مشاركتي في مسابقة شاف كوزينتنا الطبعة الــ2(الطبق الرئيسي) ‏

مقدسية · 2013-02-19, 00:21

اولا تحية خاصة لشيفاتنا نجمات الطبعة الاولى :فلة ،انا امهم،ام اماني،فيوزة ،بارك الله في جهودكن
اليكن اخواتي الحبيبات مشاركتي المتواضعة في مسابقة شاف كوزينتنا في دورتها الثانية نتمتى تنال استحسانكن وتستمتعن وتستفدن.........
اقول بروقة ابدعت ربي يبارك في صحتك ،بقية المشتركات حظ موفق بحول الله
لفائف صدر الدجاج مع ارز بصلصة
طبق يمكن يكون يومي بسيط عملي وغير معقد لايحتاج اجهزة او فرن يطيب على البخار وممكن تكرمي بيه ضيوفك وتبهريهم بطريقة تقديم مناسبة

واليكن التفاصيل:
نحتاج صدور دجاج ،استعملت صدر ونصف

نضع كل صدر بين كيسين بلاستيكيين ونسطحه بمطرقة او الحلال حتى يرقاق

نوجدو الكفتة شوية لحم مرحي ،شوية جلبانة ،دبشة،ثوم،ملح وتوابل،صفار بيضة والبياض نحتاجوه فيما بعد

على بلاستيك غذائي نضع شرائح الصدر وحدة بعد وحدة متلاصقين ونعدلو باليد للحصول على شكل مستطيل

خليط من ملح فلفل اكحل كسبر وفلفل عكري وننثروه على شرائح الصدور

نحطو الكفتة على شكل حربوش ونفتحها من الوسط (كما المقروض)ونملاه بجبن المثلثات مقطع مستطيلات
I
نغلق الحربوش ونلف الصدور بالاستعانة بالبلاستيك والى الثلاجة

في هذه الاثناء نوجدو صوص حمرا بالجلبانة مع عظم الصدر،
وتكون في كوسكوسيار نقليو المكونات مليح ثم نضيف الطماطم مرحية ونمرق بالماء

نحطو الرولي يفور في كسكاس ومعاه جزرة للتزين حتى ينقص الصوص ويخثار

بعدما يطيب الرولي ننزعو البلاستيك (راح يكون فيه عصارة احتفظو بيها للتمريق) والى هنا كافي ممكن يتقص ويتقدم لكن اردت نعطيه لون وبنة الزيت
لذلك غطستو في بياض البيضة ثم الخبز المرحي والى المقلاة وبعد مايبرد يتقص

بالنسبة للارزنستعمل المفور (موش تاع الميزان) رطل روز نحطوه يغلي في الماء والملح ثم نصفيوه ونشلوه مليح ونفوره باش يشيح ونزيدولو قطعة زبدة ولا سمن

الان الرولي ولاصوص والروز واجدين نمرو لطريقة التقديم
نغسل صحفة تاع شربة و نحطو شيء يكون محدب باش تتشكل لينا حفرة بعدما نقلبو الصحن ،نبطنو الصحفة بالروز ونحطو في الوسط لحم الصدر اللي نكون نسلناه وفوقو بعض الصلصة ونغطي بالروز

على صحن التقديم نقلب الصحفة وننزع الحية الي درناها

بواسطة سكين حاد نقطع السنارية حلقات ونطبع زهرات وفوق كل وحدة شوية مايوناو ونلصق على الروز

والان آخر شيء هو وضع الصوص ويكون سخون امممممممممممممم ولااروع

وهاذي شكلها من الداخل مدججة بالدجاج لمفتت مع الصوص ، والرولي طعمو خياااااااااااااااااااااااااااال

كل التوفيق لاخواتي المشتركات

hony · 2013-02-19, 00:32

mmmmm tchahi allah yebarek rabi yewafkak

serine31 · 2013-02-19, 00:59

يعطيك الصحة على الشرح و الوصفة هايلة

oum anas 69 · 2013-02-19, 01:06

machallah 3jabni bazaaaaaaaaaaaf ya3tik asaha mowafaka inchallah

أم ماجد · 2013-02-19, 02:55

حكمتك متلبسة مقدسية طبق رائع

*ام رامي* · 2013-02-19, 06:42

امممممممممممممممممم ماشاء الله روووووعة
حتى انا جهزت الطبق تعشيناه البارح انتظروني نحطو اليوم باذن الله
بالتوفيق حبيبتي

أنا أمهم · 2013-02-19, 06:48

رااااااااااااااااااااااااااااااااااااااااااااااااا ااااااائع يا مقدسية, تبارك الله

ما شاء الله طبق يشهي ..................................و الله ريقي سال هههههههه

بالتوفيق عزيزتي مقدسية

زاد تشويقنا لبقية المتسابقات

مقدسية · 2013-02-19, 07:09

اقتباس:

المشاركة الأصلية كتبت بواسطة hony

mmmmm tchahi allah yebarek rabi yewafkak

يبارك في عمركحبيبتي مشكورة لمرورك

اقتباس:

المشاركة الأصلية كتبت بواسطة serine31

يعطيك الصحة على الشرح و الوصفة هايلة

الله يسلمك سيرين اسعدنس مرورك

اقتباس:

المشاركة الأصلية كتبت بواسطة oum anas 69

machallah 3jabni bazaaaaaaaaaaaf ya3tik asaha mowafaka inchallah

ربي يبارك فيك ويحفظك ام انس منورة

اقتباس:

المشاركة الأصلية كتبت بواسطة أم ماجد

حكمتك متلبسة مقدسية طبق رائع

مرورك اللي بعد نص الليل هوالاروع ام ماجد الغالية ، ربي يعزك حبيبتي والظاهر مالقيتيش دالة في الميكرو غير على السعتين خفاااااااااااااااااش

اقتباس:

المشاركة الأصلية كتبت بواسطة *ام رامي*

امممممممممممممممممم ماشاء الله روووووعة
حتى انا جهزت الطبق تعشيناه البارح انتظروني نحطو اليوم باذن الله
بالتوفيق حبيبتي

اجمعين غاليتي الطبق تغديناه وتعشيناه بالامس كان رائع تسلمي ام رامي
هنا لاصقة حتى نشوف مشاركتك اكيد مميزة

اقتباس:

المشاركة الأصلية كتبت بواسطة أنا أمهم

رااااااااااااااااااااااااااااااااااااااااااااااااا ااااااائع يا مقدسية, تبارك الله

ما شاء الله طبق يشهي ..................................و الله ريقي سال هههههههه

بالتوفيق عزيزتي مقدسية

زاد تشويقنا لبقية المتسابقات

اسعدني مرورك نجمتنا ربي يبارك فيك ويحفظك
حمدا لله انو عجبك بانتظار الاخريات

moniz · 2013-02-19, 07:16

baraka Allah fik

*أم كوثر* · 2013-02-19, 07:26

اممممممممممممممممممممم امممممممممممممممممم حرام عليك يامقاديسو
كانت رح تكون فكرتي هههههههههههه مي معليش مزية شفتها قبل مانطبق
تسمى نزيد نخمم في حاجة اخرى؟؟؟
بالصحة والراحة
بانتظار البقية
مةفقات

Oum Aness Bba · 2013-02-19, 07:46

يعطيك الصحة مقدسية وموفقة أنت و جميع المشاركات

أم ياسين الزهراء · 2013-02-19, 07:50

طبق ممتاز في الشكل وطبعا في البنة مادام من يدين مبدعة بالتوفيق حنونة

ميمنة الجزائر · 2013-02-19, 07:50

يا الله بدات المنافسة كثير رووووعة مقاديسووو الى الامام

مقدسية · 2013-02-19, 07:57

اقتباس:

المشاركة الأصلية كتبت بواسطة moniz

baraka allah fik

وفيك بارك الله عزيزتي تسلمي

اقتباس:

المشاركة الأصلية كتبت بواسطة *أم كوثر*

اممممممممممممممممممممم امممممممممممممممممم حرام عليك يامقاديسو
كانت رح تكون فكرتي هههههههههههه مي معليش مزية شفتها قبل مانطبق
تسمى نزيد نخمم في حاجة اخرى؟؟؟
بالصحة والراحة
بانتظار البقية
مةفقات

الله يسلمك ام كوثر منورة حبيبتي
بسرعة لاتلقي فكرتك الجديدة عند ام رامي اوهديل هههههههههههههههه
بالتوفيق

اقتباس:

المشاركة الأصلية كتبت بواسطة oum aness bba

يعطيك الصحة مقدسية وموفقة أنت و جميع المشاركات

الله يسلمك مشكورة لمرورك العطر