها فهذا ما يعنيش أنها تكرهك
و حياتك ما تحطمت ما والو خلّي عليك ديك النظرة السوداوية
و اهتمي بدراستك و حاولي تجعلي امك هي صديقتك
لاخاطرش ماراح دوملك غير هي في ظل غياب الدور الفعّال للأب !

[زبدة ذايبة]

الله يهديك

واضح من كتابتك أنك مراهقة

وهذا يفسر الحساسية الزايدة عندك

ماكاش خير من الأم

وهي من وجهة نظرها تحاول أن تجنبك بعض المواقف المحرجة المتعلقة بشخصيتك

وعيب كبير تقولي على أمك أنها متكبرة لأنها أستاذة

هذا من العقوق

والمشكل راه فيك أنت وليس في أمك

مالقيتيش وين تعلقي فشلك الاجتماعي

وعدم قدرتك على تكوين صداقات والاحتفاظ بها سوى أمك

المشاكل راكباتك من راسك لساسك وحبيتي تحصليها فيها

هذا جزاء التربية اللي رباتك

لازم تاخذي ملاحظات أمك بعين الاعتبار وتصلحي من نفسك

واضح أنها مالقاتش وش دير معاك لدرجة أنها تشتكيك للأقارب

هذي فرصة حتى تراجعي نفسك وليست لأجل اتهام الوالدة

[kacimo.samy]

السلام عليكم
غدوة كي يديها ربي عليكم تندمي على اي حرف كتبتيه عليها

راجعي نفسك فقط و ابحثي عن الخطأ

[Om inesanis]

الام نعمة لا يعلم قيمتها الا من فقدها
هذا ما استطيع أن ترد على ما كتبته

[هدايات26]

راجعي نفسك بنيتي وتراجعي عما كتبتيه قبل فوات الاوان يبدو ان امك تتصرف بنية طيبة وانت تخطئين فهمها. ماذا لو كنت انت ام ووقعت عيناك على مثل هذا الكلام مكتوب من طرف ابنتك كيف ستتصرفين???

[kimjia]

والله ما تحشمي يعني الوالدة نتاعك كي تفوخ بيك قدام الناس انك قراية يعني راهي تفتاخر راهي ديرلك في الشان وتكبر بيك برك وديرلك في الكوراج باه تزيدي تقراي وزيدي تقولي عليها متكبرة نبشرك مالايا بعقوق الوالدين
ومكان لاه ديري في روحك هكذا هاذا ضغط الامتحانات برك الام جامي تحوس الشر لبناتها والله حبيت نكتب بزاف حوايج بصح معرفتش نعبر برك كي نهار تكبري وتولي ماماك مكانش داك الوقت تندمي على هاذي الكلام الفارغ وتتمناي كن تقدري تمدي من عمرك على جال تزيد تعيش معاك غير 2 دقايق
اما بالنسبة االاب نتاعك برهنيلهم بلي راكي كاملة ومكيش محطمة ونجحي في قرايتك وولي حاجة مرموقة في المجتمع