خطيبي شخص غامض

[sara.info]

أقولها لكي بكل صراحة أنا عن نفسي .........................انا هاذ الراجل ماعندي ماندير بيه ...............إيروح يتزج كاش بنك ..........


ou bien un autre chose.........................je m excuse
et je le dit directement
on ni pas d accore
bay

[sarl02]

رانا رجال وكامل مرينا بشدائد ..بصح عمرنا ما الحقنا لهذه الدرجة حتى مع اصحابنا واحبابنا فما بالك بزوجة؟...حبيت انقولك انو الي كريم كريم مالقري اكون في وقت عصيب والي بخيل بخيل حتى ولو عنده مال قارون ...انت زوجته وراه غالق عليك هكذا مالا هذا الانسان ما عندو صحابو ما اجمع في قهوة واخلص كيما الرجال ما يعرض صديقه لفطور منين هذاك ؟؟.وازيد يطمع فيك اونبلوس؟؟..صراحة قاع اشوي اشوي بصح الي ادير حساب حق الترونسبور والفطور والقهوة وازيد يبروفيتي صدقيني حنا الرجال وما نحملوهش ..وانزيد انقولك اني من بين الذين لاموك بشدة لطرحك الموضوع في قسم مشكلتي ..بصح ما عرفناش التفاصيل هذه ....واش انقولك يا اختي ربي افك اسرك راكي فالحصار.

[madoucha]

المشاركة الأصلية كتبت بواسطة sarl02

رانا رجال وكامل مرينا بشدائد ..بصح عمرنا ما الحقنا لهذه الدرجة حتى مع اصحابنا واحبابنا فما بالك بزوجة؟...حبيت انقولك انو الي كريم كريم مالقري اكون في وقت عصيب والي بخيل بخيل حتى ولو عنده مال قارون ...انت زوجته وراه غالق عليك هكذا مالا هذا الانسان ما عندو صحابو ما اجمع في قهوة واخلص كيما الرجال ما يعرض صديقه لفطور منين هذاك ؟؟.وازيد يطمع فيك اونبلوس؟؟..صراحة قاع اشوي اشوي بصح الي ادير حساب حق الترونسبور والفطور والقهوة وازيد يبروفيتي صدقيني حنا الرجال وما نحملوهش ..وانزيد انقولك اني من بين الذين لاموك بشدة لطرحك الموضوع في قسم مشكلتي ..بصح ما عرفناش التفاصيل هذه ....واش انقولك يا اختي ربي افك اسرك راكي فالحصار.

راهي عايلتهم قاع هكذاك ابا عن جد و ضرك انا كيفاش ندير نفسخ على جال هذا السبب و لا نتحمل و نسمكت ما عنديش جراة نقولو راك بخيل و مليت من بخلك

[رشــــ81ــــا]

أنا في رأيي جربييه قوليلو راني حابة نبطل الخدمة و نقعد في الدار و نتا لتصرف عليا راني كرهت الخدمة قوليلو راني حابة نبقى في الدار و شوفي ردة الفعل نتاعو

ومن ثم شوفي واش يخرج عليك

هو باين انسان مليح بصح هذي الصفة قاوية فيه زيدي جربيه و شوفي روحك اذا تقدري تحملي و لا لالا

[YARMORACEN]

أختي بيني بينك أخطيك منه و كل واحد يشد طريق
مكانش راجل يدموندي دراهم من عند مرأة ، تصوري حتى يماه و لا باباه باه يطلب منهم دورو يتعصر و يخطط لأيام و يتجاوز حاجز الحشمة و الكرامة ، فما بالك بمرأة هدا وين تعرف عليه
الدين ماشي دايما لزم يتبع العقلية ، و الإنسان لي يصلي و يصوم و يزكي و غيره ما يعنيش بلي معندهش عيوب
أنتي خايفة من ردة فعل يماك و باباك و عائلتك ، و الله نحير كي نسمع البراني أغلى من بنت العائلة و رأيه هو لي يفوت
خيره في غيره أختي و تتبهدلي من طرف عائلتك أحسن بكثير و كثير انك تتبهدلي معاه و وحدك

في الأخير ، أنا نصحتك على أساس ما قلتيهنا برك ، و عالم الغيب ربي

[oum imane]

salam oukhti istakhiri allah waistakhirih kam mara inchallah idalak lalkhair ama rayi had arajal machi bark rahou fi dhik,loukan kan ichah a3lik ok ma3lich rahou yabni mais hada rahou tama3 fik oubkoul wakaha 3awnini a3lach anti babah wala khouh t3awnih fi zwajou loukan kalak matachartouch bazaf rani nabnilak oun3alilak tani ma3lich mais transport anti tkhalsih hadi taiha 3la rajel isalafhoum oumatkhlsich a3lih itha dourk hak ba3d azwaj wajdi rouhak tasarfi 3lih walaftilou hanouna mais wach nanshak koulilou draham chrithoum dhab ounti 3lach tahkilou fi koulech outkoulilou wach 3andek wach ma3andekch

[madoucha]

المشاركة الأصلية كتبت بواسطة oum imane

salam oukhti istakhiri allah waistakhirih kam mara inchallah idalak lalkhair ama rayi had arajal machi bark rahou fi dhik,loukan kan ichah a3lik ok ma3lich rahou yabni mais hada rahou tama3 fik oubkoul wakaha 3awnini a3lach anti babah wala khouh t3awnih fi zwajou loukan kalak matachartouch bazaf rani nabnilak oun3alilak tani ma3lich mais transport anti tkhalsih hadi taiha 3la rajel isalafhoum oumatkhlsich a3lih itha dourk hak ba3d azwaj wajdi rouhak tasarfi 3lih walaftilou hanouna mais wach nanshak koulilou draham chrithoum dhab ounti 3lach tahkilou fi koulech outkoulilou wach 3andek wach ma3andekch

صح عندك الحق نورمالمون ما نهدرش على سواردي بصح راه يجيب الخبر و الله راني كارهة منو

[esmam]

السلام عليكم
اختي متسمعيش لي يقولك افسخي و طلقي لا لا غير ربي سبحانه يعلم ادا كان مليح و لا لا
انت صلي استخارة و شاوري ربي سبحانه و انا متاكدة راح تبانلك الطريق وحدها
وماراحش تندمي
و ربي يفرج عليك اختي

[soha1987]

ختي كاين رجال من هاد النوع طماعين بزاف و الحل لازم تعطيهالو فالوجه قوليهالو ديراكت كيفاه ماديرليش كادو كيفاه ماتفليكيليش وديري حرب وخرجي واش في قلبك هاد حقك لانو الرجال يحبو الطايرة لقبيحة لتوقفهوم عند حدهم وزيد لقاك حشامة باينةو الحشمة مليحة مي في حدود انتي ديري النية فلهبال وقوليلو كلش وشوفي لاماقيمكش يعني هادا ماش راجل والحل لثم بين يديك باسك نتي لي عارفاتو وربي يفتح عليك

[اسعى لرضى الله]

ختي كاين 2 حلول يا وجهيه واحكي معاه

ولا غير اخطايك كيعاد الراجل تاع صح صدقيني والله ميمد يدو لعند مرتو يدي دورو ياربي يكون يطلب كوني هانية

[الواثق]

الله المستعان ...............اللي غاضني الردود والكل يتكلم ولا احد اثار النقطة الهامة هنا

عندي سؤال هل خطيبك هو زوجك ؟؟؟ يعني هل انت عاقدة او خطبة فقط ؟؟؟

اذا كانت خطبة اختي لايجوز لكي الخلوة معه او التنقل معه ولايجوز لكي الكلام معه الا لضرورة واضحة وبوجود محرم فهو مازال اجنبي عليك ..........

اما طلبه للنفقة فالله المستعان .............فلانفقة عليكي عليه ..................

ونصيحة ان رضيت بخلقه ودينه فعجلي الزواج


فسبحان الله انت قلت انك تخافين من قول الناس ممن فسخت خطبتها فاقول لكي لماذا ..............لان الفتاة في فترة الخطبة تستبيح الخروج مع خاطبها والدردشة معه والخلوة وووو وعندما تفسخ الخطبة لامر ما لقدر الله تصبح وكانها علاقة عابرة مضت والكل يكثر فيها القيل والقال ...........................لو نلتزم بشرع الله فلو خطبكي 100 رجل وكلهم فسخو الخطبة لن تتحرك منزلتك ابدا وتبقين مصونة ...................

والله اعلم

يسر الله امركم

[madoucha]

المشاركة الأصلية كتبت بواسطة الواثق

الله المستعان ...............اللي غاضني الردود والكل يتكلم ولا احد اثار النقطة الهامة هنا

عندي سؤال هل خطيبك هو زوجك ؟؟؟ يعني هل انت عاقدة او خطبة فقط ؟؟؟

اذا كانت خطبة اختي لايجوز لكي الخلوة معه او التنقل معه ولايجوز لكي الكلام معه الا لضرورة واضحة وبوجود محرم فهو مازال اجنبي عليك ..........

اما طلبه للنفقة فالله المستعان .............فلانفقة عليكي عليه ..................

ونصيحة ان رضيت بخلقه ودينه فعجلي الزواج


فسبحان الله انت قلت انك تخافين من قول الناس ممن فسخت خطبتها فاقول لكي لماذا ..............لان الفتاة في فترة الخطبة تستبيح الخروج مع خاطبها والدردشة معه والخلوة وووو وعندما تفسخ الخطبة لامر ما لقدر الله تصبح وكانها علاقة عابرة مضت والكل يكثر فيها القيل والقال ...........................لو نلتزم بشرع الله فلو خطبكي 100 رجل وكلهم فسخو الخطبة لن تتحرك منزلتك ابدا وتبقين مصونة ...................

والله اعلم

يسر الله امركم

نعم يا اخي رانا عاقدين العقد الشرعي و خلاص يعني شرعا راه زوجي و لهذا هو يبروفيتي كي شغل عندو نورمال بما اني زوجته ومالي حلال عليه علما ان اهلي في امس الحاجة لي عليه
علابالكم لاه ما نيش حابة نفسخ لاني ارتبطت من قبل برجل قبله و فسخت خطبتي معه يعني تبهدية نزيد نفسخ للمرة الثانية واش يقول العيب فيا انا

[aminahassiba]

انا خطيبي كثر من لي عندك وسعي خاطرك

[مريم الصابرة]

السلام عليكم اختي فالحقيقة والله تصدمت كاين رجال هكذا شوفي نقولك راي لو انا بكل صراحة نخليه ها طماع وإسمحيلي من المفروض رجولتو ما تسمحلوش يخلي خطيبتو تخلص عليه الطرونسبور أصلا نظن خطبك على جال تخدمي انا خطبت منذ فترة قصيرة لكن الحمد لله انا ما نقولو اعطيني وهو ما يقصرش فالحقيقة على الاقل يشريلي هدايا ويبعثهملي للدار وفالعيد جابلي هدية وغالية بزاف وانا ما حبيتش لمتو عليها وانا محال نقولو ومرضت امي وطلبت المساعدة من شخصآخر وما قتلوش ليه لانو عيب انا مجرد خطيبتو ما رانيش زوجتو المهم اختي فالحقيقة لو انا نخليه نورمال بكل صراحة وما تهميدش حياتك على جال كلام الناس واش راحين يقولو الله يسهل

[madoucha]

المشاركة الأصلية كتبت بواسطة aminahassiba

انا خطيبي كثر من لي عندك وسعي خاطرك

كيفاش راكي دايرة معاه انا راني غير نيفيتي فيه يعني نتجنبو و ماعلاباليش كيفاش رايحة تخلاص خلي نوسع بالي وخلاص