معاكسة الشباب للبنات

[lisace2]

انا لم ارى فتات بلباس محتشم يضايقها فتى.........

[allen poe]

بسم الله الرحمان الرحيم

أولا هذا الموضوع حساس ويحتاج الى وقت لدراسته الا انه مما لاشك فيه ان انجذاب الجنسين الى بعضهما امر فطري ولابد منه ...الا اننا لسنا بحيوانات ولدينا عقول نتدبر بها وقن الله لنا قوانينا يجب ان نتقيد بها ولا نجادل فيها حتى

وان طبقت هذه الشرط بحذافرها لما شهدنا مشاكل ابدا

الا اننا نكاد لا نطبق شيئا من هذه القوانين ومن بينها " حق الطريق " ...فالشباب ما فتئوا يصطفون في الطرقات ويتبادلون اطراف الحديث فيها ....ويتزينون ...ويضحكونو يعيدون النظر في هذه وتلك ....وقد يصلون حتى الى الغيبة او النميمة او السب .........

الا انه للفتيات نصيبهن من اللوم ....فقد اصبحن يشاركون الفتى في كل شيئ في حياته ؟؟؟ ( هواتف نقالة , الكترونيات , سراويل جينز , روائح عطرة قوية ) اظافة الى اللباس الغير محتشم ...ورفع العيون في عيون الشباب اين ذهبت الحشمة والحياء بربكم ؟؟

اصبح الشاب هو من يطأطؤ برأسه وينزل عينيه الى الأرض ؟ واصبح هو من يسارع الى بيته والفتاة لا ؟

ناهيك عن معاكسة الفتيات للشباب ... الله يستر


المهم موضوع طويل عريض المخطئ فيه كلا الطرفان

والحلول هي :

تقوى الله بغض النظر ...والخوف من الله بعدم تتبع عورات الناس ...ولباس اللباس الشرعي المحتشم اي " الحجاب الشرعي المحتشم" وعدم وضع اي شيئء من الزينة في الوجه " للفتيات" وكذا الروائح العطرة القوية التي تجذب اتقى الناس حتى

وكذا تجنب الجلوس في الطرقات للبنين والحملات التوعوية لكلا الجنسين التي نفتقر اليها كثيرا حاليا حيث اصبح من يندد بهذه الأشياء " متخلفا" والعياذ بالله


والله اعلم

[المنصور3]

رب العالمين يقول في كتابه العزيز (يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاء الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ذَلِكَ أَدْنَى أَن يُعْرَفْنَ فَلَا يُؤْذَيْنَ وَكَانَ اللَّهُ غَفُوراً رَّحِيماً)
البنات المتبرجات هن سبب في وجود المعاكسات، أما بعض المتحجبات فإنهن يتدللن في أصواتهن مع الرجال الأجانب ويكثرن الضحك أثناء المشي في الشارع فيكون ذلك سببا في معاكستهن ولو أن الفتاة سترت نفسها وتركت أنوثتها في البيت لكان أحسن ولا أقصد من ذلك أن تكون رجلا في الشارع إنما يجب أن تكون صارمة في كلامها عند دخول المحلات أو الإدارات وغير ذلك وأن تكون مستقيمة في مشيها حتى لا تكون فتنة .

[pulls]

في الحقيقة حتى لو احتشمت البنت فستعاكس
الامر راجع فقط لزماننا هذا وقليق بل نادر جدا مايغض البصر الفتى
لانه عندما يولد الطفل خاصة عندنا بالجزائر كيشوفوا الغريان بيبي صغير يشوف في وحدة ويلعب معاها يقولو لمو ولدك غادي يخرج يقابر اي يعاكس ولا راني غالطة ؟؟؟

[widwida]

كل واحد راح يتحاسب وحدو
بصح الذكور شوية احترام فانا غير متبرجة و كرهت الخرجة من المعاكسات

[الطريق نحو القمة]

السلام عليكم
الفتيات يكشفن عن أجسادهن ثم يتضايقن من التحرشات
وهناك من الفتيات من يفعل ذلك عمدا
في حين الشاب لا يغض بصره
هل يعاكس الشباب الفتيات الملتزمات اللواتي يرتدين ثوبا محترما شرعيا يسترهن ؟ لا أظن ذلك
تخرج الفتاة بلباس شبه عاري ثم تعود للمنزل متضايقة من المعاكسات

[jackin]

[*قطر الندى*]

لا والله العظيم كاين بنات محتشمات ومتربيات
يتعرضن للمعاكسات ..........، إذا شافت في لرض ........قالو باينا عاقلا وساهلا يله نعاكسوها
و إذا شافت للقدام عادي قالو ......علاش ماشي مقيمتنا يله نعاكسوها ...........................
والله مافهمنا والو ..................................................
أنا رأيي كلش راجع لعقلية الشاب ..........إذا فاتت قدامو بنت متبرجة ولا ماشي متبرجة .........إذا كان هو متربي و عندو قناعاتو الرزينة ........
حاجة باينا ماتصراش المعاكسات ...........ياخي رانا ناقشو في المعاكسات واللي مصدرها الشاب في حد ذاتو ....يمالا نعالجو الداء من مصدر نتاعو ........اللي هو عقلية الشاب ............... على كل أصلح الله العقليات كافة .................. تقبلوا مروري هاهنا ........... أختكم *قطر الندى*

[اَلْغَامـ''ــضْ²]

السلام عليكم
اذا كانت البنت محتشمة فلن يمسها اي احد
ولكن اذا كانت غير محتشمة فذلك يعرضها لمعاكسة و تحرش الشباب عليها
فنسأل الله عز وجل ان يهدينا صراطا مستقيما

[salima14]

ما نقولوش الأمر يرجع لتربية ما كانش اللي يرضى لبنتوا
هي تمشي و الرجال من موراها و الشباب ما رحش يعاكس
قدام بوه أكيد و مارحش يقول لبوه راني رايح نعاكس
المشكل في لبنات يسترو رواحهم و يحكمو الدار لولاد مايلقاو
ما يعاكسوا كاين اللي تقولك أنا متحجبة و ماطلقونيش
لوكان تشوف حجابها تعرف علاش مطلقوهاش سروال
و تريكو ملون سيري و قطعة قماش عاكسة بيها شعرها و مكياج
يلمع و روايح تفحفح و نهار كامل وهي تحوف وتزوف برا
إذا كان حجابك أختي شرعي تخرجي ألف مرة فالنهار
ماكانش اللي يوصلك بكلمة وربي يهدي لبنات و الشباب يارب

[اماني بريئة]

والله غير كاين بنات ساترين ارواحهم بصح شباب يعاكسهم
والله غيرالمعاكسة لدى الشباب اصبحت مرص او عمل واجب
لازم كي يشوف انثى حتى لوكانت قد يماه يعاكسها
2 كذلك كاين بعض البنات كي راكم تقول ماشي ساترين رواحهم

جزاك الله خيرا على الموضوع
شكرا

[اماني بريئة]

اللهم اهدنا واستر بنات المسلمين امين

[العميد2006]

الله اعلم ما فهمنا والو ربما هي الغريزة الحيوانية اللي في الشباب

[hanine23]

انا راني مع اختي صوفيافي واش قالت . حتى الوحدة تكون ساترة روحها وتفوت على واحد لازم يقول كلمة .يالوكان تعود تافهة

انا نشوف فيها ولات عادة للشبان خلاص والفوها وتاني كل هاد الشيء انا بالنسبة ليا يعود لتربيتو واصلو

ويظهر لي الانسان لي يكون متربي عمرو ما يدير صوالح كيما هاك

[سامية الشاوية]

السلام عليكم
أولا الشاب كي يكون متربي وولد فاميلا مهما كانت البنت اللي تمر امامو متحجبة متبرجة مايتلقلهاش ومايعاكسهاش
يعني ميش غير اللوم على البنات
انا واش نشوف انو الشباب يعاكسو البنات وحتى الكبيرات في السن وبكل صراحة المهم اكون خيال مرة لا يهم زينة باشعة كبيرة صغيرة
ومن جهة اخرى لبنات معندنا منقولو فيهم يخرجو في مجموعة شكون يعاكسوها اكثر يعني من تفوز باكبر قدر من التعليقات
في النهاية ربي يسترنا ويستر نساء المسلمين