بسبوسة بالشوكولا والكابريس من مطبخي

ninafret · 2013-06-09, 13:30

صباح الخير حبيباتي كيما وعدتكم راح نقدملكم بسبوسة بنينة بزاف وحتى شكلها تحفة وتنفع للنجاحات والمناسبة
ربي ينجحلكم اولادكم ويفرحكم بيهم يارب

المقادير
3بيضات+كاس الا ربع زيت +كاس الا ربع سكر+نصف كاس حليب+3ملاعق كبيرة قهوة ثقيلة +كاس ونصف سميد متوسط يعني لاراهو مسمد ولا راهو خشين كي الدشيشة بمعنى كي تشري السميد استعمليه مباشرة +نصف كاس فرينة وممكن تعوضيه بنواد كوكو ونصيحة اعملوه بالنواد كوك يعطيكم مداق هايل خير من الفرينة+كيس خميرة ونصف+2ملاعق كاكاو

في صحن غامق حطي الزيت والسكر والبيض والقهوة والحليب خلطيهم مليح وزيدي السميد والكاكاو والفرينة والخميرة وقرصة ملح

خلطي حتى تتحصلي على خليط متوسط الكثافة

ادهني لي مول بالزبدة ورشيهم بالفرينة وصبي ملعقة كبيرة في كل مول كيما الصورة

دخليهم لفرن مسخن مسبقا على 180درجة حتى تنشف البسبوسة ويولي لونها غامق من الحواشي

كي تخرجيها مباشرة اسقيها بخليط الكرمال

اللي هو عبارة علىنصف كاس حليب زيديلو 20 حبة كبريس وحطيه على نارهادئة حتى يذوب وزيديلو 3 ملاعق كبيرة قهوة ثقيلة و2 ملاعق كبار عسل ولا ممكن تستعملي النيستلي اللي يتباع في علب تحليه في نصف كاس ماء وتسقي بيه

المهم ان البسبوسة تكون سخونة وخليط الكرمال بارد خليها في ليمول حتى تتشرب مليح انا كان عندي الوقت خليتها الليل كامل وفي الغد كي جاوني الضياف قلبت الحبة وزدت سقيتها شوية برك وحشيت الوسط بلاكرام شانتيي وبرشت فوقها شوكولا سوداء

هنا بنفس الخطوات وكي كابت سقيتها بشاربات عادي عملتها في البيت خلطت معاها شوية ناسكافي ثم برشت فوقها شوكولا امباسادور وهي دافية حتى تذوب على الوجه وفي الغد زدت برشت فوقها الشوكولا وقكعتها مربعات وقدمتها

والله بدون مبالغة طعمها مختلف تماما وروعة وكي تذوقيها اول مرة ماتعرفيش مكوناتها لانها فيها عدة نكهات
هاذ الكمية تعمل حتى ل 28 حبة بالمول كيما اللي في الصورة

نتمنى تنال اعجابكم حبيباتي ونهديها لكل الامهات اللي عندهم اولادهم يمتحنو ونزيد نقلهم ربي ينجحهم وتفرحو بيهم يارب

أم ماجد · 2013-06-09, 13:38

الله يبارك نينا
راني اديتهاحبيبتي لكن ليا هههههههههه

jouhainaaljamila · 2013-06-09, 13:39

امممممممممممممممممم هايلة بارك الله فيك

فايزة44 · 2013-06-09, 13:42

امممممممممممممممممم شكرا نينا الغالية على الوصفة الجديدة ، وربي يرزقك بالذرية الصالحة عاجلا عاجل يارب

ninafret · 2013-06-09, 13:42

اقتباس:

المشاركة الأصلية كتبت بواسطة أم ماجد

الله يبارك نينا
راني اديتهاحبيبتي لكن ليا هههههههههه

حبيبتي ام ماجد تستاهلي كل خير غاليتي مالا قولي لصلاة تجربها علابالي فيها فحلة وبنت الفحلة راني ديما نتبع مواضيعكم وبوسة كبيرة لماجد ربي يحفظهملك

*ايمان* · 2013-06-09, 13:44

مشكوووووورة وان شاء الله ساجربها

ninafret · 2013-06-09, 13:44

اختي جهينة شكرا على المرور
حبيبتي فايزة والله فرحتيني بدعواتك يا العزيوة ربي يتقبل منك حبيبتي

ninafret · 2013-06-09, 13:45

اقتباس:

المشاركة الأصلية كتبت بواسطة *ايمان*

مشكوووووورة وان شاء الله ساجربها

العفو اختي ايمان ورانا نستناو تطبيقك بحول الله

الوهرانية 1 · 2013-06-09, 13:45

الله يبارك حبيبة ماشاء الله دائما مبدعة ربي يبارك

ام محمد و ملاك · 2013-06-09, 13:46

امممممممممم هايلة اختي شهتيني

oum radja · 2013-06-09, 13:46

راااااااااااااائع انا نموت على الوصفات الجديدة
و راني متشوقة باش نذوقها و نعرف بنتها

ساندي 28 · 2013-06-09, 13:49

واو تهبل يعطيك الصحه حنونه ربي يخليك زيديلنا وصفات متل هدا النوع لاني من محبي الحلويات خاصه مع قهوه المساء اممممممم تشهي

لينا11 · 2013-06-09, 13:51

روووووووووووووعة حبيبتي كيما عادتك ماشاء الله

ان شاء الله عن قريب نذوق حلويات نفاسك عرضيني نجيك رانا قراب ماتخميش

ninafret · 2013-06-09, 13:52

حبيبتي الوهرانية شرفتيني مرورك حبيبتي لانك انتي تاني مدرسة وديما نتعلم منك الجديد والمفيد
اختي سارة شكرا على المرور
اختي ام رجاء جربيها ماتندميش حاجة جديدة وبنينة

ninafret · 2013-06-09, 13:54

اقتباس:

المشاركة الأصلية كتبت بواسطة omnadjem.10

واو تهبل يعطيك الصحه حنونه ربي يخليك زيديلنا وصفات متل هدا النوع لاني من محبي الحلويات خاصه مع قهوه المساء اممممممم تشهي

اهلا اهلا بالغالية والله كنت نستنى في ردك انتي واختي ام ابراهيم لانكم ديما تردو على مواشيعي جربيها وراح تعجبك وانا راني مانبخلش كل مايكون عندي الوقت نحطلكم الجديد