تفضلوا لمن اراد تعلم تزيين تورتة

[leprence30]

• فرشت ورق الزبدة فصينية وإلى الفرن مكتاخدش الوقت بزاف وعموما حسب كل فران
• 
• خرجتها حيدت ليها الورق وقسمتها على أربعة

[leprence30]

ضفت تقريبا نصف كمية كريمة الكراميل على نصف ليتر كريم فريش خلطتهم شوية عاد طربتهم



هاهي واجدة كتجي عاقدة مزياااان وشادة راسها



هذا جيب الحلواني لي زوقت بيه بزاف د الأخوات طلبو مني نوريه ليهم



كل طبقة سقيتها بالسيرو انتاع الخوخ المعلب وعملت فوقها طبقة كثيفة من كريم فريش العادية ماشي لي زدتها الكراميل وطريفات د الخوخ













غطيت الطارط كاملة بالكريمة




بديت كنزوقها بالكريمة لي بنكهة الكراميل



كيف كتشوفو قسمت الوجه على زوج النص عملت ليه لوز إفيلي محمر والثاني بكريمة الكراميل



وزوقت الجناب كيف كتشوفو

[leprence30]

بسم الله نبداو المقادير
نحتاجو ل 2 جنواز ، انا كل وحدة درت فيها 4 بيضات + 120g سنيدة + 120g فورص + نصف خمارة+ شوية الملح + ملعقة كبيرة كاكاو .... كنطربو السنيدة و الملح و البيض، نحبسو الباطور و نزيدو الفورص + نصف خمارة + الكاكاو شوية و شوية و نحركو غير بيدنا من الاسفل الي الاعلي

هاهية ملي طابت .


سقيتها مزيان بالسنيدة و الما ، من بعد درت البراليني praliné اللي عبارة عن 150g لوز محمر في الفران و 150g سكر كلاصي، يطحن الكل في المولينكس حتي يصبح هكذا ،


تناخذو هاد praliné تنزيدو عليه 150g انتاع الفيتين feuilletine الي ممكن تعوضوها بالكورن فلكس corn flakes مهرمش ، حتي هو تيجي مزيان ... + 150g شكلاط اسود ممتاز اللي فيه نسبة الكاكاو عالية . تنخلطو هاذ العناصر كلها حتي تنحصلو علي خليط متجانس ، من بعد كنسرحوه فوق لاجينواز الاولى اللي سقيناها من قبل



دابا نبداو بتحضير لاموس انتاع الشكلاط فيها 150g سنيدة + 4 معالق كبار انتاع الما ، تنديرو الكل فوق البوطة حتي يبدا يعقاد غير شوية و نطفيو عليه . تناخدو 5 اصفر البيض كنطربوهم مزيان بالباطور و في نفس الوقت تنزيدو عليهم السيرو اللي حضرنا بالما و السنيدة، باش نعقمو البيض.. نبقاو بالباطورحتي يرجع الخليط ابيض



هنا درت رابعة انتاع شكلاط اسود ممتاز (نسبة الكاكاو عالية)*دوبتو في bain marie و زدتو علي الخليط الاول ، و في الاخير ضفت 450g كريم فريش مطلعة بالباطور بلا سكر



من بعد درت هاد لاموس فوق الطبقة انتاع praliné و دخلتها المجمد وبعد 2 او ثلاث ساعات ، عاد حطيت عليها لاجينواز الثانية لي بقات ..طبعا سقيتها حتي هي و رجعتها للمجمد


دابا ندوزو للطبقة الثانية انتاع القهوة


"رابعة سنيدة + كاس العنبة فيه الما مع 2 معالق صغار نيسكافي + 3 بيضات مخلطين غير بالفورشيط + 350g كريم فريش مطلعة بالباطور بدون سكر + 4 اوراق الجيلاتين ."

اولا تنديرو السنيدة تحرق علي نار مهيلة بلا منحركوها بحتى شي حاجة ( الى حركتوها بالملعقة كتفسد.. مكتبقاش صالحة) نخليوها حتي تدوب تماما

[leprence30]

نحيدوها من فوق البوطة و نزيدو عليها مباشرة داك الكاس انتاع القهوة شوية بشوية مع التحراك السريع.( بعدو وجهكم من الكاسرونة ملي ديرو هاد العملية حيت تتكون واحد الكشكوشة سخونة )
من بعد نردوها تاني فوق البوطة واحد 10 دقايق مع التحراك.


هنا زولت الكاسرونةمن فوق البوطة و ضفت مباشرة البيض مع التحراك السريع، ثم رجعت الخليط مرة اخرى فوق نار مهيلة حتي بدا يعقاد



ملي عقاد طفيت البوطة ، و ضفت الجيلاتين اللي رطبت فالما و عصرتها، او حركت الكل حتي نساجم او صفيتو او خليتو يبرد شوية




هنا ضفت لاكريم فريش مطلعة بدون سكر و خلط مزيان. خرجت الكاطو من المجمد او غطيتو بهاد لاموس ، او رجعتها ثاني تجمد.



فهاد الوقت حضرت الكلاصاج
300g شكلاط اسود ممتاز (ضروري يكون غني بالكاكاو ، اكثر من %57 حيت كيعطي نكهة خاصة) + 200g شكلاط عادي اسود ،هنا ممكن ديرو انتاع 4 دريال، + 4 اوراق الجيلاتين + 2 كسان العنبة دالحليب جاري + 2 معالق كبار كليكوز.
تنديرو جميع العناصر فوق نار مهيلة حتى ينساجم ، تنطفيو عليه عاد نزيدو الجيلاتين تنخلطو او نصفيوه

[leprence30]

تنخرجو الكاطو نعدما جمد كنخويو فوقو هاد الكلاصاج او تنرجعوه مرة اخرى للمجمد.

اخر مرحلة هي التزيين اللي طبعا تيبقا ليكم الاختيار ، كل وحدة وذوقها.
انا ختاريت لبنتي هاد الصورة انتاع Dora ، اللي عبارة عن ورق كيتسمى بالباسطا خاص للحلويات و اللي تيستعملوه ف الباتيسريات. و راه مجود فالمحلات اللي خاصة بلوازم الحلوى.

[leprence30]

او هاد الباسطا ساهلة الاستعمال ،تبعو معايا
غنحتاجو غير للناباج فقط ، كندهنو الضهرديال الورق مزيان مزززيااان بالناباج او الوجه كذالك مزيااان ،و في الاخير تنوضعوها فوق الكاطو.

[leprence30]

تتمة التزيين نخليكم مع الصور

[leprence30]

صورة داخل المجمد


وهاهي واجدة

[leprence30]

[leprence30]

وهذه صورة طورطة ولدي تنتمنى تعجبكم

[leprence30]

الجينواز: 7 البيضات ـ 210 دقيق ـ 210 سكر ـ خمارة ـ 2 معالق كاكاو
الكريم باتسري:3 أصفر البيض ـ نصف لتر حليب ـ 2 معالق دقيق ـ 3 معالق سكر ـ 50 شكلاط
الكناش:قشدة طرية ـ شكلاط أسود ـ معلقة زبدة
لتزيين : قشدة طرية مضربة ـ فانيد بالالوان
نضرب البيض و السكر بالضراب حتى يطلع نضيف الدقيق و الكاكاو و الخميرة نخلط الكل و نفرغه في 2طاوات واحدة دائرية و الثانية مربعة وندخلهم الفرن حتى يطيب و نخليه يبرد
لتحضير كريم باتسري تنخلط أصفر البيض مع السكر ثم الدقيق نفرغ عليهم الحليب ساخن و تنوضعو فوق النار حتى يتماسك نطفي عليه ونضيف له الشكلاط قطع نحركو حتى يدوب



نأخذ الجينواز المربع نقطع منه 2 دوائر متساوية نقسمهم من الوسط على 3 طبقات نسقي بالسيرو ثم الكريم باتسري و نفس الطريقة للجينواز الدائري

[leprence30]

نوضع الدوائر الصغيرة فوق الكبيرة على شكل أذنين ثم نقطع 2 مثلثات من وسط الدائرة الكبيرة وندير بهم الدقن



نغطي أسفل الطورطة بالقشدة

[leprence30]

والأذنين و الرأس بالكناش



ثم فوق اللون الأبيض نوضع القشدة في جيب حلواني ونزين بها



نأخذ ورقة نرسم فيها العينين و الأنف و الفم نوضع عليها ورق الزبدة نأخذ قمع من الورق فيه الشكلاط دايب و نتبع على الرسم نوضع الفانيد على الفم قبل ما ينشف الشكلاط

[leprence30]

بعد ما ينشف الشكلاط نوضعوه فوق الطورطة ونزينها بالفانيد

[leprence30]

مشكورين على الردود