اللي عندها حشوة تتفضل

** موحدة 02 ** · 2012-01-17, 22:00

السلام عليكم
كي كنت نجرب في الخبز البلغاري و شفت بللي الاخوات اللي جربوه قبلي داروه بحشوات مختلفة ايا جات في بالي قكرة انو نكتبو كل الحشوات المالحة او الحلوة الخاصة بالعجائن او الحلويات أو بأي طبق محشي.نذكروا الحشوات و الاطباق اللي تجي فيها..و منها نستفادوا من بعض و ننوعو في الحشوات
ايا وش رايكم و وش قلتوا...:d..

** موحدة 02 ** · 2012-01-17, 22:03

نبدا انا بسم الله
احب حشوة عندي تع البوراك
لحم مرحي + بصل + فروماج + بيض مقلي + بطاطا مغليه +معدنوس
نقلي البصل نضيفلو اللحم مع الحرور و الملح حتى يتشوح اللحم زين و نخليه يبرد
نمرس البطاطا نضيقلها اللحم و الفروماج و البيض المقلي و المعدنوس و ممبعد نزيد القيونداشي و نخلط الجميع و نعمر البوراك تاعي

my lamis · 2012-01-18, 09:28

فكرة هايلة مشكووووووووووورة
أنا أحب حشوة عندي ثان تاع البوراك بصح بالاك تجيك غريبة هي كل واحد و الذوق تاعو
أنا نعمر البوراك تاعي بالتشكشوكة تاع البصل برك و نكثرلها الحااااااااااااار تجي تهبل مع الحريرة و ثان البريك بالبيض نموت فيه
و الله قاع العجاجن المحشيين نحبهم بصح البوراك بهذي الطريقة نموت فيه
فكرتيني فيه

** موحدة 02 ** · 2012-01-18, 10:10

شكرا ام لميس صح تع الشكشوكه جاتني بيزار بصح نجربوه ان شاء الله
و البريك وش ديري فيه البيض وحدوا؟؟؟ اعطينا تفاصيل

my lamis · 2012-01-18, 10:15

جربي حبة و ذوقيها و الله هايل و هو حار
أما تاع البيض تخلي الخبزة تاع الديول مفتوحة و تفقسي فيها حبة بيض بلا متضربيها و ديريلها شوية حرور و ملح و طبقي الديول تخرج مربع طبقيه كيما المسمن و قليه و الله يخرج رووووووووووووعة
كاش نهار ندير الديول و نوريلكم تاع التشكشوكة و البيض

** موحدة 02 ** · 2012-01-19, 16:20

وش ما عندكمش افكار و اللا مش حابين تشاركونا
و اللا خايفين من العين :d

ام محمد اصيل · 2012-01-19, 17:19

انا حشوة البوراك تاعي هي نحط كمية من البطاطا المرحية +شوية هريسة+فرماج+بصل مقطع رقيق+زيتون اخضر بدون نواة مقطع*لحم مرحي مشوح في شوية زيت+كمية من المعدنوس مقطع وندير فراغ في الوسط نحط فيه كمية من البيض المخفوق بالاضافة الى رشة من الفلفل اسود +كمون وما ننساش الفلفل الحار الاخضر مقطع يجي هايل ديجا فكرتيوني فيه غدوة ان شاء الله نديرو

هاجر 76 · 2012-01-20, 15:17

سلام اختى تقوى وكل الاخوات
انا موالفة ندير شعال من حشوة مرات ندير الكفتة مع البصل والفرماج برك
ومرات معاها بطاطا مسلوقة وزيتون مقطع قطع صغيرة
بصح جاتنى مرة فكرة وجربتها فى رمضان صنعت عجينة الفيلو و الحشوة بيشاميل تقيلة شوية مع الكتير من الفرماج وحبة بطاطا
مسلوقة ونص حبة بصل مفتة و مدبلة فى الزيت وخدمتهم والنتيجة منقولكش بوراك بنين نتمنى تجربوه
وتانى انا نحشى الرقاق بحشوة البطل مع الطماطم الحارة والزيتون ونديرة فى الكوشة يخرج روعة

تحياتى للجميع

janino · 2012-01-20, 15:28

انا كل شىء و الحشوة نتاعو مثلا ليشوصو ندير بصلة مقلية مليح طماطم قطع زيتون اخضر فرماج توابل تونة بالزيت او طماطم بيض مغلى مقطع بالنسبة للبوراك لحم مرحى مشوح توابل معدنوس زيتون اخضر بصل نىء فلفل حلو نىء طماطم نىء بيض فرماج و نقفلها و نقليها من بعد نزيد نتفكر عندى طرق كثيرة بصراحة نحب نختارع مشكورة اختى صاحبة الفكرة

** موحدة 02 ** · 2012-01-20, 15:32

اقتباس:

المشاركة الأصلية كتبت بواسطة ام محمد اصيل

انا حشوة البوراك تاعي هي نحط كمية من البطاطا المرحية +شوية هريسة+فرماج+بصل مقطع رقيق+زيتون اخضر بدون نواة مقطع*لحم مرحي مشوح في شوية زيت+كمية من المعدنوس مقطع وندير فراغ في الوسط نحط فيه كمية من البيض المخفوق بالاضافة الى رشة من الفلفل اسود +كمون وما ننساش الفلفل الحار الاخضر مقطع يجي هايل ديجا فكرتيوني فيه غدوة ان شاء الله نديرو

الله يبارك قولينا درتيه و اللا مازال؟ يا ريت تصوريه عجبتني تع الهريسة ماجاتش في بالي كااامل

** موحدة 02 ** · 2012-01-20, 15:35

و عليكم السلام بيترا...ان شاء الله رانا نجربوه و منكم نستفيد
عندي مشكل.... مانبغيش البيشامال ممكن نستبدلها بحاجة وحدخرا ؟؟

** موحدة 02 ** · 2012-01-20, 15:42

اقتباس:

المشاركة الأصلية كتبت بواسطة janino

بالنسبة للبوراك لحم مرحى مشوح توابل معدنوس زيتون اخضر بصل نىء فلفل حلو نىء طماطم نىء بيض فرماج و نقفلها و نقليها من بعد نزيد نتفكر عندى طرق كثيرة بصراحة نحب نختارع مشكورة اختى صاحبة الفكرة

شتاهو السر في الخضر النيئة خاصة الفلفل
ماذا بيك تتحفينا بأفكارك و اختراعاتك الله يحفظك

janino · 2012-01-20, 19:17

اختى تقوى السر فالخضر النية انها تبقى محافظة على رائحتها نقصد فالبوراك خاصة دوق الفلفل الحلو و البصل لما يتقلى البوراك تجى رائحة هائلة والله شهيتونى فالبوراك فهد ليمات نديرو ولادى ما يحبوهش بصح انا وزوجى نموتو فيه

janino · 2012-01-20, 19:23

السر اختى تقوى قالخضر النية هى لما يتقلى البوراك تتقلى هد الخضار شوية برك و تجى رائحة و دوق هائلين اقصد فلفل حلو و بصل فالبوراك فقط

** موحدة 02 ** · 2012-01-21, 16:58

اقتباس:

المشاركة الأصلية كتبت بواسطة janino

السر اختى تقوى قالخضر النية هى لما يتقلى البوراك تتقلى هد الخضار شوية برك و تجى رائحة و دوق هائلين اقصد فلفل حلو و بصل فالبوراك فقط

ان شاء الله نجرب هذا الذوق،انا ندير البوراك في الفور مازال مادرتوش مقلي نحسو يجي ميدم بزاف
ؤاني نستنى في حشوات أخرى