محتاج مساعدة- شركة GCB او منطقة الصناعية p1 ارزيو

mohammed dz · 2016-07-26, 23:49

السلام عليكم

معكم محمد مهندس مدني عملت سابقا في شركة gcb لمدة 3 اشهر .

و اريد دفع cv الخاص بي في مقر الشركة الواقع في المنطقة الصناعية p1 ب ارزيو وهران و لكن تم منعي من الدخول .

ممكن مساعدة لدفعه او الدخول .

شكرا.

سرب النحل · 2016-07-27, 08:46

هذه الشركة يعمل بها سوى من استطاع الصمود فيها من الفئة التي تصبر على الحقرة والتي لها قدرة على الصبر امام اللاهانة ....اذا ما عندمش معريفة مع رئيس المشروع ام المدير ا غير ما تعبش روحك

habib31000 · 2016-07-27, 19:50

اقتباس:

المشاركة الأصلية كتبت بواسطة سرب النحل

هذه الشركة يعمل بها سوى من استطاع الصمود فيها من الفئة التي تصبر على الحقرة والتي لها قدرة على الصبر امام اللاهانة ....اذا ما عندمش معريفة مع رئيس المشروع ام المدير ا غير ما تعبش روحك

الله يحفظك خويا خطرة درت عندهم اتروتيان ماستر هندسة كهربائية مي قالي المدير ماتخدمش بالماستر وكونطرا لولة ماعجبناش حبست هدرلي هدرة عوجة ايا مابغيتش ندخل معاهم مي على حساب هدرتك فيها الدل بزاف ؟؟؟ والخلصة مليحة ولا عيانة دروك راني خدما في شركة اجنبية مع جزائرية راني نتدي 4 ملاين تبانلك مليحة ؟ راني هناي ومكانش لي يحوس عليا قاع ندخل وقت لي نبغي والوقت لي نخرج فيه والحمد لله
كي تبانلك درت غاية ؟. كاين لي لاموني لي مادخلتش فيها

سرب النحل · 2016-07-28, 08:12

الكونترا فيها صعيبة باه تجددها باه تعرفها القائمة انتاع الخدامة لي لي يديرها رئيس المشروع شاف دو بروجي يصرا فيها لعب وتخلاط كبير كيما قلتلك بلا معريفة راه ينساوك وما يزيدوكش في القامة انتاع تجديد الكونترا ولو كنت خدام ومنضبط في الخدمة ...المشكل ما هوش في الخلصة اذا الفارق مكانش كبير المهم اللاستقرار وتضمن انو الكونترا راح تعاودها ....تهنيت من هذه الشركة اغلبية الناس يقولو شركة وطنية بصح ما يعرفوش انو كي هي كي البريفي حتى البريفي خير منها من ناحية اللايواء وظروف المعيشة ما هيش مليحة زيد كي يخلاص البروجي وين راك خدام اكيد راح تخلاص الخدمة انتاعك

canada_13 · 2016-07-28, 19:37

مدلي cv نتاعك ندفعولك في لازون ارزيو في سبيل الله

canada_13 · 2016-07-28, 19:40

مدلي الفايسبوك نتاعك
و ناجوتيك و نهدرو و ادا راك في ارزيو اطيلي رقم الهاتف نعيطلك و نتلقاو

mohammed dz · 2016-07-30, 00:31

تم ارسال الفيسبوك

lias · 2016-07-31, 14:49

أنا تاني باغي ندفع cv تماك واللي حب يدير الخير يتصل بي

canada_13 · 2016-07-31, 21:30

راني اجوتيتك ... الاخ الياس ابعثلي فايسبوك

mohammed dz · 2016-08-01, 00:36

السلام عليكم

ماهو فيسبوك ديالك

TKN7 · 2016-08-04, 21:03

أحتاج مثل هذه المساعدة من فضلكم

mohal48 · 2016-08-05, 18:57

أحتاج مثل هذه المساعدة من فضلكم

فضيلة1212 · 2016-08-27, 22:37

ياأخي أحتاج هذه المساعدة لزوجي عندو شهادة مهندس دولة في الميكانيك تخصص نقل طاقويات وراه بلى خدمة وزيد تاني راه في 10 من التخرج الجامعي من فضلك يا أخي ساعدني. شكرا

علي عموري · 2016-08-29, 10:40

السلام عليكم و رحمة الله و بركاته
الى الاخ canada_13
هل من مساعد لدفع CV

canada_13 · 2016-09-26, 15:06

salam alaikom wara7mato ellah ,
lil 2asaf ikhwani kont nakhdem fe la zone arzew kan 3andi l'acces mais dorka 7awzouni bghit n3awenkom mais ellah ghaleb
esem7ouli makontch nreponder kano 3andi machakil