خطيبي شخص غامض

[رؤيا الظلام 48]

راها واضحة هذا راه طامع في درااااااااااااااااااهمك ...............استخيري

[نوارة الخير]

يا أختي ربي يكون في عونك لو منك ما عندي ما ندير براجل طماع و بخيل و يموت على الدراهم كيما هكا و راجل كيما هذا ممكن بعد الزواج و بعد ما يوقع الفاس في الراس يضغط عليك أكثر و يتحكم هو في شهريتك و أنت ما عليك غير تخدمي و تلهثي و الله أمر الزواج صعب و لازم أختي تتخذي قرار من ضرك إذا انت خايفة من فسخ الخطوبة فقط لإعتبار كلام الناس ما بالك إذا تأزم وضعك معاه بعد الزواج و صار يسيطر عنك أكيد تقبلي بعدها الذل و الهوان فقط لكي لا يقال عنك مطلقة و انا نظن كلمة فسخة الخطوبة أرحم من كلمة مطلقة لا قدر الله و انا نعرف شحال من مراة طلقة على هذا السبب و هو عدم التفاهم في مسألة الدراهم
الراجل لفحل فحل مهما كانت الشدائد و الأزمات عليه و أكثر حاجة تعيب الراجل هي البخل
يا أختي مزال رجال في بلادنا يحموا المراة و يقدوار تعبها و شقاها
و انا نقلك استخيري الله و ربي يوفق لما فيه خير أختي

[~بُوبَكر~_~الجَزائرِي~]

لا حول ولا قوة الا بالله ..والله كم اشمئز من هذه التصرفات ان اطلب من غيري ان يعطيني ..مرات ابي اخجل منه ان اقول له اعطني اشتري مااحتاج رغم انى لا زلت تحت وصايته ....فمابالك ان اطلب بمن سوف ستكون نفقتها واجبة علي اراه امر غريب جدااا ولا استطيع حتى التفكير فيه
ومن الضروري عليه هذا الخطيب ان يراعي مشاعرك وان يكون من الان الرجل الذي سيصبح صاحب مسؤلية وقرار ليس ان يطلب من خطيبته ان تعينه ...امر مقرف حقاا
نسال الله ان يسدد الحال وان يتمم المحال وان ييسر على كل معسر

[Golden Princess]

اختي هذا راه مبين روحو قبل الزواج

راه طامع في دراهمك

[amira chaba]

لنقولك عليه اختي
انه راجل الله يبارك كيم نقولي يغير عليك و يحب يكلمك و ماش نتاع بنات
يعني من هذه النواحي رايحه تعيشي سعيده معاه
تانيا
الظروف راه يبني و عارفه 3 ملاين محال تكفيه يبني و يجهز نفسوا و يدير عرس و يجيبلك الشرط يعني هو مش باخلك لكن الظروف
انا من رأي تكملي معاه لكن ما تصرفي عليه
كل مره ديري حجه انك شريتي ذهب ، لبسه .... الخ و عوديه يجيبلك ورد
اطلبس منه حاجات مش غاليه
عصير ماكله و خليه يجيبهم ما يهمك
المهم ما تولفيه انك انت لتصرفي
ربي يوفقك و يسعدك معاه

[لؤلؤة الرحمان]

اختي استخيري واستخيري

وربي يجيب الخير

وننصحك بالاستخارة راح توريلك طريقك الصح

وربي ييسرلك ويهنيك

[kakinova]

يا اختي الرجل لي معندوش النيف ماشي راجل

الرجل لي ما عندوش كرامة لا يستحق ان يسمى رجل

قوليلو انا بعد الزواج شهريتي كامل راح تروح لوالديا و نعيشوا غير بشهريتك برك و شوفي ردة فعلوا لا مديك على طمع و لا عامل في بالو حسابات

ربي يجيب الخير

حنونة انا من عندي غير مكان لاه تكملي معاه و ما يهمكش هدرة الناس

المرأة تتزوج باه يكون الرجل ليها الحامي و السند ما شي باه تكون هي لي الحامي و السند و زيد تصرف عليه و تسلك عليه حتى حق الحافلة و هو واقف قدامها فرحان بروحو و هي تجبد و تسلك

شكون الراجل هنا ؟؟؟؟؟؟؟؟؟؟؟؟؟؟؟

[z.abdo]

المشاركة الأصلية كتبت بواسطة madoucha

سبق ان طرحت مشكلا في قسم مشكلتي تحت عنوان انا لا احب خطيبي و هناك من لامني وقالولو لقيتي راجل و تتمسخري بيه المهم هنا اريد ان اشرح اشياء كثيرة و ارجو ان تتفاعلو معي
منذ خطبتنا في ماي الى الان جامي دارلي جاست مليح مثلا يعرضني على غدا او يشريلي هدية راه مشحاح بزاف لدرجة انو كي يروح معي للخدمة انا نسلك عليه الطرونسبور و هو كل مرة يقول انه راه يبني و عليه الدين و انا تفهمته بصح الهذه الدرجة اصبح الرجل يطمع في مال زوجته لا تصدرو حكما علي الان ضرك نزيد نفهمكم
وحد المرة قال لي افليكسيلي باش يدير العفسة تاع جيزي و نهدرو ساعتين انا صدمت كيفاش يقول افليكسيلي بصح احسنت لظن وقتها و فليكسيتلو تصورو والف وولا كل مرة يقولها حتى كسرت الشريحة و درنا موبليس
شحال من مرة ينتظرني كي نروح من الخدمة زعما باش يوصلني للبيت تصورو اكثر من 15 مرة ينتظرني ولا مرة شرالي حاجة لاشتة باطة فلوريدا
وحد الخطرة خرجنا رحنا نحوسو و لحق علينا الغداء وانا حشمت نقولو راني جعت ماخلاني نروح لدارنا ما سلكلي غدا بالعكس قال لي بكل وقاحة كاش ما عندك دراهم نتغداو بيهم
زيدو اسمعو هذي الضربة انا استاذة و كي سلكت الدراهم تاع المخلفات حوالي 10 ملاين قالي اعطيلي 7 ملاين نشري بيهم الشمبرة كوشي رفضت و اشتريت بيهم ذهب
وهذي المرة راني نستنا في الشطر الثاني تاع المخلفات راه مازال مصر نمدلو شوية منهم بحجة انه ماكفاشو روحو
يا ناس راني خايفة ما يمدليش الصداق تاعي على حساب الشوفة و لعلمكم راه خدام و يسلك كيما انا 3ملاين
ورغم هذا مانيش حابة نفسخ الخطبة خايفة من هدرت الناس و في نفس الوقت خفت منو بعد الزواج واش ندير براجل ما يهونش فيا لاشتة 10دج
و انتم خاصة البنات واش رايكم فيا نكمل معاه و لا نخبر بابا و لا كيفاش ندير

نصيحة من اخ لأخته دعك من هذا الرجل طامع في مالك فقط وانا حكمت عليه بناءا على أقوالك

[nouv-mariée]

خطيبي السابق كان بخيل جدا جدا جدا ، ومايعتنيش بمظهره يعني يجي يقابلني بمظهر بشع جدا و عمره ماجابلي حاجة مهما رخص الثمن المهم تفرحني والله حتى حبة ماكسي تاع الف تفرح

بصح تركته ماقدرتش نواصل معاه


والحمد لله ماشاء الله ولله الحمد الان راني مخطوبة لانسان سخي جدا ماشاء الله

[بلسم غرام2018]

َ[،إafsky wlkarar yarja3lak

[staifia]

المشاركة الأصلية كتبت بواسطة madoucha

سبق ان طرحت مشكلا في قسم مشكلتي تحت عنوان انا لا احب خطيبي و هناك من لامني وقالولو لقيتي راجل و تتمسخري بيه المهم هنا اريد ان اشرح اشياء كثيرة و ارجو ان تتفاعلو معي
منذ خطبتنا في ماي الى الان جامي دارلي جاست مليح مثلا يعرضني على غدا او يشريلي هدية راه مشحاح بزاف لدرجة انو كي يروح معي للخدمة انا نسلك عليه الطرونسبور و هو كل مرة يقول انه راه يبني و عليه الدين و انا تفهمته بصح الهذه الدرجة اصبح الرجل يطمع في مال زوجته لا تصدرو حكما علي الان ضرك نزيد نفهمكم
وحد المرة قال لي افليكسيلي باش يدير العفسة تاع جيزي و نهدرو ساعتين انا صدمت كيفاش يقول افليكسيلي بصح احسنت لظن وقتها و فليكسيتلو تصورو والف وولا كل مرة يقولها حتى كسرت الشريحة و درنا موبليس
شحال من مرة ينتظرني كي نروح من الخدمة زعما باش يوصلني للبيت تصورو اكثر من 15 مرة ينتظرني ولا مرة شرالي حاجة لاشتة باطة فلوريدا
وحد الخطرة خرجنا رحنا نحوسو و لحق علينا الغداء وانا حشمت نقولو راني جعت ماخلاني نروح لدارنا ما سلكلي غدا بالعكس قال لي بكل وقاحة كاش ما عندك دراهم نتغداو بيهم
زيدو اسمعو هذي الضربة انا استاذة و كي سلكت الدراهم تاع المخلفات حوالي 10 ملاين قالي اعطيلي 7 ملاين نشري بيهم الشمبرة كوشي رفضت و اشتريت بيهم ذهب
وهذي المرة راني نستنا في الشطر الثاني تاع المخلفات راه مازال مصر نمدلو شوية منهم بحجة انه ماكفاشو روحو
يا ناس راني خايفة ما يمدليش الصداق تاعي على حساب الشوفة و لعلمكم راه خدام و يسلك كيما انا 3ملاين
ورغم هذا مانيش حابة نفسخ الخطبة خايفة من هدرت الناس و في نفس الوقت خفت منو بعد الزواج واش ندير براجل ما يهونش فيا لاشتة 10دج
و انتم خاصة البنات واش رايكم فيا نكمل معاه و لا نخبر بابا و لا كيفاش ندير

يا ختي راجل كيما هدا ما عندك ما ديري بيّــه طماع بزاف و نورمالمو هادو ليجاست ميديرهمش طــول
خطرة ولا زوج معليش مي ما شي كل خطرة هكدا ...
زيدي خمي مع روحك وانتي اكتر وحدة تعرفيـــه ... وشوفي وش يخرج عـليــكـ
تدي الراجل لي يصرف علــيكـ ماشي لي تصرفي علـــيه .... حنا لبنات يخي جاست صغيرة من الراجل تنشعنا سيرتو في مسألة الدراهم ,,,,
ربي يجيبلك لي فيه الخيــٍر ختي
سلاااااااااااااااااااااااااااااااااااااااااام يا بنت بلادي

[hannine_80]

الصراحة هذا مبينها ليك بلي طماع و صدقيني راهو شايفك دراهم علاش من وقتاش كانت النساء لي تشري لاشومبر للرجال يخي زمان وصلنا ليه يخي
المفروض يحاول يثبتلك انو تقدري تعتمدي عليه و على حساب الشوفة نهار لي تكوني في عطلة الامومة و لا مدايرة عطلة و ما تخلصيش وقتها ما تكونيش عبد في نظرو (اسمحيلي على الكلمة) نصيحة من عندي جربي مرة قوليلو ما نمدش الدراهم و تشوفي واش يكون ردو و تصرفو معاك
اكيد راح يبينلك انو يغير عليك و يحبك لكن الصراحة المرأة تحب الرجل لي يخليها تحس بالاستقرار و راحة البال ماشي العكس و لي راني شايفاتو ما راكيش حاسة بالاستقرار معاه لانو كاينة فكرة الانانية من ناحيتو

[هبة الكوثر]

هو الزوج وتجيه حاجة كبيرة يطلب من لمرا الدراهم ...هدا خاطبك وبكل وقاحة يطلب منك دراهم والله امرو عجيب وزيد نورمالموا الراجل هو لي واجب عليه يوفر هاد الشيء كل قوليلوا والا كنت مانخدمش واش رايح تدير ؟؟؟ راجعي نفسك وزيدي سقسي يماك خير خاطرش لي طلب منك درك دراهم مرة اخرى ينحيلك كل دراهمك راهو يشوف في روحو بلي من حقوا