🍰🍰🍰🍰اروع و اسهل بقلاوة على الاطلاق لا آلة و لا تعب 🍰🍰🍰🍰

[زينب 83]

السلام عليكم و رحمة الله و بركاته

[COLOR="Purple"]اليوم جبتلكم بقلاوة تونسية هي تختلف عن طريقة عمل البقلاوة الجزائرية و قريبة جدا جدا من البقلاوة التركية سهلة في العمل و نتيجتها رائعة



*المقادير

كاس نحط فيه ثلث زيت ،بيضة ،و الباقي نكملو ماء زهر

3 كيسان فرينة ممكن اكثر شوي او اقل
ابداو بزوج كيسان و زيدو بالشوي باه ماجيش يابسة
رشة ملح

*نخلطو المقادير حتى نتحصلو على عجينة طرية مش يابسة مثل عجينة القريوش
نعجنو العجينة بنفس طريقة المسمن بلا ما نقطعوها
و هذه اهم خطوة في العمل ،العجن يكون حوالي 10 دقايق
نقطعوها كرات صغيرة ، حجم الكرات يكون حسب حجم الصينية

*نطرحو كل كرة على حدا مع رش نشاء الذرة

*كمية النشاء تكون بزاف
نحطو اقراص العجينة فوق بعض و نحطو بيناتهم كمية مليحة من النشاء باه مايلصقوش ،نغطيوهم بكيس بلاستيكي و نخليوهم يرتاحو ساعة كاااملة او اكثر ووهذه مرحلة مهمة

*بعد الساعة نجيو لاسهل مرحلة
نذوبو السمن او الزبدة ندهنو السنيوة مليح و نبداو نحلو الاقراص
الاقراص راح يتحلو بيدينا بكل بساطة بدون زيت او حلالة

*العجينة راح تكون مطاطية جدا نلصقو جزء من طرف السنيوة و نجبدو راح ترجع العجينة رقيقة مثل عجينة المسمن
ندهنوها بالزبدة و نكملو باقي الطبقات و طبعا الزبدة تكون بين جميع الطبقات
بعد 7 او 8 طبقات نحطو الخشو

*في تونس يحطو المكسرات من دون اي اضافات يعني جافة
انا حطيتلها شوية ماء زهر و ملعقة اكل سكر فقط

*حطيت الحشو و سقيتو بشوية زبدة ذايبة
و كملت باقي الطبقات بنفس الطريقة و بيناتهم اكيد زبدة ذايبة
بعد ما كملت دهنتها من فوق بالزبدة و قصيتها
و دخلتها الفرن

*نقطة مهمة
الفرن سخنو ملييييح من قبل و مباعد نقصتلو و خليت البقلاوة طيب على نار قليلة باه تورق مليييح و يطيبو كل الطبقات
بعد ما طيب من تحت و من فوق نعسلوها و هي سخونة بعسل بارد و ثقيييل من دون اي اضافات باه تبقى مقرمشة


هاذ المقادير تاع العجينة تدي حوالي 1 كلغ مكسرات و 800غ عسلCOLOR]


URL=https://www.m5zn.com/out.php?code=16525835]][/URL]




































[I]

*و هاذي كنت درتها في العيد
من تحت بعجينة الفيلو و من فوق بالعحينة التونسية لانها كانت اول تجربة و خرجة تحفففة

جربوها حبيباتي ساااهلة في دقائق ديري سينية بقلاوة بلا تعب و فوقها النتيجة رائعة و الطبقات يجيو رقاق بزااااااف احسن من الالة 100 مرة

ملاحظة

درت ب 1 كلغ مكسرات و العسل خوالي 800غ و قطعتلي بالتقريب 40 حبة
ادعيولي براحة البال غالياتي/I]

[جيجلية]

ما شاء الله

خرجت تحففففة

بارك الله فيك

[النرجووسة]

زينوبة روعة كي العادة وصفاتك تهبلللللللللللل وتستاهل التطبيق

[ام رويدة]

سبحان الله هدا وين كتبتلك رد في موضوعي تاع المسابقة
وانت كنت حاااضرة بجديدك المميز والرائع
وش نقولك روووووووعة رووووعة رووووعة بوركت
شفت هاد الصورة بزاااف فالنت تاع البقلاوة بشكل مورق ورقيق بصح طريقة عملها جامي شفتها....لو سمحت كي تقعد ما تطراش يعني تبقالها.القرمشة...بارك الله فيك اختي زينب و يسر امورك وأجزل لك العطااااء
وا

[اريج 07]

وااااو واااو وااااو زنوبة الوصفة رائعة تهبل يعطبك الصحة حنونة اكيد نجىبوها تسلم ايدك يا شاف

احلى تقييم

[حياة نور الدين]

بارك الله فيك زينب وربي يريح بالك وينولك اللي تتمناي يا رب

[nanoua7]

يعطيك الصحة ويارب يفرج عليك و يهنيك و ينولك ما في بالك

[هناء الجميلة]

واخيرا لقيت وصفة ساهلة للبقلاوة.....ربي يفرج عليك

[انا هي رزيقة]

مشاء الله عليك اختي زينوبة وصفة في صميم تطلعاتي االبسيطة ..... خخخخخ و الله سهلتيها عليا الى اقصى حد و مخليتيليش اي حجة باه منطبقش البقلاوة .... ربي يسهللك امورك حنونة و يريح بالك يا رب

[anaris]

والله ليك وحشة كي شفتك تشرح قلبي ربي يعطيك ما تتمناي طمنينا علي الأخت اسمهان وبقلاوتك روعةةةةةةةةةةة كاروعتك

[طيور الجنان]

ماشاء الله اختي زينب ةصفاتك كلها تحفة سهلتيها علينا ربي يعطيك ماتتنماي و يرزقك راحة البال حنونة.

[edelweiss_dz]

بارك الله فيك

[أم ملك]

روعة زينب دمتي متألقة
فرج الله همك و يسر أمرك و رزقك حسنى الدارين يا رب

[راجيةالتوفيق]

بارك الله فيك

[ام هدول]

زينب دما تجبنا لجديد والرائع ..شكرا ليك على الوصفة ومجهودك ...ربي يريح بالك ..ويهينك يارب