حيرة_وتدبيرة

crono · 2018-12-06, 12:15

#حيرة_وتدبيرة من اجلكن فرشاتي ï؟½ï؟½

التدابير المنزلية :
ديما قبل ما ترقدي حطي جافيل و ازيس غبرة في أطراف المرحاض ولافابو الصباح يصبحو روووعة .
لاشاص اعزكم الله حطي داخلها قرعة صغيرة معمرة العملاق و الجافيل اعملي فيها ثقب صغير كلما يهبطوها تهبط الريحة والرغوة او عمري اسفنجة غطسيها في خليط العملاق والجافيل او شامبو ماتحتاجيهش و الخل او جافيل او ديتول وحطيها داخل وكي تخلاص خرجيهاوزيدي عمريها الخ .
المطبخ ديما نقيه ماتعجزيش اذا عجزت وكنت تعبانة حطي الماعن كامل في بسينة عمريها ماء و ازيس وخل ابيض وخليهم وكأنك عندك غسالة ماتضحكوش عليا وصدقيني تلقاي روحك وحدك غسلتيهم.
الغبار امسحيه يوميا استعملي زيت البيبي روووعة.
عمرك ما تخلي الحوايج يتراكمو حطي وين تنشري طابلة بلاستيك و نحي بالحاجة واطويهم اذا عجزت معليش ماتحطيهمش في سلة حطيهم على ظهر كرسي يبقو واقفين.
خزانتك عطريها بالعنبر حطي العنبر في كل صف و صابون ريحة روووعة .
الفراش تاعك ديما غطيه وحطي فيه صابون ريحة .
الزربية رشي عليها بكربونات وشيتيها

تدابير جمالية :
وجهك مرآة شخصيتك تهلاي فيه اشربي الماء بكثرة واغسليه بزاف كل دورة اغسليه ياك مصنوع من تراب والتراب لازملو الماء.
ماسك طبيعي هو العسل رااائع للبشرة
اذا حبيتي تقشريه ساهل حطي م قهوة م زيت زيتون و م سكر و شوية ملح وقشريه بحركات دتئرية دون ضغط
لوجه تاعك باش يكون باهي يلمع شاعلة ملعقة جوز الهند وملعقة ياغورت ونقيه يرجع ضاوي
اما الإبط حشاكم عليكم وعلى الشب ينحي الريحة ويبيض.
شعرك ديما شلليه بالماء والخل ينحي القشرة و يمتع التقصف وقولي قلتها
حبيتي شعرك رطب عليك وعلى صفار بيضة مع زيت زيتوت ماسك قبل الدوش
تدابير الاناقة
عوض ماتشري نضارات غالية اشري موديل شباب من المارشي عادي و نحي الزجاج وبدليه عند الopticien يعني تشري الكادر .
الحذاء أياك تنساي باه تمسحيه راه دليل أناقتك.
ماتكثريش التغنجيق الجمال في البساطة
ديما حوايجك عطريهم قبل ماتطويهم تبقى ريحتهم طيبة
شعرك في هذا الفصل لازم ترفديه
خلي عندك بصمة من خلال إطلالتك ماتبعيش الموضة خلي الناس تبعك انت
الساعة رمز الاناقة ماتنسايهاش.
ديما الخمار يمشي مع الصباط و الصاك نفس اللون او الوانهم مكملة
كي تقعدي وقفي روحك ماتطويش روحك على زوج اناقتك تنطوى وقولي قلتها .
شفاهك ياالزينة ديما بالفازلين يوميا راح ترطاب وتبقى وردية وخاصة في البحر أشعة الشمس راح تجففها
البشرة من طين والطين لازملو الماء يعني كل ما تشربي الماء وتغسلي وجهك راح تكون بشرتك روووعة.
تدبيرة للكوزينة :
ديما حضري جدول الوجبات هنا تقدري ترتاحي من التخمام و تعرفي واش تشري وتقضي ودراهمك مايضيعوش ديري جدول الاسبوع الأول واشري على حسابو الثلاجة ديما اغسليها بالخميس وعلقي ورقة اكتبي واش خصك باه ماتنساي ماتقوم الدار وترجعي انت وزوجك كالقط والفار هههه وقولي قلتها
ما تحديش الدراوات والكوات قبل ماتفرشيهم تتعبي فرشي سريرك ومخدتك ومن بعد جوزي بالحديد عليهم احسن ومنظرهم روو وعة و راح تتخلصي من اي حشرات خاصة للبيبيï؟½ï؟½
تحيتي