لباس الزوجة داخل البيت

[nadine0159]

هههه انا نجاوبك في هادو ليامات و مع ارتفاع درجات الحرارة ماضنيتش تحساب ساهلة روح تكري وصون مرتك و دارك و عيش حياتك انا شخصيا قريب 4سنوات زواج مع العايلة متنديىش خمار هو صح شرع الله مي مانقدرش نهار كامل ف الكوزينة و الميناج وووو ايبييه مستحيل انا نفسيا كرهت نتمنى بيت مستقل نطيب كثر من الناس و نغسل الماعن كثر من الناس وماتكفيش الماكلة و ماتفاهمناش على مصروف الدار كل واحد يج في روحو المهم روح ادي مرتك بعيد و اصرف علة قدك و استر مرتك ترتاح و العايلة على العين و الراس يبقى القدر ديجا انا كي ندوش كل يوم نحشم و ساعات نحب ندوش مثلا مرتين من الجنابة مثلا نحشم نبطل و مانصليش يومين ثلاثة نقول باباه و امه يلاحظو نقول عيب خاوتو يلاحظو خمم في هادي برك تفهم مقصودي

[manel 16]

Gاعيش مع ناس داري 7 سنوات و انا ندير الخمار و الكمين قدام عائلة زوجي ليس باأمر الهين لكن احتسبه صبر على طاعة ربي يكتبلي الاجر انشاء الله.يقول رسول الله صلى الله عليه و سلم " الحمو الموت"مادا فوق هذا الله المستعان.اقنع خطيبتك او استقل بمنزلك و هذا من حقها

[توحيد الجزائرية]

يا اخي
الامر بسيط
بزاف اخوات يعيشو مع اهل الزوج ويلتزموا اللباس الشرعي
صراحة انا كنت نلبس حجاب وخمار امام اخ زوجي ومع الايام فهم انو لازم يستأذن
ولما تعرف الزوجة وقت اخوة زوجها تكون ذكية وتعرف وقتاش تلبس
الامر صعب خاصة مع شغل البيت او الصيف لكن السكن المنفرد كذلك صعب وقد يكون مستحيلا هذه الايام
حاليا الحمد لله لي سكن خاص واخو زوجي لا يدخل البيت الا بوجود اخيه وعند اللقاء التزم بزي شرعي والحمد لله ماصرالنا والو وعايشين
الحمو موت ..الحمو موت

[naziha1991]

نورمال خويا كي تلقى بنت الاصل بلا ما تقلها تلبس وتستر روحها مراناش عايششين في غابة واكيد ارح تصبر حتى ربي يفرج عليها بدار وحدها

[حنونة وطيوبة]

المرأة الاصيلة وحدها تعرف الحياء والاحتشام والسترة من صالحها لان الدين يحث على ذلك فهي عورة امام شخص اخر غير زوجها .اللهم ثبتنا على دينك ..فاظن انو اي فتاة تفهم ذلك ستدرك اهمية الموضوع

[batpro]

انصحك بالكراء اخي ادا اردت ان تستمتع بحياتك خاصة في بداية الزواج

[B.Hayet]

يمكنك ان تطلب منها ذلك اذ تفسر لها انها ليست لوحدها في المنزل و يجب التقيد بلباس محترم امام اهلك
ويمكنها تقبل ذلك

[boubaker1slm]

والله فاجأتني الردود من طرف أغليبة النساء و فرحت بذلك لأنهن متمسكات بدينهن .
وذلك يدل على صلاحهن .فبارك الله فيكن جميعا .

[azert0]

تفاهم انت و خطيبتك

[kader001]

أين الثقة بين الزوجين !!!!! وماذا حدث لها !!!!! ..و ما بال جداتنا و عماتنا في ستينات و سبعينات القرن الماضي ..عاشت.. مسلمات قانتات لا شك في إيمانهم ..بلباس جزائر محتشم بسيط ..لا خمار و لا هم يحزنون .. و كانت البركة تعم جميع الناس .. و اليوم صار إسلامنا يقاس على المظهر و تقليد السعودي و الأفغاني و إن ظل المخبر خبيث و منافق بعيد عن صحيح الدين ..ربي يلطف بنا ..آمين

[dounia el amani]

هي تاني انسان من حقها ترتاح في دارها
ماتكونش اناني يا اخي و اكري لاشتة بيت و كوزينة

[dounia el amani]

المشاركة الأصلية كتبت بواسطة kader001

أين الثقة بين الزوجين !!!!! وماذا حدث لها !!!!! ..و ما بال جداتنا و عماتنا في ستينات و سبعينات القرن الماضي ..عاشت.. مسلمات قانتات لا شك في إيمانهم ..بلباس جزائر محتشم بسيط ..لا خمار و لا هم يحزنون .. و كانت البركة تعم جميع الناس .. و اليوم صار إسلامنا يقاس على المظهر و تقليد السعودي و الأفغاني و إن ظل المخبر خبيث و منافق بعيد عن صحيح الدين ..ربي يلطف بنا ..آمين

والله عندك الف حق .ولا الدين مجرد لبس و كما قلت تقليد
الدين دين رحمة قبل شكل كي يكون مايرحمش مرتوو يدفنها في دارها
واش من دين في هادي