مساعدة... وأجركم عند الله

[مشكلتي]

السلام عليكم...
مشكلتي أستطيع وصفها بالعويصة و المعقدة و اليكم حكايتي
أمي نعم أمي هي مشكلتي. والله كرهتلي حياتي بعصبيتها المقلقة تظل تعس فيا وانا بنت 27 سنة تظل تعاير فيا والله الشوفة ماتشوفهاش فيا تكرهني نعم تكرهني .لوكان تصيب كون مانيش ف الدار معاها . الحمد لله انا قايمة بالدار ونطيب وندير كلش مانخليها دير حتى حاجة مع هذا مايعجبهاش الامر تقولي راكي غي مريحة
والله كلمة تاع حنانة متسمعهاش من عندها غير النكد و الزعاف نهار كامل .كرهتلي حياتي نظل نبكي و غايضني الحال .والله بالاك هاي ربع المشكلة لي راني نحكي فيها متتصوروش الامر راهوكبير بزاف حتى أني أحيانا نحس كاين سحر في الدار لانها تظل تزعف و تزقي علينا . الحالة غير عادية صدقوني مليــــــــــــــــــــــــــــــــــــــــــــت

راني نظل ندعي و نصلي و نسمع القران و نستغفر بزاف لكن الامر طول راهي في سنوات. والله حياتي أصبحت جحيما

رايو عليا تعيشو واش ندير ؟؟؟؟؟
يا رب فرجها علــــــــــــــــــــــــيا

[oum souhaib]

بالك اختى راهى مقلقة من كاش مشاكل فالدار بالك عندها ضغط .ساعفيها وجيها بالحنانة راهى امك ومشي راح تلقاى قلب حنين كيما نتاع يماك ساعفيها تربحى اجر.وربي يرزقك بزوج الصالح

[وجدان تقوى الله]

امك امك ولو وحش تبقى امك ولازم عليك طيعيها ولا يغرك احد الجنة تحت اقدامها

[مُحمد رازي]

السلام عليكم
بما أني لا أعرف الظروف الفعلية لحالتك إلا أني أوصيك بوالدتك و أن تلتمسي لها الأعذار
ولهذا عليك أن تخفّفي بداية من حساسيتك اتحاه والدتك
فلن تحصدي من حساسيتك المفرطة سوى التعب النفسي والجسدي
وانظري للأمور ببساطة
وأَقنِعي نفسك أن من حق أمك أن تلومك وتوجهك ومن واجبك طاعتها
وعدم مقابلة أوامرها أو غضبها بعناد وغضب أو أي تصرف حتى لو كان كلمة أف
فكل كلمات الدنيا لا تستطيع التعبير عن حبها لك وتعبها لأجلك منذ كنتِ في بطنها وحتى هذه اللحظة
لعلّ أمك لا تعلم بما تشعرين به فتحيّني لحظة هدوئها
وعبّري لها عن مشاعرك وحبك لها وعمّا يضايقك من تصرفاتها
و ربما كانت أمك فعلًا تغضب ويصدر منها بعض الكلمات والدعوات التي تضايقك
وهي لا شك لا تقصدها فهنا الاختبار لك أقوى فهل تستطيعين تحمّلها والصبر
فهذا ابراهيم -عليه السلام- يعامل والده بالحسنى وكان أبوه كافرًا
فكيف بأمّك المسلمة! فإن كنت فعلًا راغبة بالجنة والتوفيق في كل حياتك بحق
فتحمّلي ما يصدر عنها واصبري وقابلي ذلك بالبر
وحذارِ من العقوق فمهما كانت تصرفاتها معك فلا يبرّر لك سوء التعامل معها
و تضرّعي إلى الله وتقرّبي منه وحافظي على الصلوات وأكثري من الدعاء أن يصلح الله ذات بينكما
وأن يجعلك قرة عين لأمك وأن يُسعِد قلبك بما تحبين منها

أما بالنسبة لقضية أنك تشكّين أنه سحر فلا أدري
و لكن يمكنكم رقية البيت و قراءة سورة البقرة يوميا

[عبد الله 22]

السلام عليكم ربما أنت متنفس امك ربما هي تعني أكثر منك لكن لا تجد غيرك لتفرغ ، لكن تأكدي أنها تتألم لما تفعل ولن تتمنى لك لإ ما يسعدك ، من جهة أخرى أنظري لمن فرقتهم أمهتهم ستعلمي عندها الفارق والله غالي نفسها ، غالي غضبها نرفزتها و إن شاء الله يرزق بالزوج الصالح المهم صبرا جميل والله المستعان

[الفراشة الرومانسية]

فرج الله همك ان شالله

[seridz]

الحل الوحيد هو ان تمتصي غضبها كيف ذلك بالكلام لحلو مثلا الا زقات عليك و قاتلك نوضي تخملي انتي ردي عليها و قوليلها نخمل على جال يما لعزيز المهم ترضاي عليا و كل شي نقدرلو غير زعاف يما اللي منقدرلوش و استعملي كلمة نحبك و سلمي عليها كي تنوضي الصباح و ما شابه ما لزمش تتعاندي معاها و خاصة مترديش الهدرة حاولي تساعفيها

[حفيدة خديجة]

يا أختي وكان غير يما على قيد الحياة تجرني من شعري وما يهمنيش والله راك في نعمة يارب ارحم أمي يارب

[*عاشق الحياة*]

السلام عليكم ورحمة الله وبركته

يأختي الغالية بالطبع اذا أمكي كبيرة بالسن هذا شىء طبيعي مع السن أمك تتغير أعمالها

وترجع تشوفكي سلبيا مع أنو كل شىء الي تديره

لهذا ماعليكي الا الصبر ومهما يصير ولا تدرلكي هذي امكي

وعليكي الصبر وبالوالدين احسانا

اتمنى لكي التوفيق والصبر ودمت بخير

[غير هام]

السلام عليكم

ربي يفرجهااااااااا عليك

[الحزين المبتسم]

السلام عليكم

أحسنت أختي بالمثابرة على الدعاء والاستغفار وتأكدي أن الفرج قريب ..

توددي إلى أمك بما استطعت ولا تنظري ردة فعلها فانت ملزمة بالاحسان اليها فمرة هدية ولو بسيطة ومرة كلمة طيبة وهكذا ..

ثم نصيحة أخرى أختي اذا استطعت تشغيل سورة البقرة في أرجاء البيت ..

نسأل الله ان يوفق بينكم ويصلح أحوالكم

[naamane3]

هذه عادة والفتها وهي تشوف في روحها عادية
وجهيها بطريقة غير مباشرة
ومع القليل من الصبر راح تتغير
اعلم انك مللت من هاذ الوضع
لكن اعزمي على التغيير وستتغير
واعملي بقوله تعالى
(إن الله لا يغير ما بقوم حتى يغيروا ما بأنفسهم)
والله المستعان

[الفراشة الرومانسية]

الجنة تحت أقدام الامهات

[bonbon]

سلام اختي

والله ما تلقاي مثل امك و هادي واحد ما يغلطك فيها

انا امي عصبية و كانت نهار كامل و هي تعيط و تدعي و كنت نقول كيما نتي

نهار تزوجت و شفت حماتي صح ما تعيط ما تدعي لكن والله ما حسيت بذرة حنانة من للي كنت نحسها عند امي

درك تقولي هكا لكن نهار تتزوجي والله تفهمي مليح كلامي حتى في اتفه الاشياء تلقاي فرق شاسع و تحسي بعظمة امك تع الصح

ما تقوليش تكرهني حاولي تغيري نظرتك ليها و الله كلشي يتبدل معاك

و نصيحة ما تضيعيش الاوقات للي راكي تعيشي فيهم مع امك لانك والله تندمي عليهم و تتمناي يرجعوا

مهما تدير تبقى امك علاه كون جا راجلك تقولي نصبر على جال ولادي و في امك للي تعبت عليك ما تصبريش

انا ما نكذبش عليك كون تحطلي الموس في رقبتي نسلملها على رجليها لاني الان حامل و هذا وين عرفت صح واش ضحات على جالي

استغفري ربي ختي و دير للي عليك تبقى امك امك امك

ربي يهدي سرك

[عائشة07]

اختي اصبري على امك راهي كبيرة يمكن تمر بضروف يمكن اعراض لا مينوبوز راهي تدير العصبية او مشاكل اخرى ماثرة عليها وعلى اعصابها
التمسي لها العذر واصبري عليها مثل ماصبر عليك غختي الام عزيزة ادعيلها وشوفي واش يزعفها منك وتفاديه حاولي تصاحبيها اتقربي منها اشري لها هدية مرة على مرة. احكيلها انشغالاتك افتحي لها قلبك وخليها تفتحلك قلبها
كاين بنات الله يهديهم لما يكبرو شوية يولو صحاباتهم اقرب ليهم من امهاتهم ويعاملو هم بجفاء يعني قدقد جواب على حسب السؤال
وهذا يعصب الامهات وتحس بالغربة على اولادها بعد ما افنت عمرها في تربيتهم وراحتهم ولاو يتكبرو عليها ومجالستها لاتستهويهم ويفظلو النت والاصدقاء عليها وخصوصا البنات الام تحب تعرف كل شيء على بناتها وتبغي تصاحبهم
شوفي اختي فاش راكي مقصرة معاها وتاكدي ماكانش الي يحبك مثل امك
وواش جا في القرآن والاحاديث في حق الام يكفيك