دورة في التطريز بشرائط الساتان - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الأشغال اليدوية > قسم الاعمال الفنية

قسم الاعمال الفنية الرسم - السراميك - اشغال الابرة ابداعات و اعمال فنية مختلفة

في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

دورة في التطريز بشرائط الساتان

إضافة رد
 
أدوات الموضوع انواع عرض الموضوع
قديم 2012-03-11, 15:42   رقم المشاركة : 1
معلومات العضو
fifiarch
مشرف سابق
 
الأوسمة
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو










Icon24 الدرس النظري والتطبيقي الاول في دورة التطريزبشرائط الساتان



السلام عليكم ورحمة الله تعالى وبركاته
ارحب بكل الاخوات معنا في هذه الفسحة الجديدة والتي كما تعودنا نخصصها للتعلم وتبادل الافكار
مع عدم اغفال التعاون بين الاخوات

هنا نفتتح منبرا جديدا من منابر الاعمال الفنية
هو عمل تعشقه الكثيرات وتتقنه القليلات
اردنا بافتتاحنا لهذه الدورة ان ننقل تلك المعلومات من الاخوات اللاتي لهن خبرة في الميدان الى اخريات يتمنين ولو يعرفن احدى الغرز وطريقة عملها

هذا الموضوع باذن الله سيكون مجهود تعاون بين كل الاخوات
اعلم ان الكل يتساءلن
اليوم اعلن رسميا افتتاح دورة في

فن التطريز بشرائط الساتان

ابدا دورتنا بالقوانين العامة
هذه الدورة عبارة عن مجموعة دروس يجب التطبيق اسبوعيا عن كل درس
الدروس تتم بمجهود جماعي بين الاخوات اللاتي يجدن هاذ الفن
معنى هاذا ان اي اخت تعرف ولو عمل ورقة بسيطة ستساعدننا ان شاء الله باقتراحها لاحد الدروس وبهاذا تكون مشرفة لاسبوع معين
تتلقى اسئلة الاخوات ويقع على عاتقها اجابتهن على استفساراتهن وتقييم اعمالهن نهاية الاسبوع
يمكن لاي اخت عندها خبرة واسعة ان تعطي اكثر من درس
لكن دروسها تكون متباعدة عن بعضها وذلك ضمانا للتداول بين الاخوات وحرصا على المصلحة الشخصية للاخت حتى لا نتعبها كثيرا
كالعادة الاخوات المشتركات لابد عليهن انجاز الدرس ووضع تطبيقاتهن للتقيم من طرف المشرفات على الدورة
الدروس كلها توضع في الصفحة الاولى و النقاشات والاستفسارات تكون في الصفحات الاخرى

الاشراف على الدورة

سوف يتابع الموضوع من طرف الاختين
fifiarch
sondes1

وكل اسبوع ستضاف لهما اخت من الاخوات والتي تتكفل بوضع الدرس الاسبوعي

اتمنى لكل الاخوات متابعة طيبة معنا وانهن يخرجن مستفيدات و استاذات في الفن

اما عن الاخوات اللاتي سيقدمن معنا الدروس لا بد اي اخت ترغب في افادة اخواتها انها تتصل بي او بالاخت سندس
وهذا حتى ننسق جدول العمل

والان اعلن عن الانطلاقة الرسمية للدورة والتي ستكون مع الدرس الافتتاحي
فلنبدا على بركة الله

الدرس الاول

التعريف بالفن والادوات اللازمة للعمل
من تقديم الاخت
fifiarch


مساء الخير اخواتي
ارتايت ان يكون الدرس نبذة عن العمل الفني هكذا نتعرفو عليه اكثر
وكذلك تعداد للادوات اللازمة للعمل هكا باه نحضروها ونهار تبدا الدروس التطبيقية نلقاو رواحنا واجدين
بسم الله و على بركة الله نبدا

فن التطريز بشرائط الساتان
هو احد انواع التطريز ما يعرف باشغال الابرة تستعمل فيه شرائط الساتان او ما يعرف عندنا بالدبلة او الحاشية يدخل في عدة اعمال فنية كالكوفروليات والمخاد وهو مستعمل بكثرة في التزيين لانو يضفي جمال على قطع القماش سواء كنت موجهة للبس او التفريش و غيرها

و كامثلة على هاذ الفن اترككن مع بعض المختارات









اكيد هذه بعض الامثلة والفن له عدة استعمالات و كل اخت تقدر تبدع فيه بطريقتها الخاصة
اكيد زدتو حبيتوه اكثر بعد الاعمال لي شفتوها سواء على الانترنت او في حياتكم اليومية في المحلات او عند الخياطات
انا عن نفسي طار عقلي بيه
لا علينا
اكيد الان كل اخت تتساءل عن الادوات لي لازمينها باه تقدر تتحفنا بمثل هذه الاعمال
راح نبدا في تعداد الادوات الاكثر اهمية واذا نسيت او سهيت الاخوات المحترفات يذكروني

هذه الادوات نتاعي ومازال باه نكملهم




اولا القماش والمقص
عادة ما نستعمل القماش الذي تكون خيوطه متاباعدة او سهلة التباعد هكا باه نقدرو ندخلو الابرة
انا عن نفسي نستعمل البوبلين
رخيص و سهل العمل عليه
ماتنساوش المقص باه نقصو بيه القطعة لي نحبو نخدمو فوقها



ثانيا شرائط الساتان او ما يعرف بالدبلة او الحاشية
عندها الوان عديدة اختاري منها ما يناسب ذوقك سمعت مرة معلومة تقول بللي الدبلة الملفوفة على البلاستيك تكون بلاستيكية وماهيش مليحة للعمل حاولي تختاري افضل نوع
الشرائط ايضا تختلف مقاساتها وتتغير من 0.6 سم الى حتى 5 سم و نحن نستعمل الشرائط التي تناسب نوع العمل الذي نقوم به
انا هنا مازالو عندي غير نتاع 0.6 سم بديت التعلم بيهم في اسهل الورود



ثالثا الابرة
نحتاج الى ابرة تكون فتحتها واسعة باه نقدرو نفوتو منها الشرائط
وقولي للبائع الابرة لي يطرزو بيها لدبلة ضك يوريهملك
انا عندي زوج انواع نستعملهم
هاذو وشوفو كيفاش الدبلة تدخل فيهم



وهنا عن قرب



رابعا القرقاف
باه نحزقو بيه القماش وفيه عدة احجام
صغير متوسط وكبير
انا اخترت المتوسط لانو مازالني نخدم في اعمال صغيرة


هذه كانت اهم الادوات
لكن كاين حاجات اخرين لازم يكونو عندنا
مثل ولاعة نحتاجوها في حرق حواف الدبلة باه ماتتسنسرش

ابرة وخيط اوقات نحتاجو نخيطو بيها بعض الازهار ويكون من نفس لون الدبلة المستعملة
خيط خشين تانا نحتاجوه



القليل من العقاش والسمسم
نزينو بيه بعض الورود



واكيد ماننساوش علبة نجمعو فيها ادواتنا باه ماتروحلناش



هذه اهم الادوات

نتمنى انكم استفدتم معي و عرفتو اغلب الادوات
حاولو تامنوها في اقرب وقت باه نبداو الدروس التطبيقية

ساترك لكن المجال مدة اسبوع لتامين الادوات وان شاء الله الاسبوع المقبل يوضع اول درس تطبيقي

اتركن في امان الله واي استفسار راني موجودة هنا




الاخوات المشاركات معنا

ام جيهان حورية

اشراقة الامل

sohila2012

bachira2

halouma h

لألئ

ام حسام علي

نور الصفاء

windows0306

بيان 5

fifi 108

على الاسلام غيورة

ayoubw

bladi dz

جيهان 13091991

جزائرية 197

dirin

فتاة مسلمة

iness jojo

زهرة الهضاب 19

هدايات 26

حلم جميل

amouna _ nas

darlla

محبة النقاب

kaother


نصيرة امي الحبيبة

amal 2000

afakmax

kokotg

petra imad

اسيل 1990

__ amina

nouna-12

هاجر المسلمة

ام تنهنان

chiraz 16

ام مرية

faizarbh

نبوغ








 


رد مع اقتباس
قديم 2012-03-11, 15:43   رقم المشاركة : 2
معلومات العضو
fifiarch
مشرف سابق
 
الأوسمة
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو










B18

الدرس التطبيقي الاول


الدرس مقدم من طرف الاخت
SONDES1
جازاها الله كل خير والف شكر لها

الجزء الاول من الدرس التطبيقي الاول

اولا الادوات


نحتاج دبلة / تكة / الشرائط / الحاشية " كل واحد واش يسميها
نحتاج ايضا لخيط و ابرة " الخيط يكون بنفس لون المفرش
نحتاج ايضا الى مقص / ولاعة / القرقاف " حنا نقولولها الطارة "/ ابرة الكوبرا او ابرة بخرم واسع / و اكيد القماش

و بعدها راح نوريلكم العمل لي راح نخدموه بهاذو الادوات
هو عبارة عن مفرش طاولة



كل اخت والابعاد لي تختارهم انا خدمتو بهاذ الشكل والابعاد نتاعو سبعون سنتيمتر في سبعون
معناتها كل وحدة منكن ممكن تحتفظ بالابعاد لي اخترتها انا او ممكن تغير الابعاد لكن الرشمة اكيد يجب المحافظة عليها

ثانيا الرشمة



هذي الرشمة رايحين نستخدموها في المفرش نتاعنا

ثالثا نبدا على بركة الله

اول شيء نقوم به هو نقل الرشمة على القماش



والان نبدا اول خطوة في العمل والتي ستكون تحضيرا لعمل الوردة
يعني راح نتعلمو اولا

الوردة

نقوم بالخطوة الاولى لعمل الوردة وهي وضع الخطوط الاساسية للوردة
و هي كالتالي

نقوم بعمل 7 خطوط بالخيط العادي في الدائرة
نقوم بادخال الابرة من وسط الدائرة
ثم نقوم بعمل الخيط الاول ثم ندخل الابرة من الجهة الاخرى و نخرجها من الوسط الخيط الثاني ثم نعاود اخراجها من الوسط و نعمل الخيط الثالث و كذا


ملاحظة : " بالنسبة للخطوط يجب ان تكون فردية و تكون ما بين 5 و 9 خطوط كحد اقصى "

انا لتسهيل العمل نقوم بوضع الخطوط على جميع الدوائر الخاصة بالورود










اتمنى تتبعو هذه الطريقة لانها تبقي العمل نضيف كما هو موضح في الصورة



و الان نبدا الخطوة الثانية و هي عمل قلب الوردة
نقوم بادخال ابرة الكوبرا في وسط الدائرة
ثم نقوم بلف الشريط على الابرة مرتين
كما هو موضح
و ندخل ابرة الكوبرا مرة اخرى في القماش









و هنا نتحصل على قلب الوردة



و الان ناتي الى عمل الوردة
نقوم بادخال ابرة الكوبرا مرة اخرى و نبدا العمل
تقنية هذه الوردة تعتمد على ادخال الشريط في الخيط و ترك الخيط الاخر و هكذا









يعني ندخلو الابرة تحت الخيط الاول و من بعد فوق الخيط الثاني و هكذا حتى نكمل الوردة
كما هو موضح


عند انهاء الوردة
نقوم بادخال الابرة لوسط الوردة و نقفل الشريط و نحرقه بهذه الطريقة حتى لا ينفتح





و هذه وردتنا



طريقة عمل الاوراق

اولا ندخل الكوبرا في القماش
و نفردو بهذه الطريقة و من بعد ندخلو الابرة في الدبلة كما هو موضح
و نعقدو الدبلة و نحرقوه











طريقة عمل الاغصان

الاغصان نصنعوهم بالخيط الخشين " انا استخدمت الخيط نتاع الحرير يدير ب 2000 فرنك "

اولا ندخلو الابرة من تحت القماش و من بعد نعاودو ندخلوها مي ماشي كامل و نخرجوها على استقامة و ندورو الخيط على الابرة كما هو موضح و من ثم نجبدو الابرة
نتحصل على هذا الشكل









وهنا صورة توضيحية متحركة للاعمال الثلاثة التي تعلمناها في درس اليوم

الوردة



[COLOR="rgb(255, 140, 0)"]الاوراق[/COLOR]



الاغصان



ملاحظة : عندما نصل الى الانعطاف نصغرو المسافة باه تجي الاغصان باهية و ما تجيش معوجة

وهنا دعمت الشرح بالفيديو حتى استوفي جميع جوانب العمل
اتمنى انكم تفهمو عملي بالفيديو
شرحت كلا من طريقة عمل الوردة والاغصان

https://www.youtube.com/watch?v=eSj7r...ature=youtu.be

https://www.youtube.com/watch?v=yQqPA...eature=channel

https://www.youtube.com/watch?v=spsGO...eature=channel

اتمنى اني وفقت بالشرح و اتمنى لكم التوفيق


هكذا اخواتي ينتهي شرح اختنا سندس
فالمطلوب منكن خلال هاذ الاسبوع تطبيق ما استطعتن تطبيقه في هاذ الرشمة
لكن لا بد من تطبيق العناصر الثلاثة لدرسنا هذا
و الاسبوع المقبل ان شاء الله نكمل ما تبقى من المفرش










رد مع اقتباس
قديم 2012-03-11, 15:44   رقم المشاركة : 3
معلومات العضو
fifiarch
مشرف سابق
 
الأوسمة
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو










افتراضي

الجزءالثاني من الدرس الاول

بسم الله وعلى بركة الله نبدا
الجزء الثاني للدرس الاول مقدم من طرف الاخت
sondes1
الف شكر لها وجازاها الله خيرا على تعبها معنا

اولا الادوات

دبلة خضراء عرض 0.5
دبلة لون اخر " انا اخترت اللون الوردي " عرض 1 سم
دبلة لون اصفر عرض 0.5
خيط خشين " خيط الحرير "
ساتان " من الافضل روايال "
ولاعة / مقص / ابرة / ابرة الكوبرا

ثانيا الرشمة


هذي هي الرشمة المستخدم مع تغيير نوع الوردة في الوسط

هذي هي الرشمات



https://im27.gulfup.com/2012-03-25/1332664372361.bmp

https://im27.gulfup.com/2012-03-25/1332664372222.bmp

بالنسبة للدي دارو المفرش مستطيل يطبقو غير اللي تجي على الجوانب


ثالثا
نبدا على بركة الله

1/ الاغصان

ناخذ الخيط الخشن و نقوم بعمل خطوط كل خيط حوالي 1 سم

كما هو موضح

و من ثم نبدا بعمل الاغصان

ناخذ الدبلة الخضراء و نقوم بلفها على الخيوط " على خيط الحرير " بهذه الطريقة

و عند الانتهاء من كل الخيوط نقوم بادخال الابرة في القماش و نعقد الخيط و نحرق كالمعتاد

كما هو موضح























2/ البراعم

ناخذ الدبلة " لون معين 1سم " و ندخلها داخل القماش و نقوم ببسطها و ادخل الابرة على بعد 1 سم تقريبا

ثم نقوم باخراجها من القماش و ادخالها مرة اخرى على الجنب و بسطها و ادخال الابرة مرة اخرى فوق الدبلة على بعد اقل مثل 0.7 سم ثم نقوم بادخلها و اخراجها على الجنب الاخر و عمل نفس الكيفية


كما هو موضح



























ثم نقوم بعمل اوراق البرعم بنفس الطريقة
ممكن تجيكم شوي صعيبة لكن حاولو تخرجو الابرة في القماش بابعاد الدبلة اللي في الخلف
بهذ الطريقة

ملاحظة: لازم نبداو بالجهة الوسطانية ثم الجهات اليمنى و اليسرى

3/ الاوراق
ناخذ الدبلة الخضراء " 0.5 سم "
و ندخلها داخل القماش ثم نقوم بادخال الابرة مرة اخرى فوق الدبلة ونخرجها من القماش
ثم نقوم بادخالها في نفس النقطة الاولى و نقوم بعمل الورقة الثانية من الجهة الاخرى بنفس الطريقة
ثم نقوم بادخال الابرة فوق الورقتين و نعمل نفس الخطوات
يعني نعمل هذي الطريقة 3 مرات و في الاخير نعمل ورقة واحدة
بهذا الشكل























3/ الاوراق
ناخذ الدبلة الخضراء " 0.5 سم "
و ندخلها داخل القماش ثم نقوم بادخال الابرة مرة اخرى فوق الدبلة ونخرجها من القماش
ثم نقوم بادخالها في نفس النقطة الاولى و نقوم بعمل الورقة الثانية من الجهة الاخرى بنفس الطريقة
ثم نقوم بادخال الابرة فوق الورقتين و نعمل نفس الخطوات
يعني نعمل هذي الطريقة 3 مرات و في الاخير نعمل ورقة واحدة
بهذا الشكل























4/ الوردة
1.4/ عمل بتلات الوردة " 5 بتلات "
نقوم بجلب الساتان
نقطعها على شكل مربعات بحجم 5 سم
نبدا على بركة الله
ناخذ قطعة الساتان و نقلبها على الوجه الغير لامع
و نطويها لنتحصل على مثلث ثم نطويها مرة اخرى لنحصل على مثلث اقل من الاول
نجلبة الابرة و الخيط و نخيط قاعدة المثلث و نجبد الخيط جيدا و نقوم بعقده
نقوم بالعملية لنتحصل 4 بتلات
كما هو موضح




















هذه الفيديوات لحد الان
الوردة
https://www.youtube.com/watch?v=DQaCE...ature=youtu.be
https://www.youtube.com/watch?v=lvQOA...ature=youtu.be
الاغصان
https://www.youtube.com/watch?v=nTXhn...ature=youtu.be
البرعم
https://www.youtube.com/watch?v=IKuvj...ature=youtu.be

هذا الفيديو الاخير
https://www.youtube.com/watch?v=BXWBV...ature=youtu.be

وهكذا ينتهي درس اختنا سندس لها الف شكر
في انتظار تطبيقاتكن اخواتي لانو هاذ الاسبوع لابد انو كل المشتركات يضعن تطبيقاتهن
بالتوفيق لكن









رد مع اقتباس
قديم 2012-03-11, 17:06   رقم المشاركة : 4
معلومات العضو
sondse1
عضو محترف
 
الصورة الرمزية sondse1
 

 

 
الأوسمة
وسام العضوة المميزة في اعمال السموكس 
إحصائية العضو










افتراضي

الف مبروك الافتتاح حبيبتي فيفي
وبالنسبة للابرة نتاع الدبلة
يقولولها ابرة الكوبرا هذا هو اسمها
و كاين نوع تاني اللي هو العين نتاعها كبيرة باه تدخل فيها الدبلة مي هاذي الا ما لقاوش الكوبرا
اما الكوبرا مخصصة بالتطريز بالورود










رد مع اقتباس
قديم 2012-03-11, 17:35   رقم المشاركة : 5
معلومات العضو
fifiarch
مشرف سابق
 
الأوسمة
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو










افتراضي

اقتباس:
المشاركة الأصلية كتبت بواسطة sondse1 مشاهدة المشاركة
الف مبروك الافتتاح حبيبتي فيفي
وبالنسبة للابرة نتاع الدبلة
يقولولها ابرة الكوبرا هذا هو اسمها
و كاين نوع تاني اللي هو العين نتاعها كبيرة باه تدخل فيها الدبلة مي هاذي الا ما لقاوش الكوبرا
اما الكوبرا مخصصة بالتطريز بالورود
اختي سندس نحتاجك هنا
https://www.djelfa.info/vb/showthread...88#post9164988









رد مع اقتباس
قديم 2012-03-11, 18:40   رقم المشاركة : 6
معلومات العضو
بيان 5
عضو محترف
 
الصورة الرمزية بيان 5
 

 

 
إحصائية العضو










افتراضي

السلام عليكم
اختي الكريمة
اشكركن من كل قلبي لانكن خصصتن وقتكن من اجلنا
حبيت نسقسي كم متر من القماش نشتري وبالنسبة للخيط الخشين عندي اللي فيه تدرج لونه اخضر










رد مع اقتباس
قديم 2012-03-11, 19:24   رقم المشاركة : 7
معلومات العضو
فتاة مسلمة
عضو مميّز
 
الصورة الرمزية فتاة مسلمة
 

 

 
إحصائية العضو










افتراضي

بارك الله فيك اختي
جعلها في ميزان حسناتكم
مبروك على افتتاح الدورة










رد مع اقتباس
قديم 2012-03-11, 19:34   رقم المشاركة : 8
معلومات العضو
sondse1
عضو محترف
 
الصورة الرمزية sondse1
 

 

 
الأوسمة
وسام العضوة المميزة في اعمال السموكس 
إحصائية العضو










افتراضي

اقتباس:
المشاركة الأصلية كتبت بواسطة بيان 5 مشاهدة المشاركة
السلام عليكم
اختي الكريمة
اشكركن من كل قلبي لانكن خصصتن وقتكن من اجلنا
حبيت نسقسي كم متر من القماش نشتري وبالنسبة للخيط الخشين عندي اللي فيه تدرج لونه اخضر
اهلا بيك حبيبتي بيان

بالنسبة للقماش الا عندك قماش فاضل استخدميه عادي

و بالنسبة للخيط عادي تاني لانك في طور التعلم

و كي تعودي تتقني هذا الفن تقدري تستخدمي النوع المعين و حسب اللون اكيد

انا حاليا نستخدم في خيط الحرير يدير ب 2000 فرنك









رد مع اقتباس
قديم 2012-03-11, 19:35   رقم المشاركة : 9
معلومات العضو
بيان 5
عضو محترف
 
الصورة الرمزية بيان 5
 

 

 
إحصائية العضو










افتراضي

شكرا على الرد










رد مع اقتباس
قديم 2012-03-11, 19:36   رقم المشاركة : 10
معلومات العضو
sondse1
عضو محترف
 
الصورة الرمزية sondse1
 

 

 
الأوسمة
وسام العضوة المميزة في اعمال السموكس 
إحصائية العضو










افتراضي

اقتباس:
المشاركة الأصلية كتبت بواسطة فتاة مسلمة مشاهدة المشاركة
بارك الله فيك اختي
جعلها في ميزان حسناتكم
مبروك على افتتاح الدورة
وفيك بركة حبيبتي

ان شاء الله تستفادي









رد مع اقتباس
قديم 2012-03-11, 19:38   رقم المشاركة : 11
معلومات العضو
sondse1
عضو محترف
 
الصورة الرمزية sondse1
 

 

 
الأوسمة
وسام العضوة المميزة في اعمال السموكس 
إحصائية العضو










افتراضي

لبنات هذي هي ابرة الكوبرا










رد مع اقتباس
قديم 2012-03-11, 19:38   رقم المشاركة : 12
معلومات العضو
darlla
عضو نشيط
 
الصورة الرمزية darlla
 

 

 
إحصائية العضو










افتراضي

وقتاه بديتو

راني معاكم للاخير

ربي يرزقك بالخير يا فيفي










رد مع اقتباس
قديم 2012-03-11, 19:47   رقم المشاركة : 13
معلومات العضو
fifiarch
مشرف سابق
 
الأوسمة
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو










افتراضي

اقتباس:
المشاركة الأصلية كتبت بواسطة darlla مشاهدة المشاركة
وقتاه بديتو

راني معاكم للاخير

ربي يرزقك بالخير يا فيفي
اهلا بيك اختي بيناتنا
اليوم برك كان الدرس الافتتاحي نتمنى تعجبك الدورة معنا









رد مع اقتباس
قديم 2012-03-11, 19:47   رقم المشاركة : 14
معلومات العضو
bladi dz
عضو مجتهـد
 
إحصائية العضو










افتراضي

السلام عليكم

الله يبارك ماشاء الله على النشاط

انا راني معاكم وقاع الادوات جاهزين نصورهم










رد مع اقتباس
قديم 2012-03-11, 19:51   رقم المشاركة : 15
معلومات العضو
fifiarch
مشرف سابق
 
الأوسمة
وسام الحضور المميز وسام المشرفة المتميزة لدورة اعمال السموكس وسام المركز الثاني 
إحصائية العضو










افتراضي

ا

لف شكر ليك اختي سندس على المتابعة معي
اكيد الاشراف المشترك بيناتنا راح يسهل المهمة كثيرا
خاصة وانك عندك خبرة في المجال
تحية عطرة مني ليك









رد مع اقتباس
إضافة رد

الكلمات الدلالية (Tags)
التطريز, الساتان, بشرائط, دورة

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 14:29

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2023 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright آ© 2018 vBulletin Solutions, Inc