هل يوجد هنا طبيب من فضلكم مستعجل

[مشكلتي]

السلام عليكم

والله راني نكتب وحشمان الله عالب انا انسان بلاني ربي بالمخدرات كل مرة نقلع لكن في اول فرصة اتعاطى من جديد رغم ان جسمي لا يتحمل المخدرات اطلاقا

المهم اكلت قرصين نوريكا 50 ملغ هذه المادة معروفة باسم بريجابالين المهم حكمتني حساسية في الانف لا تطاق لمدة 8 ايام ومازالت مراحتش رغم اني ذهبت للطبيب ووصف لي حقن و مضادات هيستامين ناهيك عن الغثيان و سرعة دقات القلب وشرود الاطباء حاولو يعرفو سبب الحساسية لكن والله مقدرت نقول بسبب الليريكا

انصحوني يا اطباء بكاش دواء ولا كاش طريقة نتاع عرب لعلي اشفى وادعولي ربي يهديني ويبعدني عن رفاق السوق

[مراد سابقا10]

لازم تبركى من الإدمان على المخدرات والا ستغرق دنيا واخرة

المهم هناك مراكز خصيصا لمكافحة الإدمان على المخدرات واذا مبغيتش تروح ليها روح لإخصائي نفساني او بسيكاتر هو يلقالك الحل كيفاش تتخلص منها

يعني ينحيلك الإدمان كيما حالتك لازم الجمع بين الطب النفسي والعقلي يعني لازم تتابع عند اخصائي نفساني وفي نفس الوقت طبيب بسيكاتر ينيحيلك الأدوية هذيك بالتدريج

بادوية اخرى خفيفة المهم خاصة ليريكا انا ننحصك حبسوا راهو خطير على الصحة العقلية .

[Om shahed]

قبل كل شي بش تعالج حساسية
عالج حالتك من مخدرات اولا
من بعد اتبع دواء مضاد هيستامين
مع تقطير زيت الاكل قصدي لي نطيبو بيه قطر منو في خشمك
انا مجرباتو ينفعني ينحي عليا هاذيك الحرقة تع نيف

[toulay]

وعليكم السلام ورحمة الله وبركاته
يا اخي لازم تكون عندك ارادة قوية باش تتخلص من هذا السم والرهج قبل مايفوت الفوت
في بالي كاين مراكز لمعالجة الادمان سجل في كاش واحد فيهم باش تتعالج تاني روح عند طبيب نفسي احكيلوا فرغلوا قلبك باش ترتاح
واخطيك من رفقاء السوء لانو يدوك للواد
بلا ماننسى الاستغفار والتقرب من الله سبحانه وتعالى وقراءة القران
متقضيش على المستقبل تاعك بيديك لانو راح تندم وتولي ضايع تاع الصح
اكرر الارادة ثم الارادة خليك قوي وشجاع
ربي يجعلك الشفاء ان شاء الله
بالتوفيق

[Elwawy]

يا أخي يجب أن تعترف للطبيب أنك أخذت قرص لذلك الدواء و إلا لن يستطيع التشخيص, لا تجرب أي شيء و أعد زيارة الطبيب و أشرح كل شيء , لا تثق في الاستشارة عن بعد.

يا أخي هذه خالوطة ليست مخذرات, إقرأ وتثقف فقط ما دور هذا الدواء لن تأخذه بعد ذلك, هل تقبل أن تقايض صحتك بالمال, نعم؟ إذن قم ببيع أعضائك من كلية إلى قرنية عين كبد و كل شيء. فلماذا تقايض صحتك بالمجان؟

و بما أن جسمك لا يحتمل السموم لا تستهلكها, قم بعمرة, غير مكانك إقامتك مؤقتا (زيارة عائلة), جد شيء تحبه و قم به, رياضة , صيد في البحر, عمل, صلي في المسجد, ساعد العائلة الناس, إنظم لجمعية خيرية, إخترع برنامج يومي.

[عماد الفقير]

السلام عليكم
أسأل الله العظيم الكريم الرّحيم أن يشفيك شفاءً لايغادر سقما
عليك الدّعاء و الإلحاح فيه و سؤال المولى جلّ و عزّ ليجعللك سببا للشفاء

ثمّ عليك مباشرة الابتعاد عن الرفقة السيّئة ، عليك بصحبة الأخيار يا أخي..
ثمّ على عجل ، استشر طبيبًا و تحدّث معه مباشرة و اسرد له كل شيء لعلّ الله تعالى يرزقك شفاءً
و أبشر بالخير ..

[قدور بن عاشور]

لن يمكنك الإقلاع عن المخدرات و أنت تصاحب رفاق السوء
روح للجامع و دير صحاب هناك
و انسى رفقة السوء

[visa uk]

اخي نعرف شخص كان موسوس بزاف يخدم في الاطفاء بومبيي كان جد موسوس وطبعا راح للطبيب اعطالو ادوية بينها اسمو temesta 01mg ضربها لفترة محددة وحد 30يوم اقراص متتالية تنحالو كامل وسواس من مخو مخو ولا صافي ولا يرقد مليح مليح وقلبو صافي وعقلو صافي عندو رزمة دواوات يشربهم منها هدا تيميستا هايل وجرعات قليلة بزاف حتي برا نتا ضربت صاروخ هو ضرب تيميستا ونوزينون