مشكلة غريبة و محزنة

[مشكلتي]

ارجوكم ساعدوني

زوجة ابي الظالمة رمت لي كل كراريسي تاع الباك ( كراريس و ملخصات ) جمعتهم من الانترنت و من مختلف المراجع

انا متعلقة بهم جدا و لا يمكن ان ادرس بغيرهم يعني لا يمكن ان استلف من شخص اخر

لقد وضعتهم جميعا في كيس بلاستيكي كبير اسود و رمتهم في القمامة ( في سطيف )

يجب ان استعيدهم و لا اعرف اين توضع القمامة بعد ان ياخذها الكناس
مع العلم ان قد مر خمس شهور على رميهم
اعلم ان الامر مستحيل لكن يجب ان استعيدهم لانني افكر في اعادة الباك

ارجوكم ما هو الحل لاستعادتهم

[زبدة ذايبة]

على حساب وش كتبتي

هي رماتهم

يعني إنتهى الموضوع

يبقى فقط ننصحك تحاولي تغيري من طريقتك معاها

حاولي تكوني مليحة معاها وتكسبيها خير من تخسريها

صحيح هي ماشي أمك

لكنها زوجة أب

وهذا مايعطيكش المبرر والمسوغ باش تكون عدوتك

حاولي معاها بالشوية لأجل والدك

أنت ماحددتيش في مشكلتك إذا أمك متوفاة أو هو تعدد للأب أم أمك مطلقة

على الأقل نقدرو نعرفو كيفاش ناقشو مشكلتك.

بالنسبة لأدواتك وكراريسك

ماتروحيش تحوسي في بيدون الزبل

خلاص

حاولي كيفاش تعوضي وش ضاع منك

ولعل فيها خير

الإنسان مايدريش في المصائب قد تكون فيها فوائد عظيمة

ربي يصلح حالك ويوفقك في دراستك

[أم رقية نسرين]

سلام
يا ختي بالاك معلابالهاش بلي تحتاجيهم و نتي مقلتيلهاش عليهم و قلتي بلي حطيتيهم في كيس اسود كبير ممكن تحسب فيهم من القمامة
بصح اسمحيلي ضحكتيني منين راح تجيبيهم و ملي رماتهم 5 أشهر علابالي صعيبة تلمي مراجع وملخصات بطريقتك لتفهميها و يضيعو عساه خير لكي
وخذي بنصيحة الأخت لي قبلي متعاديهاش وحاولي تتعايشي معاها باه تكوني مرتاحة لأنو غير ذلك كلكم راح تخسرو
ربي يحسن أحوالكم و ربي يوفقك

[kacimo.samy]

السلام عليكم
الحمد الله المنتدى مليئ بالملخصات والحلول
حاول او حاولي تراجعي مع الاعضاء انسجمي معهم فقط...
اعيدي كل شئ من الاول وغيري طريقة مراجعتك

( ان كنتي سبق ونجحتي فمبروك وان كنتي تعيدي لانك اعدتي سابقا ارى ان تلك الملخصات بدون فائدة -_- )
اهتمي بحياتك واكسبي حب ابيك ولا تهتمي بها ابدا

[ابو سليمان10]

بعض النساء يا لطيف و كانها معجونة بالشر المحض
عدو المراة الاول مراة مثلها

[مُحمد رازي]

كيفاش متعلقّة بكرارايس لدرجة ما زال عندك أمل بلي ممكن تلقيهم في المكان وين يرمو القمامة !!
خلاص لازم تنسيهم و باعتبار راهي مرّت 5 أشهر ملي رماوهم ليك
و أدا فعلا عندك الرغبة و العزيمة للنجاح في البالكالوريا فما راحش هاد التعثر يفشلك
و قادرة تبدي من الصفر و بقوة و تجمعي كامل واش راحلك
إلا إدا كانت زوجة الأب هادي هي لي تعمدت حتى توقف في طريقك قدام النجاح
و رماتلك الكراريس حتى تفشلك و تحد من عزيمتك أو ببساطة ما راهمش حابينك تعاودي الباك
على كل مشكلتك ما فيهاش تفاصيل بزاف و لكن نعاود نقول إدا فعلا عندك العزيمة حتى شي ما يمنعك باش تبدي بداية جديدة
و مستقبلا ديري احتياطاتك و كي تلايمي ملفات تاع قراية من الأنترنت احتافظي بنسخة منهم في فلاش ديسك أو الهاتف
ربي يسهّل

[المطمئنّة]

السّلام عليكم ورحمة الله وبركاته
على الأرجح أنّ محتويات ذلك الكيس قد تمّ التّخلّص منها حرقا، لاسيّما وأنّه قد مرّ على ذلك 5 أشهر، فهي مدّة طويلة جدّا
أرجو أن لا تحزني، أنا أعرف تماما ما معنى أن يتمّ التخلّص من خصوصياتك وخاصّة تلك التّي تعبتِ في تجميعها
لكن قولي قدّر الله وما شاء فعل ، فعسى الله تعالى أن يكون جعل لكِ خيرا في ما حصل لكِ
حاولي أن تبدئي من جديد واستعيني بالله وحده..
أتمنّى لكِ النّجاح و التّوفيق

[زايدي أمحمد]

مزال ارشيف عملاق في انترنت عاودي هبطيهم