لي ميل كبير للإنتحار 02

[مشكلتي]

السلام عليكم
انا من كتب موضوع :لي ميل كبير للإنتحار
شكرا لكل من خصص وقت ورد علي
بالنسبة للذهاب لطبيب النفسي انا جربت هذا وذهبت لهم لكن لم استفد شيء فقط خسرت اموالي من طرف هؤلاء السماسرة
+لقد حاولت ارسالة رسالة للأخت التي طلبت مني مراسلتي لكن ليس لدي عدد كافي من المشاركات

+ اذا جرب احدكم طبيب نفسي او اخصائي وافاده فليفدني بمكان تواجده في اي ولاية من ولايات الجزائر هدرت مع خويا وقالي مستعد نهز كونجي ونديك لاي بلاصة
واتمنى ايضا ان اجدد ردود اضافية في هذا الموضوع
الله المستعان

[محارب الحمق]

لا أنصحك بزيارة طبيب نفسي...ما أنصحك به زيارة امام سلفي مشهود له بالعلم والصلاح والزم حلقاته ان كان قريبا جغرافيا من مقر سكناك. وان لزم الأمر سافر الى الشيخ فركوس في الجزائر العاصمة فالامر يستحق العناء.. كل ما يمكنني التأكيد عليه هو: انك ميت لا محالة اليوم أو غدا فلا تستعجل. المهم ليس متى تموت لأنك ميت ونحن ميتون. المهم هو على أي حال ستموت؟ كل من قتل نفسه لم يقدر الله حق قدره. لم يقدر قوته ولا جبروته ولا عظمته ولا سخطه ولا غضبه وعقابه الشديد. وأنت تعلم شدة العذاب الذي ينتظر من يقتل نفسه...الأمر لا يستحق

[Elwawy]

الإنسان المؤمن و المسلم لا يتعلق قلبه بالدنيا, فإن كرهها فهو شيء إيجابي و محفز.

ما هو مشكلك أخي/أختي؟ كم عمرك؟ ميل للإنتحار بسبب ماذا؟ مشكل مادي؟ مشكل صحي؟ مشكل عاطفي لا تريد البوح به؟ مجموعة مشاكل متراكمة؟ مشكل دراسي؟ مشكل في العمل؟ ظغوطات في العائلة؟ إدمان على شيء معين؟ مشكل في الماضي؟ مششكل في المستقبل الغامض؟ ما هو المشكل؟

[Om shahed]

اين هو مشكلك ممكن كأخوة و تواصلنا فالمنادى رح تتحسن شيئا فشئا
لكن دير في بالك من قتل نفسه نصيره نار و عذاب شديدا

نصيحة و مش رح تكلفك شي
افتح قرآن و اسمعه و تعمن حديثه ولله انك سترتاح سورة بقرة
و افتح يوتيوب و اسمع قصص دينية عن انتحار و عن بغد عن الله

[ايمان4]

يوجد طبيبة نفسية ارتاح على يدها الكثيرون هنا بولاية تلمسان ا هي التي ذهبت عندها طالبة الطب التي تحدثت عنها في مشاركتي السابقة ذا كنت مهتم اعطيك العنوان وو اوقات العمل لكن هادي تعمل بشكل مجاااني لانها تابعة للمصحة الاستشفائية يعني تخدم عند الدولة و قلبها في اللعمل تحب عملها و لم لا تطالع كتب علم النفس الاكلينيكي في هاته الاونة قل لنا ما هي اعراضك ؟ و ماهي مشكلتك او مشاكلك التي تدفعك لهذا التفكير المظلم ؟ و هل زرت الاطباء النفسانيين التابعين للمستفلى بولايتك اولا ؟ ابدا بهم متروحش للبريفي فالاول و ممبعد ديبلاصي و اذا استلزم ااامر بعض الادوية للتهدئة ..... الانتحار فكر غير ف هذا خوك لي مستعد يديك لاي ولاية شحال راح تضره لكان تقدر على فعل كما هذا .... و ليست هكذا تحل المشاكل كونك شجاع وقوي النيا هادي دار امتحان و ما كان والو غمض عينيك تجبر روحك في الخمسينات ركز تفكيرك في العمل ان كنت تعمل في الدراسة ان كنت تدلرس او في كاش تكوين او حرفة اذا كانت تدير والو او جرب اتعلم لغة او احفظ القران المهم جرب متبقاش ما تدير والو لان الفكرة تبدا صغيرة و تكبر متخليهاش تكبر و زيد ادعي ربي كل يوم باش يهديك و يشفيك قالنا ربي سبحانه و تعالى ادعولي استجب لكم ادعيه و راح يديرلك اسباب باش تبرا هاهو سخرلك واحد من عباده لي هو خوك باش يقوم بيك و يجري بيك يعني كونك متفائل

ادعوني ** استجب لكم

اقترح عليك ايضا ان تراسل ///اسلام ويب// و //ويب طب // قد يعطوك بعض الحلول ... بهما كوادر اطباء ... ربي يشفيك و ليكن في علمك ان الطبيب النفسي ما يقدر يديرلك والو اذا ما حكيتلهش او كذبت عليه .... احكي الصراااااااحة و ما تخافش راح يساعدك ناس كانوا مدمني مخدرات و ابراو و انت مجرد اكتئاب رايح يقضي عليك لا كونك قوي

[مراد سابقا10]

السؤال كيفاش رحتي لأطباء نفسيين ومفادوكش هل مشرحتيش مشكلتك قداهم ولى كيفاش

المهم اذا رحتي للطبيب النفسي لازم تروحي ايضا عند بسيكاتر لي يمد الأدوية يمدلك شوي ادوية اكتئاب ولو جرعة صغيرة بالإضافة كملي داوي عند الطبيب النفسي

يعني داوي عند بسيكاتر يعطيك الدواء وداوي عند الطبيب النفسي يساعدك في حياتك .

[مُحمد رازي]

و عليكم السلام و رحمة الله
يعني كي راكي هادرة مع خوك وقالك ندي كونجي على جالك و نديك لطبيب نفسي لأي ولاية هاد الشي يعني أنو العايلة تاعك علابالهم بقضية ميلك للانتحار هادي ؟ ادا علابالهم أنا نستغرب كيفاش هوما ما حاولوش يحتاو قضيتك هادي و يسمعولك ممكن يساعدوك و الدعم النفسي لي يقدموه الأهل يعتبر مهم ، و ادا ما علابالهمش و راكي مخبية عليهم و مخبرة غير خوك هادي كارثة ، و راني نشوف غير نتي راكي مكبرة القضية باعتبار هادو راهم غير أفكار في راسك قادرة بكل سهولة تتحكمي فيهم ، كمثال أنا تجيني فكرة ندخن المخدرات أو ندير حاجة مشي مليحة و حتى لو قعدت الفكرة تتكرر كل مرة في راسي قادر بكل سهولة ننزعها من تفكيري ، و هنا كي قلت من قبل الشيطان يدخل في الوسط و الشيطان أمره سهل بمجرد ما تقولي أعوذ بالله من الشيطان الرجيم يروح عليك ، و نعاود نقولك و نأكدلك بلي لازم تقوّي علاقتك مع الله في هاد الحالات حتى ما تكونيش عرضة و لقمة صائغة لهاد الأفكار الشيطانية ، و في هاد الحالات تاني في الغالب ما ينفعوكش الاطباء النفسانيين لاخاطرش المرض يكاد أن يكون روحي و الروح ما يقدروش يوصلولها هاد الأطباء أو يوصفولك وصفة نافعة يسألونك عن الروح قل الروح من أمر ربي و كل ما تهملي الروح شيء طبيعي يترتب على هاد الشي الأمراض النفسية كالإكتئاب ، و الروح الغذاء تاعها يكمن في قراءة القرآن و الصلاة و الذكر و الدعاء و كل ما يقرب من الله ، و أدا كان الطبيب النفسي راح ينصحك بنفس هاد النصيحة فما الفائدة من أن تقطعي مئات الكيلومترات و تخلصيه روحي غير عند الإمام لي حدا داركم و ينصحك كيمن هاك باطل لوجه الله ، لكن بما أني راني نشوف راكي مصرة في قضية البحث على طبيب أو اخصائي مجرّب ! و بما انكِ وصلتي لحالة الاكتئاب و إدا فعلا تم تشخيصها بالاكتئاب فواش نقولك اختي ، و ماراناش عارفين واش لي وصلك لهاد الشي ممكن ضغوط في المحيط تاعك أو فقدان الأمل نهائيا من حياة جيدة او تأثير الماضي على الحاضر تاعك أو فقدان شخص عزيز بصح لازم تعرفي أنو كامل هاد الأسباب ما توصلش الواحد حتى يقتل نفسه و يمكن تخطّيها و الطبيب النفسي لا يتعدى الدور تاعه أنه يسمعلك و يحاول يبعث فيك الأمل من جديد و يساعدك أنك تكتاشفي الشي لي راكي حابة ديريه في الحياة و يركز على أنه يعطيك هدف توصلي ليه أما ادا كان من النوع لي يقولك هادا بسبب خلل في التوازن الكيميائي للمخ و يوصفلك الدوا راح يزيد يعقّد الأمور أكثر لهاذا تجنبي قدر المستطاع الأدوية لي يوصفوها الأطباء ... ربي يفرجها عليك

[فاطمة البرجية]

الاخ الفاضل لازم تشوف طبيب واحد فقط و تحكيله واش عندك مليح . من الافضل انه يكون من القطاع العام و هكذا لن تخسر اموالك و لا وقتك .
اما بالنسبة للدواء فيجب 15 يوم على الاقل باش تشوف تحسن . لا تياس شوف طبيب و ليس معالج نفساني . الامر ليس بتلك الصعوبة التي تتخيلها يكفي ان تذهب الى المستشفى العقلي و تطلب رؤية طبيب و حتى بدون موعد عادي مكانش مشكل و تقدر تروح روحك يكفي انك تنوي تعالج يا اخي و تداوم على الادوية و ماتراطيش لي كونترول يا اخي و اسمع نصائح الطبيب و من الافضل تشد في واحد برك و ربي يشافيك .
لا تفقد الامل راني شفت عدة حالات صغار و كبار كان عندهم نفس الحالة و اليوم راهم ناس طبيعين يخدمو يقصرو كيما كامل الناس .
دعواتي لك بالشفاء

[أبونوافل]

بسم الله الرحمن الرحيم والصلاة والسلام على أشرف المرسلين،قال الله في محكم تنزيله ، بعد أعوذ بالله من الشيطان الرجيم: "قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ " إستعن بالله ولا تيأس
شاهد هذا الرابط وتوكل على العزيز الرحيم الذي يراك حين تقوم وتقلبك في الساجدين : https://www.ashtgalat.com/download3/...%A7%D9%86.html

https://www.dztu.be/watch?v=DzymdyVlKbg

بالتوفيق إن شاء الله

[ابن الحضنة 28]

كوني مؤمنة و قوية و لا تستسلمي لوساوس الشيطان لعنه الله فيهزمك و تكوني مذنبة
صلي و اسجدي لله و تقربي له بالدعاء فانه قريب يجيب الدعاء

[moussabm]

السلام عليكم
انت تكلمت مع اخيك على هذا المشكل وهذا تصرف جيد
انت تعاني من نقص هرمون سيروتونين
الموجود بالمخ وهذا مايسبب لك هذه الافكار السوداء
يجب عليك الذهاب الى طبيب الاعصاب والمخ فهو المختص في هذه الاشياء وليس طبيب نفسي
وثاني شيء لا تستلم لهذه الافكار وتترك العنان لعقلك بالتفكير فيها

[أم رقية نسرين]

اقتربي من الله و حاولي ان تكثري من قيام الليل ناجي الله سبحانه و تعالى و الناس نيام سترتاحين كثيييييرا بإذن الله الله سبحانه ارحم بنا من انفسنا
الموت لوحده يفجعنا لا نعلم ما وراءه فما بالك بمن يقتل نفسه ليس في اادنيا هم و لاغم ولا مشاكل تستاهل انو نحرق انفسنا في جهنم و العياذ بالله نار الدنيا لا نتحملها فما بالك بنار جهنم *لاتصغي لوساوس الشيطان اتعيذي بالله منه في كل احوالك هو يريد ان يأخذ اكثر ما يمكنه من العباد إلى جهنم و هده وظيفته*

فرج الله كربك *و ربي يهدينا و يهديك إلى صراطه المستقيم و يثبتنا عليه

[visa uk]

نتي راكي في حالة اكتئاب شديد يعني حالتك خطيرة جدا ويستلزم طبيب امراض عقلية للاسف بسيكاتر psychiatre روحي لها اقرب وقت احكها تعط ادوية خاصة بالاكتئاب وهو حاد وشديد حسب وصفك تتمناي انتحار وش بيك خطير للغاية جد حالتك اوك لازم غدوا تروحي للطبيب العقلي اوكراح يعطك ادوية اكتئاب اشربيها حسب وصفها لك منه هو يقلك شعال تشربي وطريقة وراح تتعافاي بحول الله مع وقت

[romi rosa]

مشكلتك ليست مشكلة نفسية عليك استشارة طبيب اعصاب ....وانصحك بالطاقم الطبي الموجوظ بشراقة ...يمكن جدا افادتك

[visa uk]

اني قتلك راكي في حالة اكتئاب شديد وليس اكتئاب مادام شخص يحاول يفكر في الانتحار وموت يالله يعني ماكيش في عقلك روحي لطبيب امراض عقلية روحي روحي بلاك راح تقدمي علي انتحار يالله عقلك هو صح اوك روحي غدوا وابداي جلسات اوك