تعيشو ساعدو ني في وصفات للقرحة معدة

[اياد حياتي]

السلام عليكم ان شاء تكونو بصحة والعافية راني حيرانة يوم زوجي قالو طبيب لازم تبع رجيم عندو قرحة وزيد قولون العصبي والله حرت واش نطيبلو مع هو يحب ماكلة ويكره رجيم سوختو خضرة مفورة يا ريت كل وحدة تمدلي كاش وصفة صحية نديرها ولي تعرف طريقة لتحضير بويون يكون بدون توابل واجركن على الله

[غزالة الصّحراء]

المشاركة الأصلية كتبت بواسطة اياد حياتي

السلام عليكم ان شاء تكونو بصحة والعافية راني حيرانة يوم زوجي قالو طبيب لازم تبع رجيم عندو قرحة وزيد قولون العصبي والله حرت واش نطيبلو مع هو يحب ماكلة ويكره رجيم سوختو خضرة مفورة يا ريت كل وحدة تمدلي كاش وصفة صحية نديرها ولي تعرف طريقة لتحضير بويون يكون بدون توابل واجركن على الله

وعليكم السّلام ورحمة اللّه وبركاته.
أختي الغاليّة من لا يحبّ الأكلات الشّهيّة. لكن عند الضّرورة لانفكّر في شهوتها بقدر مانفكّر في المحافظة على صحّتنا. ومادام الطّبيب أمر بحميّة فيجب ذلك. فعلى زوجك ذلك ليحافظ على صحّته . وأفضل حمية هي الخضر المفورة.
أمّا عن البيون تقدير اتديري كلّ الخضر ألي عندك مع بعض فالأحسن في قدرة أنتاع الطين + قليلا من زيت الزّيتون + ملح + قرصة فلفل أكحل + القسبر، ماتقليش بزاف ، زيدي بعد ذلك ماء ساخن على حساب كميّة الخصرا. ولمّا اتطيب ارحيها بالميكسور. لازم أتجي اشويا اثقيلة. وزيديلها اشويا قسبر مقطع إلى ىقطع صغيرة.
ثاني ديريلو الشلاطة . راهي بزاف أمليحة ديري فيها الطماطم والبصل والجزر والخيار. ندهنها بزيت الزيتون وقليلا فقط من الخل والملح.
ربّي ايجيب الشفاء العاجل لزوجك. وطبعا لابد له من أخذ الأدويّة على حساب ماقرّره الطبيب . وايضا لابدّ من المراقبة الطبيّة المستمرّة.
أتمنّى أن أكون أفدتك ولو بالقليل على امل ان يجد موضوعك مشاركات قيّمة من باقي الأخوات.

[نهلةن]

اختي ربي يجيب الشفاء لزوجك بصح عن تجربة طيبيلو العرعار ويشربو في بلاصة الماء يعني وين يعطش يشربو وعن تجربة ترتاح المعدة والقولون وياكل كل شئ ان شاء الله

[اياد حياتي]

المشاركة الأصلية كتبت بواسطة غزالة الصّحراء

وعليكم السّلام ورحمة اللّه وبركاته.
أختي الغاليّة من لا يحبّ الأكلات الشّهيّة. لكن عند الضّرورة لانفكّر في شهوتها بقدر مانفكّر في المحافظة على صحّتنا. ومادام الطّبيب أمر بحميّة فيجب ذلك. فعلى زوجك ذلك ليحافظ على صحّته . وأفضل حمية هي الخضر المفورة.
أمّا عن البيون تقدير اتديري كلّ الخضر ألي عندك مع بعض فالأحسن في قدرة أنتاع الطين + قليلا من زيت الزّيتون + ملح + قرصة فلفل أكحل + القسبر، ماتقليش بزاف ، زيدي بعد ذلك ماء ساخن على حساب كميّة الخصرا. ولمّا اتطيب ارحيها بالميكسور. لازم أتجي اشويا اثقيلة. وزيديلها اشويا قسبر مقطع إلى ىقطع صغيرة.
ثاني ديريلو الشلاطة . راهي بزاف أمليحة ديري فيها الطماطم والبصل والجزر والخيار. ندهنها بزيت الزيتون وقليلا فقط من الخل والملح.
ربّي ايجيب الشفاء العاجل لزوجك. وطبعا لابد له من أخذ الأدويّة على حساب ماقرّره الطبيب . وايضا لابدّ من المراقبة الطبيّة المستمرّة.
أتمنّى أن أكون أفدتك ولو بالقليل على امل ان يجد موضوعك مشاركات قيّمة من باقي الأخوات.

بارك الله فيك أختي وجعلها في ميزان حسناتك

[اياد حياتي]

بارك الله فيك اختي نهلة ان شاء نجربهالو وتفيدو

[وفاء الياسمين]

السلام عليكم
كيف حالك أم إياد ربي يحفظولك

أنا ملي نشفا و يما عندها قرحة في المعدة يعني في بيتنا اصبحنا كلنا خبراء في ريجيم القرحة

نقولك ملاحضات اجتانبيهم دايما

أولا الطماطم أكبر عدو بكل انواعه طازج او مرحي مصبر يعني تخلصي منو و عوضيه بالطرشي الاحمر
الطرشي الي هو حبات الفلفل الحمراء اغسليهم و نقيهم من الزريعة و فوريهم و رحيهم بالميكسور مليح مليح حتى يوو كريمة و استعمليهم في الطياب نتاع زوجك .




ثانيا إياكِ أن تضعي التوابل و لو ذرة اي نوع ، و البديل أنك تشري زريعة البسباس حبة لحلاوة الكمون و الفلفل االابيض و الاسود حب وليسو مرحيين
غلي شوي ماء و ضعي فيه الحبوب المذكورة و صفيه بعد ان يغلي مليح و استعملي الماء وحده
لكن حذاري أولا اعطيه يجرب شوي ماء فيه الفلفل الاسود و اذا حرقو في المعدة ماتزيديش اديريه يكفيك حبة لحلاوة الكمون و البسباس و اذا حبيتي زيدي كروية و قصبر

ثالثا احسن انواع البويون هو الطبيعي جدا أي حطي الخضرة الي عندك في ماء و ملح فقط و دائما ضيفي الكرافس و الحشيشة مقطفة يعني الدبشة و المعدنوس
و ارحيهم مليح مليح و في الاخير باش تضيفي ملعقتين زيت زيتون

لا يكفي البيون و السلطة وحدها راح يسببلو ضعف و فشل في جسده و تعب لهذا يجب تعويضه بالحوت و ليس شرط حوت جديد الغالي يُباع حوت مجمد سعر في متناول الجميع
اشويهولو و فتتيه فوق البويون أو مع السلطة أو ارحيه مع البويون صدقيني بزاف يجي بنين مع البوين خاصة لو تكثري المعدنوس مع فصة ثوم يجو بزاف بنان



خامسا عمرك ما تحطيلو خبز جديد حاولي دايما تخلي الخبز يبات يومين على الاقل في الهواء دون اكياس و قطعيه دوائر رقيقة تساعدو على الهظم

سادسا تقدري تديري جواز طبيعي يعني تحمصي اي تقلي شوية بصل و ما تنسايش لازم يكون مقطع رقييييق باش ما يوجعوش و فصة ثوم و حمصي معاهم في ملعقة زية مع ملعقة ماء البطاطا و الجزر و اي خضرة يحبها و طيبيهم على نار قليلة و التمريق ديري بشوية برك باش اطيب ناشفة و كي قريب اطيب زيدي قرعة اي كوسة و خليه على نار هادية و في الاخير كي اطفي النار قطعيلو شوي معدنوس و ملعقتين زيت الزيتون و ممكن تحطي في المرقة الفلفل الحمر الحلو الي وريتلك كيفاش تخدميه را يكون بزاف بنين

اقنعي زوجك بطريقة هادئة انو لو ماجاهش الاكل بنين المرة الاولى راح يجيه بنين في المرات القادمة لأنه راح يتعود على المذاق الطبيعي مع الوقت


أما في ما يخص الاعشاب الي لازم يشربها
النعناع تيزانة



عندك الزيتون الحرطاني يعني الشجرة نتاع الزيتون الحرطانية أوراقها بزاف مفيدة \



الرمان قشوره يابسة اما تيزانة اما مرحية مع العسل أو مع زيت الزيتون على حسب تذوق زوجك



و حذاري التيزانة نتاع الرمان ما تكتريش قشور الرمان ديري شوية برك في الماء خاطرش اذا كثرتي راح يهلكو

الحلحال تاني بزاف يفيد المعدة ممكن أكله مسفوف مع طعام الشعير و ممكن تيزانة هاذي نسقسيلك يما و نرجعلك لخبر



و اذا تفكرت اشياء اخرى راني نزيد نقولهالك

[وفاء الياسمين]

عندك البيضنجال


قطعيه على زوج طوليا و ديري في مقلة ملعقتين زيت و اذا كان الباذنجال صغير ديري ملعقو حدة خليه يسخن و منبعد نقصي للنار و ديريها هادية و حطي البيضنجال على القشرة يعني القشرة من التحت



و حاولي الزيت ما يقيسش البيضنجال يعني غير القشرة و غطيه و خليه حتى يويلي كي الزبدة نحيه و خليه يبرد ومن بعد قشريه



و تقدري تخلي القشرة و الي نحتيه منها خلطيه مع اي شيء يساعد الريجيم مثل اللحم مع المعدنو و الفلفل الي طيبتيه من قبل


وديريه غراتان في الفور



مع البيض الفورماج ماشي مالح و لك هنا تتبع نصائح الطبيب و الاختيارات و اسعة

حمصي لبصل مع فصة ثوم و الفلفل الاحمر الي طيبتيه و وكي يطيبو ارحيهم مليح و زيديلهم معدنوس مقطع و ديريه فوق البيضنجال و جربي و قوليلي




ممكن تعملي كثير انواع غراتان ريجيم تفوري الخضرة الي تكوني حفرتيها على شكل قوارب اي زورق
وعمريها بفيونداشي مع المعدنوس و الفلف احمر و البيض و الحليب و الفورماج كلها ريجيم وديريها في الفور

[اياد حياتي]

واش نقولك يا أختي كريمة قد افدتيني كثيرا ربي ينورلك ما في بالك

[اياد حياتي]

أختي حبيت نسقسيك فيما يخص التوابل الي نطيبهم في الماء نستعملهم في طياب ولا كيفاه والكمون والفلفل ما يضروهش

[وفاء الياسمين]

المشاركة الأصلية كتبت بواسطة اياد حياتي

أختي حبيت نسقسيك فيما يخص التوابل الي نطيبهم في الماء نستعملهم في طياب ولا كيفاه والكمون والفلفل ما يضروهش

شوفي حطي كاسرونة فيها كأس ماء و ملعقة صغير من حبة لحلاوة و البسباس و الكمون و القصبر كلها زريعة ماشي مرحية و خليهم يغلو شوية كي تشوفي لون الماء بدا يتبدل نحيهم من النار و صفيهم و هذاك الماء الي صفتيه استعمليه في المرقة يعني ضيفيه في المرق مع الاخير يطلق البنة بلا ما يضر لان الضرر في التوابل هو هذوك الحبات صغار يلصقو في جدار المعدة و يحرقوها

الفلف غليه حب و صفيه و مديلو يذوق شوية و بعد نصف ساعة او اقل يشوف هو اذا ما حرقو و ما ضروش حطيلو منو و اذا حرقو خلاص ماتزيديش تستعمليه
لان كل واحد و درجة مرضه

والان نحاول نرفقلك مشاركتي ببعض الصور للتوضيح

طهور يارب

[اياد حياتي]

بارك الله فيكي والله يخليلك صحتك

[وفاء الياسمين]

المشاركة الأصلية كتبت بواسطة اياد حياتي

بارك الله فيكي والله يخليلك صحتك

بلا مزيه حنونة و اذا كاش ما تحتاجي رانا هنا و كي نتفكر كاش حاجه راني نقولك