بخصوص التطوع،هل يدعونك تختار أم هم يوجهونك؟؟

عبدالرزاق بشير · 2015-09-17, 12:15

...السلام عليكم اخواني ...

السؤال كما هو مطروح في الموضوع ،في اللتطوع هل يدعونك تختار أم هم يوجهونك؟؟
لأني انا جاءني الاستدعاء في 20 من الشهر الجاري..بمركز التدريب للدرك الوطني بحمام دباغ بقالمة ...وحاب ندير تأجيل ..والدفعة الجاية ندير تطوع ونخير الصحة تع سيدي بلعباس...

ما رأيكم افيدونا

khald mDn · 2015-09-17, 12:21

روح دروك خير تربح 4 اشهر . التدريب الكل كيف كيف كي بالعباس كي قالمة . لي كاتبها ربي تلحق

عبدالرزاق بشير · 2015-09-17, 12:34

اقتباس:

المشاركة الأصلية كتبت بواسطة khald mdn

روح دروك خير تربح 4 اشهر . التدريب الكل كيف كيف كي بالعباس كي قالمة . لي كاتبها ربي تلحق

شكرا على النصيحة ...في االحقيقة متردد بعض الشيء ...استكمال دراستي او نفوتها ونتهنى ...

khald mDn · 2015-09-17, 12:41

يبارك فيك خونا لا راك تقرى اذفع سورسي .. و من الاحسن تركب في سبتمبر لا ما عندك والو ... ما تتقلق ما والو . انا عندي 3 ايام ملي كملت .العسكر راه للرجال و راك رايح تصيب رجال و تتعلم بزااااااف العفايس في العسكر و ما تغيبلكش في سيفيل و الاحسن ممكن تخرج ريفورم لا كتب ربي .. المهم دير عفسا ما تبقاش تقارع

محفوظ البسكري · 2015-09-17, 13:27

التطوع انت من تختار اي ثكنة ترغب فيها غير اللي ويلايتك

سجّل أنا جزائري · 2015-09-17, 15:18

انت تختار بصح ممكن ما يعطوكش اختيارك

ha.abdoudz · 2015-09-18, 14:04

للعلم فقط سيدي بلعباس ترسل المجندين إلى تمنراست فقط.

Signor Mido · 2015-09-18, 18:17

انا ايضا مقبل على دراسة الماستر هذه السنة لكن فضلت ان اذهب لاداء الخدمة الوطنية مع العلم انني متخرج منذ 2012 لذلك انصحك بأن لا تتردد واذهب واستغل الوقت فكلما ذهبت مبكرا رجعت مبكرا ان شاء الله،
أما بخصوص التطوع فأنت من تختار الناحية العسسكرية التي تتدرب في أحد ثكناتها لكن ما تبقى من الخذمة فتوقع أي منطقة

والله ولي التوفيق

عبدالرزاق بشير · 2015-09-18, 23:05

بارك الله فيكم اخواني ...

شكرا على النصائح القيمة بدون استثناء...

شكرا مرة اخرى