|
|
|
|||||||
| قسم المنزل و متطلباته كل ما يخص المنزل و متطلباته بصفة عامة ، الأجهزة الكهرمنزلية .. الحديقة ... |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
الدورة الثامنة "الرقي بمدبرة منزل مثالية "
 |
|
|
أدوات الموضوع | انواع عرض الموضوع |
|
|
2012-09-11, 08:28
|
رقم المشاركة : 1 | ||||
|
بالنسبة لليوم ورانى فرحانة بهاد اليوم وربي يدومها فرحة كنت البارح في صلاة العشاء طلبت ربي نفيق على صلاة الفجر وكان لي ما اردت فقت توضيت صليت اربع ركعات وقعت نحفظ حفظت يابنات 10ايات من سورة البقرة منبعد صليت الصبح وقعدت نقرا الادكار لكني نمت حتى جات بنتى قالت نوضى ماماراهى 7 و 10د نهضت بالجرى نحو الكافتيار درت القهوة اتقهويت مع اولادى هما راحوا للمدرسة راهى بعيدة نصف ساعة على الدار قبلونى بالواحد دعيتلهم وراحو من بعد نوضت ابو الشباب تقهوا وغيرخرج منبعد ودعتو ف الباب جيت نجري ليكم جبرت لبنات يحوسو عليى ربي يحفظهم رانى عارفة طولت عليكم بصح قلوبكم كبار
|
||||
|
|
2012-09-11, 08:31
|
رقم المشاركة : 2 | |||
|
اليوم انشاء الله رايحة نكمل لي زيليمو الي فوق البوطاجى ونغسل تحت البوطاجى ونغسل المكرواند وبعد الغداء نروح نبارك لبنت خالى عندها ولد عشى نتلاقاو ان شاء الله نروح نغسلت لغزالتى راهى ناضت سلام يالبنات ربي يعاونكم |
|||
|
|
|
2012-09-11, 11:19
|
رقم المشاركة : 3 | |||||||
|
أهلا شهرورة الله يبارك عليك حنونة اسمحلي نقلك والله كاين تغير كبير من الدورات لفاتو ودرك يعطيك الصحة يالزينة ربي يبارك و يقويك على أعمالك كلها كما أدعو الله العظيم رب العرش العظيم أن يشفيك شفاءا لا يغادر سقما ربي يجبلك الشفاء حبيبتي أنا ثاني مالفى تسرالي نوض صباح مع الفجر نقضي أشغالي ونصلي ... مبعد منفيكش مع روحي نرقد ساعات كي نكون نقرا نوض مخلوعة نخاف يطيحلي كتاب القرأن في الارض :d اقتباس:
اقتباس:
اقتباس:
اقتباس:
|
|||||||
|
|
|
2012-09-11, 09:06
|
رقم المشاركة : 4 | |||
|
صباح الخير
السلام عليكم ورحمة الله وبركاته صباح الجمال والحيوية والنشاط صباح الخير والنور والسرور صباح المحبة والعطاء والتسامح قيمة الحياة هي فيما نعمل وننجز ،،، وفي المشروع الذي نعيش من أجله ..! صباح التحدي والحياه .. حتى لو كانت نسبه النجاح 1 % |
|||
|
|
|
2012-09-11, 09:57
|
رقم المشاركة : 5 | |||
|
أسعد الله صباحكن واش راكم كااااااااااااااامل يا الفحلات ربي يبارك راكم طايحين في الكوزينة أنفض أنفض هههههههه
المهم أنا الكوزينة نفضتها يوم ثاني عيد و الثالث و الرابع كل يوم حاجة راهي تشعل الحمد لله أختي شهرزاد حسيت بيك على صلاة الفجر أنا تاني أمس كنت في غاية السعادة و كان يوم رااااااااااااااااااااااااااااااااااااااائع بمعنى الكلمة البنات واش رايكم كل أسبوع نحيو سنة من سنن الرسول عليه أفضل الصلاة و السلاة و هكذاك نمشيو عليها أسبوع كامل حتى نتعودوا و من بعد نبدو في سنة جديدة اللي موافقين يرفعوا أصابعهم كذلك نطوروا من أنفسنا مثلا نتعلموا لغات أو مهنة يدوية نشغلوا بيها فراغنا و طبعا لا ننسى حفظ القرآن و لو آية في انتضار ردودكن يا الغاليات مريومة ترجعيلنا بالسلامة زينب الهلالي ربي يطمنا عليك ليلو تعبيراتك رائعة و تفتح النفس يالله نتلاقاو من بعد |
|||
|
|
|
2012-09-11, 11:30
|
رقم المشاركة : 6 | ||||
|
أنا أنا استاذة   أفكارك هايلة يعطيك الصحة  اقتباس:
|
||||
|
|
|
2012-09-11, 11:37
|
رقم المشاركة : 7 | ||||
|
اقتباس:
هههههههه صحيتي باين فيك تلميذة شاطرة إيه يا ليلي وإنت وينو تقريرك باه تشجعينا 
|
||||
|
|
|
2012-09-11, 14:12
|
رقم المشاركة : 9 | |||
|
شكرا لك ياليلي بليز مالفة نمسح بيه الغبرة وياشهرزاد ربي يحفضك علي الايات تاع سورة البقرة وصلاة الفجر راكي غيرتيني نتمني نولي نحفظ القران امين يارب العالمين واما بالنسبة لليوم راني غسلت المطرح تاع الصوف بسيف ماخلصت وسيقت البيت من الكولوار والحمام فقط لانني غسلت في الدوش الضوف تاع المطرح والغداء شريتلهم الكاشير والفرماج وبالطبع الكوكا كولا والفونتا وفي المساء رايحة ندير للعشاء الكسكسي الزوج انتاعي سخف عليه والان استراخة علي خاطر غلبت بزاف غير لاكاشمة ضهر كاش جديد خاصة مع اولادي والقائمة تاعهم ماتخلصش |
|||
|
|
|
2012-09-12, 12:40
|
رقم المشاركة : 10 | ||||
|
اقتباس:
|
||||
|
|
|
2012-09-11, 11:05
|
رقم المشاركة : 11 | |||
|
ايه يا lili rose ما قريتيش تطبيقلتي قاع ما قيمتينيش واش شاطرة ولا خايبة ههههههههههههههههههههههههههههههههه |
|||
|
|
|
2012-09-11, 11:22
|
رقم المشاركة : 12 | ||||
|
اقتباس:
|
||||
|
|
|
2012-09-11, 12:16
|
رقم المشاركة : 13 | |||
|
بالنسبة لتطبيقي ليوم أمس نضت بكري صليت و فتحت النافدة تع البيت تاعي نموت على الهواء البارد تع صباح وتوجهت للكوزينة غلقت الباب باه ميسمعوش الحس نظفت البلاكار لي فيه الكاسات ورجعت الأواني لي خليناهم يستقطرو بعد مغسلنهم في الليل و مسحت أرضية الكوزينة ومبعد درتلهم قاطوا ساهل ماهل ومايتبش ثم طيبت القهوة الحليب
مبعد ناض بابا وماما بعد ما صلاو دردشت معاهم شوية و رحت قلقت خويا الصغير حاتان ناض بسيف لينوض وفطرنا مبعد كنت ريحة نغسل الاواني قتلي ماما نغسلهم أنا مالا رحت رتبت غرفتي ودوشت و لبست لخويا بعد صراع كبير زعمة كبر مابقش يخليني نلبسلو هيه مبعد خرجت كانت عندي أشغال كملتهم وروحت لقيت دار تهبل ماما مخدمتش تهلات فيها هي ورا ما تغدينا غسلت الاواني نضفت الكوزينة ونضمتها مسحت الكلوار ونضمتو ثاني ومبعد رحت للبيت مع  عندي خدمة خدمتها وراء صلاة العصر خرجت رحت للخياطة جبت قندورة ماما وقضيت وروحت شربت معاهم الحليب وحكينا شوية مبعد غسلت الاواني تع لحليب ومسحت الفرن معمقاً وبديت نوجد فالعشاء درتلهم كانيلوني بعد العشاء غسلت الأواني ومسحت الكوزينة و رحت اهتميت بروحي شوية مبعد سهرت معاهم في نفس الوقت خيطت شوية كروشي  ليوم إن شاء الله نكملو المفرش صغير ومربع |
|||
|
|
|
2012-09-11, 13:43
|
رقم المشاركة : 14 | ||||
|
اقتباس:
الله الله ليلي راكي شاطرة الله يبارك هيا سيدي علمينا كيفاه درتي القاطو ساهل و ما يطيبش و لا عندك قاطو سريع في حالة ما جا ضيف أعطيهولي |
||||
|
|
|
2012-09-11, 18:51
|
رقم المشاركة : 15 | |||||
|
السلام عليكم كيف الاحوال توحشتكم ياالغاليات اقتباس:
ربي يباركلك في نشاطاتك و يعينك على ادارة البيت و يحفظلك وليداتك راكي عاجبني يا وفاء سعاد نتمنى تواصلي على هاذ الطريق و فرحت اكثر لما شفت انو التقرير كتبتيه في هاذاك الوقت الباكرو زيد غسلتي الصوف و سيقتي و رايحة تعاوني الوليدات في تغليف الكتابات و الله ماخليتيني ما نقول خموس خموس خموس عليك عجبتني المعلومة الي مديتيهالنا لاول مرة نسمع بيها و هاذي نوصي بيها ماما زيادة على التمارين الي مدتهملنا الاخت ميمي ههه تحياتي الحاااارة ليك و لكل ناس قسنطينة العالية شهرزاد ما شاء الله عليك راكي كتبتيلنا كاما التقريرات نتاوعك و الله شوقتيني باش نشوف الكوزينة كيفاش ولات ان شاء الله ربي يعينك على حفظ سورة البقرة و انا كذلك تحفزت لهاذ الامر و باذن الله رايحة نبدا معاك ابتداء من يوم الخميس و نديرو منافسة واش رايك بالنسبة لحلقك نقولك لاباس عليك حبيبتي و جربي العسل مع الليمون طعمها روووعة و تفيدك كثييير انا مداريا نديرها بوسيلي الكتكوتة دعاء و ربي يحفظلك وليداتك و زوجك ياااارب Lili rose اختي الغالية عجبتني الوقفة الي كتبتيها خاصة مين قلتي قيمة الحياة هي فيما نعمل وننجز ،،، حتى لو كانت نسبه النجاح 1 % هاذي هي الفكرة الي لازم نركزو عليها و هي انو مهما كانت نسبة النجاح و لو قليلة فهي التي تصنع الفرق مع مرور الزمن يعني حنا رانا نسعاو باش نغيرو من انفسنا و من حياتنا نحو الافضل بالتدريج فبارك الله فيك علابالي بلي كنتى مشاركة في دورة للكروشي و شفت بعض تطبيقات مااااشاء الله زيدي قولينا على هاذ القاطو باش نسييوه و ندعولك كاااامل بالخير المنظفات الي ذكرتيهم جاو في وقتهم كنت نحوس عليهم شكرا جزيلا ليك سلمي على الوالدة الكريمة و قوليلها بصحتها القندورة ميمي بنت الجزائر الغالية اقتباس:
بارك الله فيك حبيبتي الغالية يسقسي عليك الخير ان شاء الله كنت مشغولة اليوم بالتسجيلات الجامعية تعجبوني بزاااف كي تمدو افكار كيما هاذو و بما اننا نحكيو على صلاة الفجر فتحدي هاذ الاسبوع و الاسبوع الجاي هو صلاة الفجر و لازم كل وحدة كي تكتب تطبيقها تاكدلنا بالخط الاحمر انها قامت لصلاة الفجر -الا للعذر الشرعي طبعا- و بعدها نقترحو سنة اخرى و نداومو عليها طيلة الاسبوع (ارجو منكن مناقشة الفكرة) جزاك الله خيرا و جعل تحفيزك لنا في ميزان حسناتك |
|||||
|
|
|
| الكلمات الدلالية (Tags) |
| دورة مدبرة منزل |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض المتطور
