الى كل بنت والى كل راجلللللللللللللل - الصفحة 2

naziha.zio · 2011-01-25, 20:27

اقتباس:

المشاركة الأصلية كتبت بواسطة boulbi

و الله يا اختي كلام ذهب قليل اللي يعرفله
مانيش ضد عمل المراة بصح كاين حالات نمشوا نفوتوا كونكور تلقى 10% رجال و 70% نساء و 20% ماجاوش كرهوا
اللىي مافي حالهاش ولا الوالدين عاجزين ومعندهاش الرجال يخدموا عليهم انا نسمحليها في بلاستي و نتحيلها بصح 80% من النساء يردن العمل ليس من اجل العمل و انما لمآرب اخرى و اعذروني على صراحتي

يا اخي انا نتحيلك على الرد تاعك ....مي لازم تعرف مليح خويا ...

درك والله متقدر تعيش بلا دراهم خاصة حنا البنات لازملنا دراهم ...باش تتزوج

وانا اولهم راني حايرة مين نبدى ولا نكمل ...

وبابا يقارعلي غير باش نخدم باش نعاونو ولاو بشوية ...

هدا زمان صعيب بزاف ...وميحس بالجمرة غير لي كواتو ....

واللي مشي حاكمة قدرها وشرفها هايدك حاجة وحدخرة ..

****
.....والاخ هشام اللي قال مكاش اللي راه يقرى قرآن ....

يا اخي اتقي الله في نفسك ...متحكمش على الناس هكدا ....عيب ...

كون نقولك النساء اكترهم يقراو ويحفظو الكتاب كترمنكم انتم ....واش تقولي ؟؟؟؟؟

.................سلام .......

naziha.zio · 2011-01-25, 20:32

اقتباس:

المشاركة الأصلية كتبت بواسطة aissamchemora

والله يالبنات وين تروح تلقاهم
ماعيهش يستاهلو الخدمة
مي والله غير بزاف
والي ماعجبهاش الحال من البنات
تجــــــــــــــــــاوبني..................
عصام الشمري

انا اللي معجبنيش الحال ....باسكو مين تحبو تتزوجو شا تقولو الى جات الطفلة ما جايبة معاها والو ...

وين راه ذهبها وين راه جهازها وين راه فراشها ...ياخي 30 مليون ويلا ...

نقصولنا حنا من جيبي جيبي ...نقعدو في الدار

راني نقول الصح اوكي

البوعزيزي · 2011-01-25, 20:34

الله يسهل للراجل وللمرأة

BOULBI · 2011-01-25, 20:40

اقتباس:

المشاركة الأصلية كتبت بواسطة naziha.zio

انا اللي معجبنيش الحال ....باسكو مين تحبو تتزوجو شا تقولو الى جات الطفلة ما جايبة معاها والو ...

وين راه ذهبها وين راه جهازها وين راه فراشها ...ياخي 30 مليون ويلا ...

نقصولنا حنا من جيبي جيبي ...نقعدو في الدار

راني نقول الصح اوكي

ما نوافقكش الراي معذرة جل الشباب اصحابي الي نعرفهم يحوسوا على المراة مولات الدار اللي كي نفتح الباب نلقاها تتسنا فيا بابتسامتها الحلوة وكلامها العسل ماني باغي والوا منها الفراش و الصوالح الاخرى تجي مع الوقت راكي فاهمة اختي
واحنى مايسموناش الرجال الا ما قمناش بمصروف الدار و اللي تحب واحد تبقى معاه على الزينة و الشينة الحلوة و المرة ولا راني غالط’؟؟؟؟؟؟؟؟؟؟؟؟؟؟

naziha.zio · 2011-01-25, 20:43

اقتباس:

المشاركة الأصلية كتبت بواسطة boulbi

ما نوافقكش الراي معذرة جل الشباب اصحابي الي نعرفهم يحوسوا على المراة مولات الدار اللي كي نفتح الباب نلقاها تتسنا فيا بابتسامتها الحلوة وكلامها العسل ماني باغي والوا منها الفراش و الصوالح الاخرى تجي مع الوقت راكي فاهمة اختي
واحنى مايسموناش الرجال الا ما قمناش بمصروف الدار و اللي تحب واحد تبقى معاه على الزينة و الشينة الحلوة و المرة ولا راني غالط’؟؟؟؟؟؟؟؟؟؟؟؟؟؟

اوكي ماركش غالك ...بصح متقولش مخصني والو منها ....

هادي عادات الجزائر كاملة وتقاليدها ....

وانا مغاديش حياتي كاملة نخدم ...مين نتزوج اكيد نقعد في بيتي ....

وشكرا

عبدالقادر 02 · 2011-01-25, 20:44

هاوتي انا قلتلكم هذا رايي وانتوما اين لي وافقني وكاين لي لالا لازم مديرو انتخابات
من مع المراة العاملة
من مع المراة الماكثة في البيت
اختي نزيهة رانا دايرين موضوع ونتمنى ان شاء الله من الجميع يعجبكم
وراني فرحان كي شفتو هذا الكوضوع وشاركتونا افكاركم

naziha.zio · 2011-01-25, 20:47

مرسي على الموضوع عبدق خويا ...ربي يهنيك

عبدالقادر 02 · 2011-01-25, 20:50

اختي نزيهة راني غيرت مسن ديالي وراني درتلم انفيتاسيون kadirove ويلا عندك ***** tebib99

ALIAOSA · 2011-01-25, 21:02

السلام عليكم
مرأة ولا رجل ربي قسم الرزق وكل واحد يدي الي كتبلو ربي سبحان هذا كلام ما يدي ما يجيب الي ربي كتبلو يخدم يخدم
وزيد اذا المرة ربي مكتبلهاش الزواج اصلا. على الاقل يكون عندها حاجة تتكى عليها وتبعدها على شر الزمان والحرام
وتاني كل واحد وظروفو بنت ولا ولد مول التاج ويحتاج خصوصي في هاذ الزمان
الله يعاون كل الي يستاهل ويخدم باش ينجح وربي يجيب التيسير والتوفيق

lhou71 · 2011-01-25, 21:04

أنا شخصيا أطالب بشيء واحد فقط و هو أن يساووا بين المرأة و الرجل و ذلك في مسألة الخدمة الوطنية ... إذ كيف يعقل أن يطلبوا من الرجل أن يقوم بالخدمة الوطنية و إلا فلا يوجد له وظيفة ، و الأمر ليس كذلك بالنسبة للمرأة

bibichaa · 2011-01-25, 21:14

يا خاوتي متدلموناش حتا حنايا رانا مغبونين
مرنيش ضد لقعاد فدار بصح الظروف الله غالب

smisma87 · 2011-01-25, 21:14

اقتباس:

المشاركة الأصلية كتبت بواسطة عبدالقادر 02

هذا مجرد راي
هل يمكن لكن ان تقعدن في البيت وتتركن لنا العمل من اجل ان نتزوج بكن وبالتالي نقضي على مشكلتين في نفس الوقت
- البطالة
- العنوسة في الجزائر
وهكذا ستنعمن بحياة طيبة وجميلة وخالية من مشكلة البحث عن عمل
ارجو ان تشاركوني فهذا مجرد راي خاص بي انا وتود ان ارى من توافقني ومن يوافقني فيه
وشكرا لكم جميعا اخوتي الكرام

اني معاك في الفكرة لكن الله غالب تعلمنا ودرسنا باه نخدموا ....

smisma87 · 2011-01-25, 21:19

اقتباس:

المشاركة الأصلية كتبت بواسطة lhou71

أنا شخصيا أطالب بشيء واحد فقط و هو أن يساووا بين المرأة و الرجل و ذلك في مسألة الخدمة الوطنية ... إذ كيف يعقل أن يطلبوا من الرجل أن يقوم بالخدمة الوطنية و إلا فلا يوجد له وظيفة ، و الأمر ليس كذلك بالنسبة للمرأة

اول مرة نلقى واحد من جنس الرجال يساندني في رايي فيما يخص الخدمة الوطنية للنساء والله نستهلوا ..هههههههههههه

shakip39 · 2011-01-25, 21:28

اقتباس:

المشاركة الأصلية كتبت بواسطة hounada

قال تعالى " و قرن في بيوتكن .........."
لله في خلقه شؤون
و ما ينطق على الهوى ان هو الا وحي يوحى ............
من يشاطرني الراي

لاحول ولا قوة الا بالله لاتحرف القران الله يهديك اذا لا تحفظ جيدا لاتكتب
وما ينطق عن الهوى ان هو الا وحي يوحى علمه شديد القوى.....سورة النجم

boutkh40 · 2011-01-25, 21:40

السلام عليكم ورحمة الله وبركاته

شكرا على الموضوع ، العمل ليس ضروري للمرأة فأنا أنصح كل أخت تبحث عن الرجل المسلم المناسب وتربية الأجيال الصاعدة أحسن تربية