طلب نصيحة

[ابتسامة الجزائر]

السلام عليكم اخوتي
المهم اريد استشارتكم
المهم اخوتي لنا مخطوبة من شخص تعرفت علبه و انا الحمد لله على قد الحال حتى بيتنا بيت قديم تاع الوراثه لكن الخمد.لله اننا عائلة محافظة و كل خريجين جامعه مع الاوائل المهم عند الخطبة قام بأرسال امه زعمة تشوفني و من بعد ارسل ابوه يتكلم مع اخوتي لانو الاب متوفي رحمه الله المهم تفاهمنا على الشروط و انا منعرفش قعدت نقولو غير دبر راسك المهم تفاهما يعطيني 15 مليون فيها دراهم الدفوع مع الجهاز انا قتلو يعني ارسل يماك تقول لماما بحكم جات خطرة معادش جات قالي انا امي منجيبهاش تجي حتى نهار الخاتم هدي فوتها حسيتو طيح بيا مع العلم تاني معندهمش بزاف دارو عرس خوه و كانو يروحولها في المناسبات الغدوة عيطت لاختي قتلعا قالي 15فيها دفوع و الجهاز قاتلي قوليلو انا معنديش لي يعاوني و مرانيش خدامة يعني جهاز يجينا غالي تاع الغرب يعرفو احنا نقولولو السني يعني نشري الخردة و صايي كي قتلي قالي انا و الله منزيد و ادا تقبلي صحا متقبليش كلشي بالمكتوب
غتضتني عمري حسيت بلي معمرتلهمش عينيهم و بروبلام لباس بيه واش رايكم اخواتي و توجور مطيح بيا في بزاف صوالح حتى الخاتم قالي يما تخيرهالك و مطمعيش تجيبلك وحدة شابة كيما لي راكي حابتهم

[ابو سليمان10]

جهزي نفسك على قد 15 عادي...هناك رجال انا منهم ارفض ان ادفع حتى ان كنت قادرا...غير منطقي ان تصرف على نفسك و حتى على العروس لتجهز نفسها...هذاك مهر اما جهازكي فيتكفل به اهلكي

[ابتسامة الجزائر]

المشاركة الأصلية كتبت بواسطة ابو سليمان10

جهزي نفسك على قد 15 عادي...هناك رجال انا منهم ارفض ان ادفع حتى ان كنت قادرا...غير منطقي ان تصرف على نفسك و حتى على العروس لتجهز نفسها...هذاك مهر اما جهازكي فيتكفل به اهلكي

السلام عليكم اخي و شكرا على الرد لكن اريد توضبح نقطة
انا من الغرب و من عاداتنا اخي الكريم انو الرجل يدفع المهر مع البعض من الجهاز .. المهم انا و الله و ربي شاهد اني لم اطمع فيه باش يجهزلي بالعكس راني نجهز روحي يعني جهاز العروسة لي لازم انا نشريه لكن هو قالي 15فيها المهر و الجهاز انا قتلو اعطيني غير المهر وحدو و جهاز خلي يماك تتكفل بيه قالي لا يعني لا و هو بينه بين نفسه عارف بلي ميكفوش يعني قالي نعطيك شري لي كاين و باقي انت زيديه و المشكل هنا انا معنديش باش نزيد يعني نشري جهازي و نزيد نشري لي لازم هو يجيبهلي ان شاء الله تكون فهمتني و شكرا

[نجاة^^]

المشاركة الأصلية كتبت بواسطة ابتسامة الجزائر

السلام عليكم اخي و شكرا على الرد لكن اريد توضبح نقطة
انا من الغرب و من عاداتنا اخي الكريم انو الرجل يدفع المهر مع البعض من الجهاز .. المهم انا و الله و ربي شاهد اني لم اطمع فيه باش يجهزلي بالعكس راني نجهز روحي يعني جهاز العروسة لي لازم انا نشريه لكن هو قالي 15فيها المهر و الجهاز انا قتلو اعطيني غير المهر وحدو و جهاز خلي يماك تتكفل بيه قالي لا يعني لا و هو بينه بين نفسه عارف بلي ميكفوش يعني قالي نعطيك شري لي كاين و باقي انت زيديه و المشكل هنا انا معنديش باش نزيد يعني نشري جهازي و نزيد نشري لي لازم هو يجيبهلي ان شاء الله تكون فهمتني و شكرا

أنا فهمتك لازملك 5 ملاين (اذا كيما عندنا) خرين تجزي
نت زيدي تفاهمي معاه إذا رفض ،وإذا مزالك مكملمة معاه هاذ الزواج ومتتسرعيش في قراراتك لانو حتى الزوج يكون مضغوط مابين فترة الخطوبة والعرس (خاصة اذا عرسكم قريب) ديري كيما قالك الأخ أستغلي وش عطاوك نحي 5 ملاين جهزي بيهم والباقي قسميه على الفراش وباقي الحوايج ،الذهب أشري على الأقل حاجة واذا ثاني لازم تلبسي أشري بلاكيور ،
ربي يكملك

[ing.Youcef]

إذا كان بدا يطيح بيك قبل ما تتزوجي علاش عليك؟؟
المفروض أن الخاطب يبذل وسعه لإرضاء الخطيبة..بالمعروف وبالمعقول وحسب الإستطاعة
و هذي تاع إذا ما تقبليش كلشي بالمكتوب!! غريبة غريبة

[ابتسامة الجزائر]

المشاركة الأصلية كتبت بواسطة نجاة^^

أنا فهمتك لازملك 5 ملاين (اذا كيما عندنا) خرين تجزي
نت زيدي تفاهمي معاه إذا رفض ،وإذا مزالك مكملمة معاه هاذ الزواج ومتتسرعيش في قراراتك لانو حتى الزوج يكون مضغوط مابين فترة الخطوبة والعرس (خاصة اذا عرسكم قريب) ديري كيما قالك الأخ أستغلي وش عطاوك نحي 5 ملاين جهزي بيهم والباقي قسميه على الفراش وباقي الحوايج ،الذهب أشري على الأقل حاجة واذا ثاني لازم تلبسي أشري بلاكيور ،
ربي يكملك

هنا المشكل حتى العرس قلت منديروش قلت نخفف علبه و المشكل والله غير لباس بيه مرات نقول بلعاني يدير هاك كي شافوني مسكينة و معنديش تحسب راح يغنوني

[ابتسامة الجزائر]

المشاركة الأصلية كتبت بواسطة ing.youcef

إذا كان بدا يطيح بيك قبل ما تتزوجي علاش عليك؟؟
المفروض أن الخاطب يبذل وسعه لإرضاء الخطيبة..بالمعروف وبالمعقول وحسب الإستطاعة
و هذي تاع إذا ما تقبليش كلشي بالمكتوب!! غريبة غريبة

عندك الصح يقولك في البداية الخطاب رطاب مي والله مشفت خاجة تاع رطابة غير الهدرة تاع السم

[عماد المحب]

[سلام عليكم ورحمة الله وبركاته
اكرام الزوجة من كمال الرجولة في نظري لكن على الموسع قدره وعلى المقتر قدره

[أبوإبراهيــم]

علاه ماتديروش عرس بسيط على حسابكم*
بصراحة حتى 15 مليون وبزاااف**

[هي نفسي]

اذا صح راك عارفته مطيح بيك صح هو واهله قوليله مكتوب مكتابش لان عمرك كومبلي معاهم راح تكوني ناقصة في نظرهم وفي نفسك
اما اذا كنت غير متأكدة امشي على قدك و قد امكانياتك وربي يجيبلك الخير